ബസ്സിനുള്ളില്‍ 'മോഹമുന്തിരി'ക്ക് ചുവടുവെച്ച് ഉമ്മച്ചി; നന്ദി പറഞ്ഞ് ഗോപി സുന്ദര്‍
- ബസിനുള്ളില്‍ 'മോഹമുന്തിരി' ഗാനത്തിന് തകര്‍പ്പന്‍ ഡാന്‍സുമായി ഉമ്മച്ചി
- വീഡിയോ പങ്കുവെച്ച് ഗോപി സുന്ദര്‍.
തിരുവനന്തപുരം: അടുത്തിടെ ഏറെ ചര്‍ച്ചയായ ഗാനമാണ് മമ്മൂട്ടി പ്രധാനവേഷത്തിലെത്തിയ മധുരരാജയിലെ 'മോഹമുന്തിരി വാറ്റിയ രാവ്'. ബോളിവുഡ് താരം സണ്ണി ലിയോണിന്‍റെ ചടുലമായ നൃത്തച്ചുവടുകള്‍ കൊണ്ട് ശ്രദ്ധേയമായ പാട്ട് ടിക് ടോക്കിലും സോഷ്യല്‍ മീഡിയയിലും വൈറലായിരുന്നു. എന്നാല്‍ ബസ്സിനുള്ളില്‍ ഈ പാട്ടിനൊപ്പം തകര്‍പ്പന്‍ ഡാന്‍സ് ചെയ്യുന്ന ഉമ്മച്ചിയുടെ വീഡിയോയാണ് ഇപ്പോള്‍ സോഷ്യല്‍ മീഡിയയുടെ ഇഷ്ടം നേടുന്നത്.
സംഗീത സംവിധായകന്‍ ഗോപി സുന്ദറാണ് ഫേസ്ബുക്ക് പേജിലൂടെ വീഡിയോ പങ്കുവെച്ചത്. ബസ് യാത്രക്കിടെ പാട്ടിന്‍റെ താളത്തില്‍ മതിമറന്ന് ചുവടുവെക്കുകയാണ് ഈ സ്ത്രീ. തന്‍റെ ഗാനത്തിനോട് ഇത്രയധികം സ്നേഹം തോന്നുന്നതില്‍ നന്ദിയുണ്ടെന്നും അദ്ദേഹം കുറിച്ചു.
"
Last Updated Dec 3, 2019, 6:33 PM IST
