ജോസഫ് തമിഴ് റീമേക്ക് 'വിചിത്തിരന്' ടീസര് പുറത്ത്; ജോജുവിന്റെ വേഷത്തിൽ തിളങ്ങി ആർ.കെ. സുരേഷ്
പ്രശസ്ത സംവിധായകൻ ബാലയാണ് വിചിത്തിരന്റെ നിർമാണം. ഷംന കാസിം, മധു ശാലിനി എന്നിവരാണ് മറ്റ് പ്രധാന താരങ്ങൾ.
മലയാളത്തിലെ സൂപ്പർ ഹിറ്റ് ചിത്രം ജോസഫിന്റെ തമിഴ് റീമേക്ക് 'വിചിത്തിരന്' ടീസര് റിലീസ് ചെയ്തു. ജോജുവിന്റെ വേഷത്തിൽ ആർ.കെ. സുരേഷാണ് ചിത്രത്തിൽ അഭിനയിക്കുന്നത്. എം.പത്മകുമാർ തന്നെയാണ് ചിത്രം തമിഴിലും സംവിധാനം ചെയ്യുന്നത്. കൊവിഡിന്റെ പശ്ചാത്തലത്തിൽ നിർത്തിവച്ചിരുന്ന ചിത്രത്തിന്റെ ഷൂട്ടിംഗ് സെപ്റ്റംബർ 24നാണ് വീണ്ടും ആരംഭിച്ചത്.
പ്രശസ്ത സംവിധായകൻ ബാലയാണ് വിചിത്തിരന്റെ നിർമാണം. ഷംന കാസിം, മധു ശാലിനി എന്നിവരാണ് മറ്റ് പ്രധാന താരങ്ങൾ. അന്തരിച്ച താരം അനിൽ മുരളിയുടെ അവസാനചിത്രം കൂടിയാണിത്. ജി.വി. പ്രകാശാണ് ചിത്രത്തിന് സംഗീതം നൽകിയിരിക്കുന്നത്.