വീണ്ടും വിസ്മയിപ്പിക്കാന് വിനായകന്; കമല് ചിത്രത്തിന്റെ ട്രെയ്ലര്
ഡാനി പ്രൊഡക്ഷന്സിന്റെ ബാനറില് ജോണി വട്ടക്കുഴി നിര്മ്മിക്കുന്ന ചിത്രത്തിന് തിരക്കഥയൊരുക്കിയിരിക്കുന്നത് കമലും ജോണ് പോളും ചേര്ന്നാണ്.
വിനായകനെ നായകനാക്കി കമല് സംവിധാനം ചെയ്യുന്ന 'പ്രണയ മീനുകളുടെ കടല്' എന്ന ചിത്രത്തിന്റെ ട്രെയ്ലര് പുറത്തെത്തി. കമല സുരയ്യയുടെ ജീവിതം പറഞ്ഞ 'ആമി'ക്ക് ശേഷം കമല് സംവിധാനം ചെയ്യുന്ന ചിത്രമാണ് ഇത്. വിനായകന്റെ കഥാപാത്രത്തെ മാത്രം അവതരിപ്പിച്ചതായിരുന്നു ടീസറെങ്കില് ഇപ്പോള് പുറത്തെത്തിയ ട്രെയ്ലറില് മറ്റ് കഥാപാത്രങ്ങളും പ്രാധാന്യത്തോടെ കടന്നുവരുന്നുണ്ട്. 1.37 മിനിറ്റ് ദൈര്ഘ്യമുള്ളതാണ് ട്രെയ്ലര്.
ഡാനി പ്രൊഡക്ഷന്സിന്റെ ബാനറില് ജോണി വട്ടക്കുഴി നിര്മ്മിക്കുന്ന ചിത്രത്തിന് തിരക്കഥയൊരുക്കിയിരിക്കുന്നത് കമലും ജോണ് പോളും ചേര്ന്നാണ്. ഛായാഗ്രഹണം വിഷ്ണു പണിക്കര്. എഡിറ്റിംഗ് ഷമീര് മുഹമ്മദ്. സംഗീതം ഷാന് റഹ്മാന്. വിനായകനൊപ്പം ദിലീഷ് പോത്തന്, ഗബ്രി ജോസ്, റിധി കുമാര് തുടങ്ങിയവര് മറ്റ് കഥാപാത്രങ്ങളെ അവതരിപ്പിക്കുന്നു.