പുരുഷൻമാരെ മാത്രം കുറ്റം പറയുന്നതിൽ അര്ത്ഥമില്ലെന്ന് ആൻഡ്രിയ
ചലച്ചിത്ര മേഖലയിലെ കാസ്റ്റിംഗ് കൗച്ചിന് പുരുഷൻമാരെ മാത്രം കുറ്റം പറയുന്നതിൽ അർത്ഥമില്ലെന്നാണ് ആൻഡ്രിയ ജെറമിയയുടെ അഭിപ്രായം. സ്ത്രീകൾ നോ പറഞ്ഞാൽ തീരുന്നതേയുള്ളൂ കാസ്റ്റിംഗ് കൗച്ച് എന്ന് ആൻഡ്രിയ പറയുന്നു.
ചെന്നൈ: ചലച്ചിത്ര മേഖലയെ പിടിച്ചുകുലുക്കി മീടു വിവാദം തുടരുകയാണ്. തമിഴ് സിനിമ രംഗത്ത് വൈരമുത്തുപോലുള്ള പ്രമുഖര് പോലും സ്ത്രീകളുടെ മീടു വെളിപ്പെടുത്തലില് കുടുങ്ങിയിരിക്കുകയാണ്. ഈ അവസ്ഥയിലാണ് നടി ആൻഡ്രിയ ജെറമിയ പ്രതികരണവുമായി രംഗത്ത് എത്തിയത്.
ചലച്ചിത്ര മേഖലയിലെ കാസ്റ്റിംഗ് കൗച്ചിന് പുരുഷൻമാരെ മാത്രം കുറ്റം പറയുന്നതിൽ അർത്ഥമില്ലെന്നാണ് ആൻഡ്രിയ ജെറമിയയുടെ അഭിപ്രായം. സ്ത്രീകൾ നോ പറഞ്ഞാൽ തീരുന്നതേയുള്ളൂ കാസ്റ്റിംഗ് കൗച്ച് എന്ന് ആൻഡ്രിയ പറയുന്നു. എനിക്ക് ഇത്തരം അനുഭവങ്ങൾ ഉണ്ടായിട്ടില്ല. എന്റെയടുത്ത് അത്തരം ഉദ്ദേശ്യങ്ങൾ നടക്കില്ലെന്ന് എന്നെ പരിചയപ്പെടുന്നവർക്കറിയാം.
മാത്രമല്ല കാസ്റ്റിംഗ് കൗച്ചിന് ഇരയാകാത്ത ധാരാളം നടിമാരെയും എനിക്കറിയാം- ആൻഡ്രിയ പറയുന്നു. സിനിമയിലെ അവസരങ്ങൾക്കായി കിടപ്പറ പങ്കിടാൻ നടികൾ തയാറാകാതിരുന്നാൽ ഇത്തരം ഉദ്ദേശ്യങ്ങളുമായി ആരും വരില്ലെന്നും ആൻഡ്രിയ പറയുന്നു. വടചെന്നൈ എന്ന പുതിയ ധനുഷ് ചിത്രത്തില് ചന്ദ്ര എന്ന പ്രധാന വേഷത്തില് എത്തുന്ന ആൻഡ്രിയ അതിന്റെ പ്രമോഷന് പരിപാടിയിലാണ് തന്റെ അഭിപ്രായം തുറന്നു പറഞ്ഞത്.