ആമിർ ഖാന്റെ പുതിയ ചിത്രം 'സിതാരെ സമീൻ പർ' തിയേറ്ററുകളിൽ വിജയകരമായി തുടരുകയാണ്. ചിത്രം 100 കോടി ക്ലബില് എത്തി കഴിഞ്ഞു.
ചെന്നൈ: ബോളിവുഡ് സൂപ്പർതാരം ആമിർ ഖാൻ തന്റെ ഏറ്റവും പുതിയ ചിത്രമായ 'സിതാരെ സമീൻ പർ' ജൂൺ 20-ന് തിയേറ്ററുകളിൽ എത്തി മികച്ച വിജയം നേടുകയാണ്. എന്നാൽ, ഈ ചിത്രത്തിന്റെ തമിഴ് പതിപ്പിന്റെ നായകനായി ആദ്യം പരിഗണിച്ചത് തമിഴ് സിനിമയിലെ ജനപ്രിയ താരം ശിവ കാര്ത്തികേയനെയാണ് എന്നാണ് ആമിർ ഖാൻ ഒരു അഭിമുഖത്തിൽ വെളിപ്പെടുത്തിയത്.
'ലാൽ സിംഗ് ഛദ്ദ' എന്ന ചിത്രത്തിന്റെ പരാജയത്തിന് ശേഷം മാനസികമായി തളർന്ന ആമിർ, 'സിതാരെ സമീൻ പർ' എന്ന ചിത്രത്തിൽ നിന്ന് വിട്ടുനിൽക്കാൻ തീരുമാനിച്ചിരുന്നു. "ഞാൻ വിഷാദത്തിലായിരുന്നു, അതിനാൽ ഒരു ഇടവേള എടുക്കാൻ ആഗ്രഹിച്ചു," ആമിർ പറഞ്ഞു. ഈ സമയത്ത്, സംവിധായകൻ ആർ.എസ്. പ്രസന്ന ആമിറിനോട് ചിത്രത്തിന്റെ നിർമ്മാതാവായി തുടരാൻ അഭ്യർത്ഥിച്ചു.
തുടർന്ന്, ചിത്രം ഹിന്ദിയിലും തമിഴിലും നിർമ്മിക്കാൻ തീരുമാനിച്ചു. ഹിന്ദി പതിപ്പിനായി ഫർഹാൻ അക്തറിനെയും, തമിഴ് പതിപ്പിനായി ശിവകാർത്തികേയനെയും തിരഞ്ഞെടുത്തു. എന്നാൽ, ചിത്രത്തിന്റെ തിരക്കഥ വായിച്ചപ്പോൾ ആമിറിന്റെ മനസ്സ് മാറി. "തിരക്കഥ വായിച്ചപ്പോൾ, ഞാൻ എന്തിനാണ് ഈ ചിത്രം ചെയ്യാത്തതെന്ന് ഞാൻ സ്വയം ചോദിച്ചു," ആമിർ പറഞ്ഞു. ഒരാഴ്ചത്തെ ചർച്ചകൾക്ക് ശേഷം, ആമിർ തന്നെ നായകനായി അഭിനയിക്കാൻ തീരുമാനിച്ചു.
Related Articles
ഇതിനായി അദ്ദേഹം ഫർഹാനോടും ശിവകാർത്തികേയനോടും നേരിട്ട് സംസാരിക്കുകയും മനസ്സ് തുറന്ന് സാഹചര്യം വിശദീകരിക്കുകയും ചെയ്തു. "അവർ നിരാശരായെങ്കിലും എന്റെ തീരുമാനത്തെ മനസ്സിലാക്കി," ആമിർ കൂട്ടിച്ചേർത്തു.
'സിതാരെ സമീൻ പർ' 2007-ലെ 'താരെ സമീൻ പർ' എന്ന ചിത്രത്തിന്റെ ആത്മീയ പിന്തുടർച്ചയാണ് എന്നാണ ആമിര് തന്നെ വിശേഷിപ്പിക്കുന്നത്. 2018-ലെ സ്പാനിഷ് ചിത്രമായ 'ചാമ്പ്യൻസിന്റെ' ഔദ്യോഗിക റീമേക്ക് കൂടിയാണ് ഈ ചിത്രം.
ഒരു ബാസ്കറ്റ്ബോൾ പരിശീലകന്റെ കഥയാണ് ഇത് പറയുന്നത്. അപകടത്തിൽപ്പെട്ട് കോടതി വിധിയാൽ കമ്മ്യൂണിട്ടി സർവീസിന് വിധിക്കപ്പെടുന്ന ഈ പരിശീലകൻ, വിവിധ വൈകല്യങ്ങളുള്ള കളിക്കാരെ പരിശീലിപ്പിച്ച് ഒരു ടൂർണമെന്റിന് തയ്യാറാക്കുന്നതാണ് നര്മ്മത്തില് ചാലിച്ച് ഈ സിനിമയില് ആവിഷ്കരിക്കുന്നത്. ആമിർ ഖാൻ, ജനീലിയ ഡിസൂസ എന്നിവർക്കൊപ്പം പത്ത് പുതുമുഖ നടന്മാരും ഈ ചിത്രത്തിൽ അഭിനയിക്കുന്നുണ്ട്.
ചിത്രം 6000-ലധികം സ്ക്രീനുകളിൽ പ്രദർശനത്തിനെത്തി, റിലീസിന്റെ ആദ്യ ദിനം 8.87 കോടി രൂപയാണ് ഇന്ത്യയിൽ നിന്ന് നേടിയത്. ഇപ്പോള് ചിത്രം ഇറങ്ങി 9 ദിവസത്തിനുള്ളില് ചിത്രം ഇന്ത്യയില് മാത്രം 100 കോടി ക്ലബില് കടന്നിട്ടുണ്ട്. ശങ്കർ-എഹ്സാൻ-ലോയ് ആണ് ചിത്രത്തിന് സംഗീതം നല്കിയിരിക്കുന്ന
