Follow Us "മിഷന്‍ ഇംപോസിബിള്‍ പുതിയ ചിത്രം: ടോം ക്രൂസ് ഇന്ത്യയില്‍ ബോക്സ് ഓഫീസില്‍ വന്‍ കുതിപ്പ് നടത്തുന്നു")
മിഷന്‍ ഇംപോസിബിള്‍: ദി ഫൈനല്‍ റെക്കണിംഗ് ഇന്ത്യന്‍ ബോക്സ് ഓഫീസില്‍ മികച്ച കളക്ഷന്‍ നേടി.
മുംബൈ: ഇന്ത്യന്‍ സിനിമാപ്രേമികള്‍ക്കിടയില്‍ വലിയ ഫോളോവിംഗ് ഉള്ള ചില ഹോളിവുഡ് ഫ്രാഞ്ചൈസിയാണ് ടോം ക്രൂസ് നായകനാവുന്ന മിഷന്‍ ഇംപോസിബിള്‍. ഫ്രാഞ്ചൈസിയിലെ അവസാന ഭാഗം മിഷന്‍ ഇംപോസിബിള്‍: ദി ഫൈനല്‍ റെക്കണിംഗ് മെയ് 17മാണ് ഇന്ത്യന്‍ തിയറ്ററുകളില്‍ എത്തിയത്. 23 ന് മാത്രം യുഎസില്‍ റിലീസ് ചെയ്യപ്പെടുന്ന ചിത്രമാണിത്.
മികച്ച അഡ്വാന്‍സ് ബുക്കിംഗ് ആണ് ചിത്രം ഇന്ത്യയില്‍ നേടിയിരുന്നത്. അതേസമയം ചിത്രം ആദ്യ വാരാന്ത്യത്തില്‍ മികച്ച കളക്ഷന്‍ നേടിയെന്നാണ് റിപ്പോര്‍ട്ട്. ഇപ്പോഴിതാ ഇത് സംബന്ധിച്ച കണക്കുകള്‍ പുറത്തെത്തിയിരിക്കുകയാണ്.
ഓണ്‍ലൈന്‍ ട്രാക്കറായ സാക്നില്‍ക്.കോം കണക്ക് പ്രകാരം ചിത്രം രണ്ട് ദിവസത്തില്‍ ഇന്ത്യയില്‍ നിന്ന് 34.51 കോടിയാണ് ഗ്രോസ് കളക്ഷന്‍ നേടിയിരിക്കുന്നത്. റിലീസ് ദിനത്തില്‍ ചിത്രം നേടിയ കളക്ഷനില്‍ 7.21% ശതമാനം വര്‍ദ്ധനവാണ് ഞായറാഴ്ച മിഷന്‍ ഇംപോസിബിള്‍: ദി ഫൈനല്‍ റെക്കണിംഗ് നേടിയത്. ഞായറാഴ്ച ചിത്രത്തിന്‍റെ കളക്ഷന്‍ 17.69 കോടിയാണ്.
Related Articles
അതേസമയം പല സൂപ്പര്‍താര ബോളിവുഡ് ചിത്രങ്ങളുടെ ഇന്ത്യന്‍ ഓപണിംഗിനെയും മിഷന്‍ ഇംപോസിബിള്‍ മറികടന്നിട്ടുണ്ട്. ഉദാഹരണത്തിന് അക്ഷയ് കുമാറിന്‍റെ കേസരി ചാപ്റ്റര്‍ 2 ആദ്യ ദിനം ഇന്ത്യയില്‍ നിന്ന് നേടിയത് 7.69 കോടി ആയിരുന്നു. സണ്ണി ഡിയോളിന്‍റെ ജാഠ് ആദ്യ ദിനം ഇന്ത്യയില്‍ നിന്ന് നേടിയത് 9.5 കോടിയും ആയിരുന്നു. അതേസമയം അജയ് ദേവ്‍ഗണിന്‍റെ റെയ്ഡ് 2 ആദ്യ ദിനം ഇന്ത്യന്‍ ബോക്സ് ഓഫീസില്‍ നിന്ന് നേടിയത് 10.25 കോടി ആയിരുന്നു.
അതേ സമയം ടോം ക്രൂയിസിന്റെ മിഷൻ: ഇംപോസിബിൾ - ദി ഫൈനൽ റെക്കണിംഗ് കാൻ ഫിലിം ഫെസ്റ്റിവലിലാണ് ആദ്യമായി പ്രീമിയര്‍ ചെയ്തത്. അവിടെ എല്ലാവരുടെയും കയ്യടി ചിത്രം നേടിയെന്നാണ് റിപ്പോര്‍ട്ടുകള്‍ വന്നത്.പക്ഷേ റോട്ടൻ ടൊമാറ്റോസിൽ ആ ചിത്രം വേണ്ടത്ര റൈറ്റിംഗ് നേടിയില്ലെന്നാണ് വിവരം.
ക്രിസ്റ്റഫർ മക്വറി സംവിധാനം ചെയ്ത മിഷൻ: ഇംപോസിബിൾ - ദി ഫൈനൽ റെക്കണിംഗ് ഇംഗ്ലീഷ്, ഹിന്ദി, തമിഴ്, തെലുങ്ക് ഭാഷകളിൽ ഇന്ത്യയിൽ റിലീസ് ചെയ്തത്.
