വിക്രമിന്റെ പുതിയ ചിത്രമായ സാമി ടുവിന്റെ ട്രെയിലറിനെ ട്രോളി നടി കസ്തൂരി
വിക്രമിന്റെ പുതിയ ചിത്രമായ സാമി ടുവിന്റെ ട്രെയിലറിനെ ട്രോളി നടി കസ്തൂരി. സാമിയുടെ ടീസറിന് താൻ അഭിനയിച്ച ചിത്രമായ തമിഴ് പടം 2 എന്ന പുതിയ ചിത്രത്തിന്റെ ടീസറുമായി ബന്ധമുണ്ട്. വെറും ടെംപ്ലേറ്റ് ഷോട്ടുകള് നിരത്തിയാണ് സാമി 2 വിന്റെ ടീസര് ഒരുക്കിയിട്ടുള്ളതെന്ന് കസ്തൂരി ട്വീറ്റ് ചെയ്തു. ട്വീറ്റ് ചെയ്ത് മണിക്കൂറുകൾ കഴിഞ്ഞപ്പോൾ വിക്രത്തിന്റെ ആരാധകര് രോഷാകുലരായി രംഗത്തെത്തി.
കിളവിയായിട്ടും ഐറ്റം ഡാന്സ് കളിച്ചുനടക്കാന് നാണമില്ലേയെന്ന് വിക്രമിന്റെ ആരാധകർ തിരിച്ചും ട്രോളി. തമിഴ് പടം 2 വില് കസ്തൂരി ഒരു ഐറ്റം ഡാന്സ് അവതരിപ്പിക്കുന്നുണ്ട്. ഇതിനെയാണ് ആരാധകര് ചോദ്യം ചെയ്തത്.ഇത് കേട്ട് മണിക്കൂറുകൾ കഴിഞ്ഞ് കസ്തൂരി വിക്രം ഫാന്സിനെയും വിക്രത്തെയും പിന്നെയും ട്രോളി.
മകളുടെ പ്രായം വരുന്ന നടിമാര്ക്കൊപ്പം അഭിനയിക്കാന് വിക്രത്തിന് പറ്റുമെങ്കില് ഈ പ്രായത്തില് എനിക്ക് എന്തുകൊണ്ട് ഐറ്റം ഡാന്സ് ചെയ്തുകൂടായെന്നായിരുന്നു കസ്തൂരി വിക്രമിന്റെ ആരോധകരോട് വീണ്ടും ചോദിച്ചത്. എന്നാൽ കസ്തൂരിയുടെ ട്വീറ്റിനോട് വിക്രം ഇതുവരെയും പ്രതികരിച്ചിട്ടില്ല. സാമി 2വിൽ നടിമാരായ തൃഷയും, കീര്ത്തി സുരേഷുമാണ് പ്രധാന വേഷങ്ങള് ചെയ്യുന്നത്. സാമിയുടെ ആദ്യ ഭാഗത്തില് മുഴുനീള കഥാപാത്രത്തെയാണ് തൃഷ അവതരിപ്പിച്ചത്.
