മമ്മൂട്ടിയെ ആക്ഷേപിച്ച് ബോളിവുഡ് നടന്‍ കമാല്‍ ആര്‍. ഖാന്‍
ദില്ലി: മോഹന്‍ലാലിന് പിന്നാലെ മമ്മൂട്ടിയെ ആക്ഷേപിച്ച് ബോളിവുഡ് നടന്‍ കമാല്‍ ആര്‍. ഖാന്‍. മമ്മൂട്ടിയെ സി ഗ്രേഡ് നടന്‍ എന്ന് വിശേഷിപ്പിച്ചു കൊണ്ടാണ് കെ.ആര്‍.കെയുടെ പുതിയ ട്വീറ്റ്. മോഹന്‍ലാല്‍, താങ്കളെ അധിക്ഷേപിക്കുന്നതിനായി മമ്മൂട്ടി എനിക്ക് പണം തന്നതായി ആരോടെങ്കിലും ചോദിച്ചിരുന്നോ. ആ സി ഗ്രേഡ് നടനെ എനിക്ക് അറിയുക കൂടിയില്ല-കെ.ആര്‍.കെ ട്വീറ്റില്‍ പറഞ്ഞു.
ഭീമനായി അഭിനയിക്കുന്ന മോഹന്‍ലാലിനെ ഛോട്ടാ ഭീം എന്ന് വിളിച്ചാണ് കെ.ആര്‍.കെ ആദ്യം വാര്‍ത്തകളില്‍ നിറഞ്ഞത്. മോഹന്‍ലാലിന് അധിക്ഷേപിച്ചതില്‍ പ്രതിഷേധിച്ച് മോഹന്‍ലാല്‍ ആരാധകരും മമ്മൂട്ടി ആരാധകരും കെ.ആര്‍.കെയ്‌ക്കെതിരെ രംഗത്ത് വന്നിരുന്നു.
Sir @Mohanlal you asked someone whether #Mammootty has paid me to criticise you. No sir. I even don't know who is that C grade actor.
— KRK (@kamaalrkhan) April 30, 2017
മോഹന്‍ലാലിനെ പരമാവധി അധിക്ഷേപിച്ചതിലൂടെ ട്വിറ്ററില്‍ ഫോളോവേഴ്‌സിന്റെ എണ്ണം കൂട്ടിയ കെ.ആര്‍.കെ പിന്നീട് മോഹന്‍ലാലിനോട് മാപ്പ് പറഞ്ഞിരുന്നു. മോഹന്‍ലാല്‍ സൂപ്പര്‍താരമാണെന്ന് അറിഞ്ഞില്ലെന്നും മാപ്പ് പറയുന്നുവെന്നും കെ.ആര്‍.കെ ട്വീറ്റ് ചെയ്തിരുന്നു. ഏതായാലും മമ്മൂട്ടിയെ അധിക്ഷേപിച്ചതിനെതിരെയും മലയാളികള്‍ പ്രതിഷേധവുമായി രംഗത്ത് വന്നിട്ടുണ്ട്.
