നരകാസുരന്‍റെ ട്രെയിലർ പുറത്ത്
ധ്രുവങ്ങൾ പതിനാറ് എന്ന ചിത്രത്തിന് ശേഷം കാർത്തിക് നരേൻ സംവിധാനം ചെയ്യുന്ന നരകാസുരന്‍റെ ട്രെയിലർ പുറത്ത്. അരവിന്ദ് സ്വാമി നായകനാകുന്ന ചിത്രത്തിൽ ഇന്ദ്രജിത്തും പ്രധാന വേഷത്തിൽ അഭിനയിക്കുന്നു. ഇൻവസ്റ്റിഗേറ്റീവ് ക്രൈം ത്രില്ലറായ ചിത്രത്തിൽ പൊലീസുദ്യോഗസ്ഥനായാണ് ഇന്ദ്രജിത്ത് എത്തുന്നത്. സുന്ദീപ്കിഷൻ, ശ്രീയ സരൺ, ആത്മിക എന്നിവരാണ് ചിത്രത്തിലെ മറ്റു അഭിനേതാക്കൾ.
സുജിത് സാരംഗിന്റേതാണു ക്യാമറ, ശ്രീജിത് സാരംഗ്-എഡിറ്റിങ്. 2016ലെ ഏറ്റവും മികച്ച തമിഴ് ക്രൈം ത്രില്ലർ എന്നാണു കാർത്തികിന്റെ ആദ്യ ചിത്രമായ ധ്രുവങ്ങൾ പതിനാറെക്കുറിച്ച് സമൂഹമാധ്യമങ്ങളിൽ വന്ന പ്രശംസ. ലോ ബജറ്റിൽ ചെയ്ത ഈ ചിത്രം തമിഴ് നാട്ടിലും കേരളത്തിലും ആളുകൾ ഇരുകൈയും നീട്ടിയാണ് സ്വീകരിച്ചത്.
Last Updated Oct 4, 2018, 6:25 PM IST
