സൗഹൃദ സെല്‍ഫിയുമായി സച്ചിനും ഷാരൂഖും
- ഇന്‍സ്റ്റഗ്രാമില്‍ സച്ചിന്‍ പങ്കുവച്ച് ചിത്രത്തിന് 7,00,000 ലൈക്കുകള്‍
മഹാരാഷ്ട്രയില്‍ വിവാഹവേളകളില്‍ അണിയുന്ന മനോഹരമായ ഡിസൈനര്‍ തൊപ്പികള്‍ വച്ച് കുങ്കുമം തൊട്ട് ഷാരൂഖും സച്ചിനും. സച്ചിനും ഷാരൂഖ് ഖാനും ട്വിറ്ററിലൂടെ പങ്കുവച്ച ചിത്രമാണ് ആരാധകര്‍ക്കിടയില്‍ വൈറലാകുന്നത്.
Jab SRK met SRT 😋 pic.twitter.com/8Nj8UpyDxw
— Sachin Tendulkar (@sachin_rt) July 3, 2018
'Jab SRK met SRT :-p ' എന്ന അടിക്കുറിപ്പുമായി സച്ചിനാണ് ആദ്യം സെല്‍ഫി ട്വീറ്റ് ചെയ്തത്. പിന്നാലെ ഷാരൂഖിന്റെ റീട്വീറ്റ്.
'നമ്മളിനി ഫോട്ടോ ആല്‍ബങ്ങളൊന്നും സൂക്ഷിക്കാന്‍ സാധ്യതയില്ല, പക്ഷേ മഹാനായ ഈ മനുഷ്യനോടൊപ്പമുള്ള ചിത്രം എടുത്തുവയ്ക്കാന്‍ വേണ്ടി മാത്രം ഞാനൊരു ആല്‍ബമുണ്ടാക്കുന്നുണ്ട്' ഫോട്ടോയ്‌ക്കൊപ്പം ഷാരൂഖിന്റെ കിടിലന്‍ അടിക്കുറിപ്പും.
We don’t keep photo albums anymore… but I will make an album just to keep this pic with the great man forever. https://t.co/gYN24yMNyk
— Shah Rukh Khan (@iamsrk) July 3, 2018
ആകാശ് അംബാനിയുടേയും ശ്ലോക മേത്തയുടേയും വിവാഹ നിശ്ചയ സമയത്തെടുത്ത ഫോട്ടോയാണ് ഇരുവരും സൗഹൃദത്തിന്റെ അടയാളമായി പങ്കുവച്ചത്. ഏഴ് ലക്ഷം ലൈക്കുകളാണ് ഇന്‍സ്റ്റഗ്രാമില്‍ സച്ചിന്‍ പോസ്റ്റ് ചെയ്ത ഈ ഫോട്ടോയ്ക്ക് കിട്ടിയത്.
