ജെസി വിജയ് സേതുപതിയുടെ ജീവിതത്തിലെ 'മലയാളിയായ' പ്രണയതാരകം

First Published 14, Sep 2018, 7:12 PM IST
Vijay Sethupathi about his family
Highlights

വിവാഹ ശേഷം ഏറെ ദുരിതമായിരുന്നു ജീവിതത്തില്‍. അടുത്തിടെ ഇറങ്ങിയ ഇറങ്ങിയ ഇമെകള്‍ നൊടികള്‍ എന്ന ചിത്രത്തില്‍ 10 മിനുട്ട് പോലും ഇല്ലാത്ത ഒരു അതിഥി വേഷത്തില്‍ വിജയ് സേതുപതി പ്രത്യക്ഷപ്പെടുന്നുണ്ട്

ചെന്നൈ: ഇരുപത്തിമൂന്നാമത്തെ വയസിലാണ് മക്കള്‍ സെല്‍വന്‍ വിജയ് സേതുപതി മലയാളി പെണ്‍കൊടി ജെസിയെ സ്വന്തം ജീവിതത്തിലേക്ക് കൊണ്ടുവരുന്നത്. സിനിമ സ്വപ്നങ്ങള്‍ ആയിരുന്നെങ്കിലും സാഹചര്യങ്ങള്‍ മൂലം ഗള്‍ഫ് രാജ്യത്ത് പ്രവാസിയായ കാലത്താണ് ചെന്നൈയില്‍ താമസമാക്കിയ കൊല്ലം സ്വദേശിയായ ഓണ്‍ലൈനില്‍ കണ്ടുമുട്ടിയത്.

സുഹൃത്ത് വഴിയാണ് സേതുപതി ജെസിയെ പരിചയപ്പെടുന്നത്. പരസ്പരം കാണുന്നതിനുമുൻപാണ് പരിചയപ്പെടുന്നത്. ദുബായിൽ ജോലി ചെയ്യുമ്പോൾ ജെസിയും അവിടെയുണ്ടായിരുന്നു. ഓൺലൈൻ ചാറ്റിങ്ങിലൂടെയാണ് പരസ്പരം സംസാരിക്കുന്നതും അടുക്കുന്നതും,  പ്രണയം വീട്ടിൽ പറഞ്ഞപ്പോൾ ആദ്യം കുറച്ചുപ്രശ്നങ്ങളുണ്ടായി. ഒടുവിൽ വിവാഹത്തിന് അവർ സമ്മതം നൽകി. വിവാഹനിശ്ചയത്തിന്റെ അന്നാണ് ജെസിയെ ആദ്യമായി നേരിൽക്കാണുന്നത്'' വിജയ് സേതുപതി തന്നെ ഒരിക്കല്‍ വിവരിച്ചിട്ടുണ്ട്.

വിവാഹ ശേഷം ഏറെ ദുരിതമായിരുന്നു ജീവിതത്തില്‍. അടുത്തിടെ ഇറങ്ങിയ ഇറങ്ങിയ ഇമെകള്‍ നൊടികള്‍ എന്ന ചിത്രത്തില്‍ 10 മിനുട്ട് പോലും ഇല്ലാത്ത ഒരു അതിഥി വേഷത്തില്‍ വിജയ് സേതുപതി പ്രത്യക്ഷപ്പെടുന്നുണ്ട്. ജോലിയില്ലാത്ത നയന്‍താരയുടെ ഭര്‍ത്താവിന്‍റെ വേഷം. ചിലപ്പോള്‍ അപ്രധാനം എന്ന് തോന്നുന്ന ആ വേഷം തിരഞ്ഞെടുക്കാന്‍ വിജയ് സേതുപതിയെ പ്രേരിപ്പിച്ചത് തന്നെ അതിലെ സ്വന്തം ജീവിതവുമായുള്ള സാമ്യമാണ്.

സിനിമയിലെത്താനും നല്ല കഥാപാത്രങ്ങൾ കിട്ടാതെ കഷ്ടപ്പെട്ട കാലത്ത് എല്ലാ പിന്തുണയും തന്ന് ഒപ്പം നിന്നത് ജെസ്സിയാണെന്ന് സേതുപതി പറയുന്നു. ഒന്നുമില്ലാതിരുന്നപ്പോഴും ഒരു പരാതിയും പറയാതെ അവൾ ഒപ്പം നിന്നു. എന്റെ സ്വപ്നത്തിനുവേണ്ടിയായിരുന്നു അവളുടെ പിന്തുണ മുഴുവൻ. ആ പിന്തുണയില്ലായിരുന്നു എങ്കിൽ എനിക്കിവിടെയെത്താൻ സാധിക്കുമെന്ന് കരുതുന്നില്ല, സേതുപതി പറഞ്ഞു.

മക്കള്‍ സെല്‍വന്‍ എന്ന നിലയില്‍ തമിഴ് സിനിമ രംഗത്ത് തന്‍റെ സാന്നിധ്യം ഉറപ്പിച്ച വിജയ് സേതുപതി പുതിയ മണിരത്നം ചിത്രത്തില്‍ റസൂല്‍ എന്ന സുപ്രധാന വേഷത്തിലാണ് എത്തുന്നത്. 

loader