ശരീരത്തില് കൊളസ്ട്രോളിന്റെ അളവ് അധികമായാല് അത് രക്തധമനികളില് അടിഞ്ഞു കൂടും. ഹൃദയത്തിലേയ്ക്കുള്ള രക്തപ്രവാഹം തടസപ്പെടാന് വരെ ഇത് കാരണമാകാം. തുടര്ന്ന് ഇത് ഹാര്ട്ട് അറ്റാക്ക് അടക്കമുളള പല പ്രശ്നങ്ങളിലേക്കും വഴി വയ്ക്കാം.
മാറിവരുന്ന ജീവിതശൈലിയും ഭക്ഷണശീലങ്ങളുമാണ് പലപ്പോഴും ഒട്ടേറെ ജീവിതശൈലീ രോഗങ്ങളെ വിളിച്ചു വരുത്തുന്നത്. ശരീരത്തില് ചീത്ത കൊളസ്ട്രോള് വര്ധിക്കാന് കാരണവും അത് തന്നെയാണ്. കൊളസ്ട്രോള് കൂടുമ്പോള് എപ്പോഴും കാര്യമായ ലക്ഷണങ്ങള് ഉണ്ടാകണമെന്നില്ല. ചിലര്ക്ക് ആദ്യഘട്ടത്തില് കാലുകളില് മരവിപ്പ്, മുട്ടുവേദന, കഴുത്തിനു പിന്നില് ഉളുക്കുപോലെ കഴപ്പുണ്ടാകാറുണ്ട്, മങ്ങിയ നഖങ്ങള് തുടങ്ങിയവ കാണാം. കൊളസ്ട്രോള് തോത് നിയന്ത്രണം വിട്ട് വര്ധിക്കുമ്പോള് മാത്രമാണ് ഹൃദയാഘാതത്തിന്റെയും പക്ഷാഘാതത്തിന്റെയും രൂപത്തില് ശരീരം സൂചനകള് നല്കുക.
കൊളസ്ട്രോള് കുറയ്ക്കാന് സഹായിക്കുന്ന ചില ഭക്ഷണങ്ങളെ പരിചയപ്പെടാം.
ഒന്ന്...
ചീരയാണ് ആദ്യമായി ഈ പട്ടികയില് ഉള്പ്പെടുന്നത്. ശരീരത്തിലെ കൊഴുപ്പ് കുറയ്ക്കുന്ന ഭക്ഷണങ്ങളില് മുന്നിലാണ് ചീര. വിറ്റാമിന് ബി, മഗ്നീഷ്യം, വിറ്റാമിന് ഇ എന്നിവയുടെ കലവറയാണ് ചീര. അതിനാല് ചീര ഡയറ്റില് ഉള്പ്പെടുത്തുന്നത് കൊളസ്ട്രോള് കുറയ്ക്കാന് സഹായിക്കും.
രണ്ട്...
സോയ മില്ക്ക് ആണ് അടുത്തതായി ഈ പട്ടികയില് ഉള്പ്പെടുന്നത്. ദിവസേനെ സോയ മിതമായി കഴിക്കുന്നത് ചീത്ത കൊളസ്ട്രോള് അളവ് 6% വരെ കുറയ്ക്കുവാന് സഹായിക്കുന്നു. അതിനാല് സോയ മില്ക്ക് ദിവസവും ഡയറ്റില് ഉള്പ്പെടുത്താം.
മൂന്ന്...
ഫാറ്റി ഫിഷ് ആണ് മൂന്നാമതായി ഈ പട്ടികയില് ഉള്പ്പെടുന്നത്. ഒമേഗ 3 ഫാറ്റി ആസിഡ് അടങ്ങിയ ഇവ കൊളസ്ട്രോള് കുറയ്ക്കാന് സഹായിക്കും.
നാല്...
ഓട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ഇവ കഴിക്കുന്നത് കൊളസ്ട്രോള് കുറയ്ക്കാന് സഹായിക്കും.
അഞ്ച്...
അവക്കാഡോ ആണ് അഞ്ചാമതായി ഈ പട്ടികയില് ഉള്പ്പെടുന്നത്. ധാരാളം ആരോഗ്യ ഗുണങ്ങളുളള ഒന്നാണ് അവക്കാഡോ അഥവാ വെണ്ണപ്പഴം. കൊളസ്ട്രോൾ കുറയ്ക്കാന് ദിവസവും ഒരു അവക്കാഡോ പഴം കഴിക്കുന്നത് നല്ലതാണ്.
ആറ്...
ഫ്ലക്സ് സീഡുകളാണ് അടുത്തതായി ഈ പട്ടികയില് ഉള്പ്പെടുന്നത്. ഒമേഗ 3 ഫാറ്റി ആസിഡ് അടങ്ങിയ ഇവ കൊളസ്ട്രോള് കുറയ്ക്കാന് സഹായിക്കും.
ഏഴ്...
നട്സ് ആണ് അവസാനമായി ഈ പട്ടികയില് ഉള്പ്പെടുന്നത്. ചീത്ത കൊളസ്ട്രോൾ കുറയ്ക്കാൻ മാത്രമല്ല ഹൃദ്രോഗ സാധ്യത കുറയ്ക്കാനും നട്സുകൾ സഹായിക്കുന്നു. ആല്മണ്ട്, പീനട്ട്, വാള്നട്ട് അങ്ങനെ എല്ലാവിധത്തിലെ നട്സും കൊളസ്ട്രോള് കുറയ്ക്കുന്നതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: രക്തസമ്മർദ്ദം നിയന്ത്രിക്കാന് ഡയറ്റില് ഉള്പ്പെടുത്താം ഈ അഞ്ച് പഴങ്ങള്...
