ഈന്തപ്പഴം കുതിര്ത്ത് കഴിക്കുന്നത് ഏറെ ഗുണകരമാണെന്നാണ് ന്യൂട്രീഷ്യന്മാര് പറയുന്നത്. ഒരു രാത്രി മുഴുവന് വെള്ളത്തില് ഇട്ട് കുതിര്ത്ത ഈന്തപ്പഴം വിലെ വെറുവയറ്റില് കഴിക്കുന്നത് ശരീരത്തില് ഇരുമ്പിന്റെ അംശം കൂടാനും വിളര്ച്ചയെ തടയാനും സഹായിക്കുമെന്നാണ് ന്യൂട്രീഷ്യന്മാര് പറയുന്നത്.
ശരീരത്തിന്റെ ആരോഗ്യം മെച്ചപ്പെടുത്തണമെങ്കില് ആദ്യം ശ്രദ്ധ ചെലുത്തേണ്ടത് കഴിക്കുന്ന ഭക്ഷണത്തില് തന്നെയാണ്. കൃത്യസമയത്ത് ആരോഗ്യകരമായ ഭക്ഷണങ്ങള് കഴിക്കുക എന്നതാണ് പ്രധാനം. അത്തരത്തില് ഡയറ്റില് ഉള്പ്പെടുത്തേണ്ട ഒന്നാണ് ഈന്തപ്പഴം. പോഷകങ്ങളാൽ സമ്പുഷ്ടമാണ് ഈന്തപ്പഴം. ഇതില് ഉയര്ന്ന അളവില് സ്വാഭാവിക പഞ്ചസാര അടങ്ങിയിട്ടുണ്ട്. ഗ്ലൂക്കോസ്, സൂക്രോസ്, ഫ്രക്റ്റോസ് എന്നിവയെ കൂടാതെ വിറ്റാമിന് സി, ബി1,ബി2, ബി3, ബി5 എ1 തുടങ്ങിയ വിറ്റാമിനവുകളും ഈന്തപ്പഴത്തിലുണ്ട്. കാത്സ്യം, ഇരുമ്പ്, പൊട്ടാസ്യം, ഫോസ്ഫറസ്, മഗ്നീഷ്യം, സിങ്ക് തുടങ്ങിയ പോഷകങ്ങളും ഈന്തപ്പഴത്തിലുണ്ട്.
ഈന്തപ്പഴം കുതിര്ത്ത് കഴിക്കുന്നത് ഏറെ ഗുണകരമാണെന്നാണ് ന്യൂട്രീഷ്യന്മാര് പറയുന്നത്. ഒരു രാത്രി മുഴുവന് വെള്ളത്തില് ഇട്ട് കുതിര്ത്ത ഈന്തപ്പഴം രാവിലെ വെറുംവയറ്റില് കഴിക്കുന്നത് ശരീരത്തില് ഇരുമ്പിന്റെ അംശം കൂടാനും വിളര്ച്ചയെ തടയാനും സഹായിക്കുമെന്നാണ് ന്യൂട്രീഷ്യന്മാര് പറയുന്നത്. ഈന്തപ്പഴം കുതിര്ത്ത് കഴിക്കുന്നത് ദഹനം എളുപ്പമാകാനും സഹായിക്കും. ഫൈബര് ധാരാളം അടങ്ങിയ ഇവ മലബന്ധം അകറ്റാനും സഹായിക്കും. എല്ലുകളുടെ ആരോഗ്യത്തിനും ഇത് സഹായിക്കും.
കുതിര്ത്ത ഈന്തപ്പഴം കഴിക്കുന്നത് ഹൃദയാരോഗ്യത്തിന് ഏറെ നല്ലതാണ്. കൊളസ്ട്രോള് കുറയ്ക്കുന്നതിന് ഇവ സഹായിക്കുമെന്നാണ് വിദഗ്ധര് പറയുന്നത്. ഈന്തപ്പഴത്തിലെ മഗ്നീഷ്യം, പൊട്ടാസ്യം എന്നിവയുടെ സാന്നിധ്യം രക്തസമ്മർദ്ദം നിയന്ത്രിക്കുന്നതിനും സഹായിക്കുന്നു. എന്നാൽ മിതമായ അളവിൽ മാത്രമേ ഇത് കഴിക്കാവൂ. ഉയർന്ന അളവിൽ ഫൈബർ അടങ്ങിയിട്ടുള്ളത് കൊണ്ട് തന്നെ പ്രമേഹരോഗികൾ ഈന്തപ്പഴം കഴിക്കുന്നതിൽ പ്രശ്നമൊന്നുമില്ലെന്നാണ് വിദഗ്ധര് പറയുന്നത്. കൂടാതെ ഈന്തപ്പഴത്തിന്റെ ഗ്ലൈസെമിക് ഇൻഡക്സ് കുറവാണ്. അതിനാല് ഡോക്ടറോട് ചോദിച്ചതിന് ശേഷം ദിവസവും രണ്ട് മുതല് മൂന്ന് ഈന്തപ്പഴം വരെയൊക്കെ കുതിര്ത്ത് കഴിക്കാം.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: വേനൽച്ചൂടില് ചര്മ്മത്തിന് വേണം സംരക്ഷണം; അടുക്കളയിലുണ്ട് പരിഹാരം!
