തണുപ്പുകാലത്ത് തക്കാളി കഴിക്കൂ; അറിയാം ഈ ഗുണങ്ങള്...
വിറ്റാമിന് എ, സി, കെ, ബി 6, ഫോളേറ്റ്, പൊട്ടാസ്യം, മാംഗനീസ്, മഗ്നീഷ്യം, ഫോസ്ഫറസ്, നാരുകള്, പ്രോട്ടീന്, ലൈക്കോപീന് എന്നിവ അടങ്ങിയതാണ് തക്കാളി.
![benefits of eating tomatoes every day in winter season benefits of eating tomatoes every day in winter season](https://static-ai.asianetnews.com/images/01hg63f35nrmm6e0xqnmapapjc/fotojet--39-_363x203xt.jpg)
മഞ്ഞുകാലത്ത് കഴിക്കേണ്ട പോഷകങ്ങളാല് സമ്പന്നമായ ഒരു പച്ചക്കറിയാണ് തക്കാളി. വിറ്റാമിന് എ, സി, കെ, ബി 6, ഫോളേറ്റ്, പൊട്ടാസ്യം, മാംഗനീസ്, മഗ്നീഷ്യം, ഫോസ്ഫറസ്, നാരുകള്, പ്രോട്ടീന്, ലൈക്കോപീന് എന്നിവ അടങ്ങിയതാണ് തക്കാളി.
വിറ്റാമിൻ സിയുടെയും മറ്റ് ആന്റിഓക്സിഡന്റുകളുടെയും മികച്ച ഉറവിടമായ തക്കാളി മഞ്ഞുകാലത്ത് കഴിക്കുന്നത് രോഗ പ്രതിരോധശേഷി കൂട്ടാന് സഹായിക്കും. ഹൃദയാരോഗ്യത്തിനായി തക്കാളി ഡയറ്റില് ഉള്പ്പെടുത്തുന്നത് ഏറെ നല്ലതാണ്. ലൈക്കോപീന് എന്നത് തക്കാളിയില് വളരെയധികം കാണുന്ന ഒരു കരോറ്റെനോയിഡ് ആണ്. ഇവ ഹൃദയാരോഗ്യത്തെ സംരക്ഷിക്കും. പൊട്ടാസ്യം ധാരാളം അടങ്ങിയ തക്കാളി ദിവസേന ഭക്ഷണക്രമത്തില് ഉള്പ്പെടുത്തുന്നത് ഉയര്ന്ന രക്തസമ്മര്ദ്ദത്തെ കുറയ്ക്കാനും ഗുണം ചെയ്യും.
ആന്റി ഓക്സിഡന്റുകള് ധാരാളം അടങ്ങിയ തക്കാളി പതിവായി കഴിക്കുന്നത് ചില ക്യാന്സര് സാധ്യതകളെ കുറയ്ക്കാനും സഹായിക്കും.തക്കാളിയില് നാരുകള് ധാരാളം അടങ്ങിയിട്ടുണ്ട്. അതിനാല് ഇവ മലബന്ധം, വയറിളക്കം എന്നിവയെ പ്രതിരോധിക്കാനും ദഹനം മെച്ചപ്പെടുത്താനും സഹായിക്കും.
ഒരു കപ്പ് ചെറിയ തക്കാളിയിൽ ഏകദേശം 2 ഗ്രാം നാരുകൾ അടങ്ങിയിരിക്കുന്നു. അതിനാല് പ്രമേഹ രോഗികള്ക്കും തക്കാളി കഴിക്കാം. കലോറി കുറഞ്ഞ തക്കാളി വണ്ണം കുറയ്ക്കാന് ആഗ്രഹിക്കുന്നവര്ക്കും ഡയറ്റില് ഉള്പ്പെടുത്താം. കൂടാതെ വിറ്റാമിന് സിയും മറ്റ് ആന്റി ഓക്സിഡന്റുകളും അടങ്ങിയ തക്കാളി കഴിക്കുന്നത് ചര്മ്മത്തിന്റെ ആരോഗ്യത്തിനും ഗുണം ചെയ്യും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: മഞ്ഞുകാലത്ത് വണ്ണം കുറയ്ക്കണോ? ഡയറ്റില് ഉള്പ്പെടുത്താം ഈ അഞ്ച് പാനീയങ്ങള്...