Asianet News MalayalamAsianet News Malayalam

രോഗപ്രതിരോധശേഷിക്ക് ഇലക്കറിയെക്കാള്‍ പോഷകഗുണമുള്ള മൈക്രോഗ്രീന്‍

ഏത് ഇലക്കറിയെക്കാളും പത്തിരട്ടി പോഷകഗുണം ഈ കുഞ്ഞുചെടികള്‍ക്കുണ്ട്. വിത്തുമുളച്ച് രണ്ടാഴ്ചയ്ക്കുള്ളില്‍ വിളവെടുക്കുന്നവ, വിത്തിന്‍റെയും വേരിന്‍റെയും, ഇലക്കറിയുടെയും ഗുണം ചേർന്നതാണ് ഇവ.

benefits of micro green
Author
Thiruvananthapuram, First Published Apr 29, 2019, 3:32 PM IST

പച്ചക്കറികളിലെ പുതിയ അംഗമാണ് മൈക്രോഗ്രീന്‍. പേര് പോലെ തന്നെ പച്ചക്കറികളുടെ വളരെ ചെറിയ തൈകളാണിവ. വിത്തുമുളച്ച് രണ്ടാഴ്ചയ്ക്കുള്ളില്‍ വിളവെടുക്കുന്നവ, വിത്തിന്‍റെയും വേരിന്‍റെയും, ഇലക്കറിയുടെയും ഗുണം ചേർന്നതാണ് ഇവ. ഏത് ഇലക്കറിയെക്കാളും പത്തിരട്ടി പോഷകഗുണം ഈ കുഞ്ഞുചെടികള്‍ക്കുണ്ട്.

 ഏത് വിത്തും മൈക്രോഗ്രീന്‍ തയ്യാറാക്കാനായി ഉപയോഗിക്കാം. പയറുവര്‍ഗങ്ങള്‍, ധാന്യങ്ങള്‍ എന്നിവയാണ് സാധാരണയായി ഉപയോഗിക്കുന്നത്. കുറച്ചു മണ്ണും ചകിരിച്ചോറും വെള്ളവും  മാത്രം മതിയാകും മൈക്രോഗ്രീൻ തയ്യാറാക്കാൻ. ഒരു വിത്ത് മുളച്ചു 2 ആഴ്ചവരെ വളരാനുള്ള ഊർജം ആ വിത്തിൽ തന്നെ അടങ്ങിയിരിക്കുന്നതിനാൽ പ്രത്യേകിച്ച് വളങ്ങൾ ഒന്നും ചേർക്കാതെ തന്നെ വിത്തുകൾ മുളച്ചു പോഷക സമ്പുഷ്ടമായ മൈക്രോ ഗ്രീൻ നമുക്ക് നൽകും.

വിതയ്ക്കുന്നതിനുമുമ്പായി വിത്ത് 10-12 മണിക്കൂര്‍ കുതിര്‍ത്തുവെക്കണം. പാതിമുളച്ച വിത്തുപാകിയ ശേഷം അതിനുമുകളില്‍ വിത്തിന്റെ ഇരട്ടി കനത്തില്‍ മണ്ണോ ചകിരിച്ചോറോ ഇടണം. രണ്ടാഴ്ചയാണ് മൈക്രോഗ്രീനിന്‍റെ വളര്‍ച്ചാ ദൈര്‍ഘ്യം. 

രോഗപ്രതിരോധശേഷിക്ക് മികച്ചതാണ് മൈക്രോഗ്രീന്‍ ഏറെ മുന്നിലാണ്. വിറ്റാമിന്‍ എ, സി, കെ, ഇ എന്നിവയാല്‍ സമ്പുഷ്ടം. ഗുണമുണ്ടെന്ന് കരുതി രുചിയില്ലെന്ന് വിചാരിക്കരുത്. നിറത്തിലും രുചിയിലും ഗുണത്തിലും ഏറെ മുന്നിലാണിത്. സലാഡിലും കറികളിലും ഇവ രുചികൂട്ടാന്‍ ഉപയോഗിക്കാം.


 

Follow Us:
Download App:
  • android
  • ios