പ്രധാനമായും രണ്ടു തരത്തിലുളള തൈറോയ്ഡ് തകരാറുകളാണ് കണ്ടു വരുന്നത്. തൈറോയ്ഡ് ഹോർമോണിന്റെ ഉത്പാദനം കുറയുന്ന അവസ്ഥയാണ് ഹൈപ്പോതൈറോയ്ഡിസം. തൈറോയിഡ് ഗ്രന്ഥി ആവശ്യമായതിലും അധികം ഹോർമോണ് ഉല്പാദിപ്പിക്കുന്ന അവസ്ഥയാണ് ഹൈപ്പർ തൈറോയ്ഡിസം.
ശരീരത്തിന്റെ വളര്ച്ചയിലും ഉപാപചയ പ്രവര്ത്തനങ്ങളിലും നിര്ണ്ണായക പങ്ക് വഹിക്കുന്ന ഒരു ഗ്രന്ഥിയാണ് തൈറോയ്ഡ്. ഈ ഗ്രന്ഥിയുടെ പ്രവര്ത്തനങ്ങളിലുണ്ടാവുന്ന ഏത് മാറ്റവും ശരീരത്തില് കാര്യമായ പ്രത്യാഘാതങ്ങളുണ്ടാക്കും. തൈറോയ്ഡ് ഗ്രന്ഥിയുടെ തകരാറുകള് മൂലം രക്തത്തില് തൈറോയിഡ് ഹോര്മോണിന്റെ അളവ് വളരെ കുറയുകയോ കൂടുകയോ ചെയ്യാം.
പ്രധാനമായും രണ്ടു തരത്തിലുളള തൈറോയ്ഡ് തകരാറുകളാണ് കണ്ടു വരുന്നത്. തൈറോയ്ഡ് ഹോർമോണിന്റെ ഉത്പാദനം കുറയുന്ന അവസ്ഥയാണ് ഹൈപ്പോതൈറോയ്ഡിസം. തൈറോയിഡ് ഗ്രന്ഥി ആവശ്യമായതിലും അധികം ഹോർമോണ് ഉല്പാദിപ്പിക്കുന്ന അവസ്ഥയാണ് ഹൈപ്പർ തൈറോയ്ഡിസം. കഴുത്തില് നീര്ക്കെട്ട്, മുഴ പോലെ കാണപ്പെടുക, ശബ്ദം അടയുക എന്നിവ തൈറോയ്ഡ് പ്രശ്നങ്ങളുടെ പ്രധാന ലക്ഷണങ്ങള്.
തൈറോയ്ഡിന്റെ പ്രവര്ത്തനത്തിന് ആവശ്യമായ പോഷകങ്ങള് അടങ്ങിയ ഭക്ഷണങ്ങള് കഴിക്കേണ്ടത് പ്രധാനമാണ്. അത്തരത്തില് തൈറോയ്ഡ് രോഗികള്ക്ക് ഡയറ്റില് ഉള്പ്പെടുത്താവുന്ന ചില ഭക്ഷണങ്ങളെ പരിചയപ്പെടാം.
ഒന്ന്...
ഗ്രീന് ടീ ആണ് ആദ്യമായി ഈ പട്ടികയില് ഉള്പ്പെടുന്നത്. തൈറോയ്ഡ് രോഗികള് ഗ്രീന് ടീ കുടിക്കുന്നത് ഏറെ നല്ലതാണ്. രോഗപ്രതിരോധ ശക്തി കൂട്ടാന് ഇത് സഹായിക്കും.
രണ്ട്...
പഴങ്ങളും പച്ചക്കറികളും ഡയറ്റില് ഉള്പ്പെടുത്തുന്നത് ഹൈപ്പോ തൈറോയിഡിസം തടയാന് സഹായിക്കും. പച്ചക്കറികളില് ധാരാളം അയഡിന് അടങ്ങിയിട്ടുണ്ട്. അതുപോലെ തന്നെ നാരുകള് ധാരാളമടങ്ങിയ ഇലക്കറികളും പഴവര്ഗങ്ങളും പച്ചക്കറികളും കഴിക്കുന്നതും തൈറോയിഡ് രോഗികള്ക്ക് നല്ലതാണ്.
മൂന്ന്...
ഹോര്മോണിന്റെ ഉല്പാദനം കൂടുന്നതാണ് ഹൈപ്പര് തൈറോയിഡിസത്തിന് കാരണം. ഹോര്മോണിന്റെ ഉല്പാദനം കുറയ്ക്കാന് വെളിച്ചെണ്ണ ഡയറ്റില് ഉള്പ്പെടുത്തുന്നത് ഗുണം ചെയ്യും.
നാല്...
അയഡിന് അടങ്ങിയ ഭക്ഷണങ്ങളാണ് തൈറോയിഡ് രോഗികള് പ്രധാനമായും കഴിക്കേണ്ടത്. അയഡിന് ധാരാളം അടങ്ങിയ കടല് ഭക്ഷണം, മത്സ്യം എന്നിവ കഴിക്കുക.
അഞ്ച്...
മുട്ടയുടെ മഞ്ഞക്കരുവിൽ സെലിനിയവും അയഡിനും ധാരാളം അടങ്ങിയിരിക്കുന്നു. അതിനാല് ഇവ ഡയറ്റില് ഉള്പ്പെടുത്തുന്നത് തൈറോയ്ഡ് രോഗികള്ക്ക് നല്ലതാണ്.
ആറ്...
നട്സ് ആണ് അവസാനമായി ഈ പട്ടികയില് ഉള്പ്പെടുന്നത്. ഇവ തൈറോയ്ഡിന്റെ പ്രവര്ത്തനം മെച്ചപ്പെടുത്താന് സഹായിക്കും.
Also Read: ഫാറ്റി ലിവര് സാധ്യത കുറയ്ക്കാന് കഴിക്കേണ്ട പത്ത് ഭക്ഷണങ്ങള്...
