ആന്റി ഓക്സിഡന്റുകള്, വിറ്റാമിന് എ, സി എന്നിവയൊക്കെ അടങ്ങിയ ഉലുവയുടെ ഇല രോഗ പ്രതിരോധശേഷി വര്ധിപ്പിക്കാന് സഹായിക്കും.
മഞ്ഞുകാലത്ത് ഡയറ്റില് ഉള്പ്പെടുത്തേണ്ട ഒന്നാണ് ഉലുവയില. ആന്റി ഓക്സിഡന്റുകള്, വിറ്റാമിന് എ, സി എന്നിവയൊക്കെ അടങ്ങിയ ഉലുവയുടെ ഇല രോഗ പ്രതിരോധശേഷി വര്ധിപ്പിക്കാന് സഹായിക്കും. ഉലുവയില കഴിക്കുന്നതു കൊണ്ടുള്ള ആരോഗ്യ ഗുണങ്ങള് എന്തൊക്കെയാണെന്ന് നോക്കാം...
ഒന്ന്...
ഫൈബര് ധാരാളം അടങ്ങിയതാണ് ഉലുവയും ഉലുവയിലയും. അതിനാല് ഇവ കഴിക്കുന്നത് ദഹനം മെച്ചപ്പെടുത്താനും മലബന്ധവും നെഞ്ചെരിച്ചിലും അസിഡിറ്റിയും അകറ്റാനും സഹായിക്കും.
രണ്ട്...
പ്രമേഹ രോഗികള്ക്ക് ഡയറ്റില് ഉള്പ്പെടുത്താവുന്ന ഒന്നാണ് ഉലുവയില. ഫൈബറിനാല് സമ്പന്നമായ ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കാൻ സഹായിക്കും.
മൂന്ന്...
ആന്റി ഓക്സിഡന്റുകള് ധാരാളം അടങ്ങിയ ഉലുവയില എൽഡിഎല് അഥവാ ചീത്ത കൊളസ്ട്രോൾ കുറയ്ക്കാൻ സഹായിക്കും. ഒപ്പം ഹൃദയത്തിന്റെ ആരോഗ്യത്തിനും ഇവ ഡയറ്റില് ഉള്പ്പെടുത്തുന്നത് നല്ലതാണ്.
നാല്...
കാത്സ്യവും മഗ്നീഷ്യവും ധാരാളം അടങ്ങിയ ഉലുവയില ഡയറ്റില് ഉള്പ്പെടുത്തുന്നത് എല്ലുകളുടെ ആരോഗ്യത്തിനും നല്ലതാണ്.
അഞ്ച്...
കലോറി വളരെ കുറഞ്ഞതും ഫൈബര് ധാരാളം അടങ്ങിയതുമായ ഉലുവയില കഴിക്കുന്നത് വണ്ണം കുറയ്ക്കാനും സഹായിക്കും. വയറിലെ കൊഴുപ്പ് കുറയ്ക്കാനും ഇവ സഹായിക്കും.
ആറ്...
ആന്റി ഓക്സിഡന്റുകളും വിറ്റാമിനുകളും ധാരാളം അടങ്ങിയ ഉലുവയില ചര്മ്മത്തിന്റെയും തലമുടിയുടെയും ആരോഗ്യത്തിന് നല്ലതാണ്. അതിനാല് ഇവ പതിവായി ഡയറ്റില് ഉള്പ്പെടുത്താം.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാര ക്രമത്തില് മാറ്റം വരുത്തുക.
Also read: ദിവസവും ഉച്ചയ്ക്ക് വെണ്ടയ്ക്ക കഴിക്കൂ; അറിയാം ഈ ഗുണങ്ങള്...
