ഏഷ്യാനെറ്റ് ന്യൂസ് ഓണ്ലൈനില് ഇത്തവണ വ്യത്യസ്ത തരം ഡയറ്റ് റെസിപ്പികള്. ഇന്ന് ലീന ലാൽസൺ തയ്യാറാക്കിയ പാചകക്കുറിപ്പ്
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
നല്ല ഹെൽത്തി ഉലുവ ചീര കറി തയ്യാറാക്കിയാലോ?
വേണ്ട ചേരുവകൾ
ഉലുവ ചീര -1 കപ്പ്
ചെറുപയർ പരിപ്പ് -1 കപ്പ്
ചെറിയ ഉള്ളി-10 എണ്ണം
ഇഞ്ചി -1 സ്പൂൺ
പച്ചമുളക് -2 എണ്ണം
മഞ്ഞൾ പൊടി -1 സ്പൂൺ
വെള്ളം -2 ഗ്ലാസ്
ഉപ്പ് -1 സ്പൂൺ
നെയ്യ് -1 സ്പൂൺ
കടുക്-1 സ്പൂൺ
ചുവന്ന മുളക് -2 എണ്ണം
കറിവേപ്പില -1 തണ്ട്
എണ്ണ- ആവശ്യത്തിന്
നെയ്യ്- ആവശ്യത്തിന്
തയ്യാറാക്കുന്ന വിധം
ആദ്യം ഉലുവ ചീര നല്ലതുപോലെ കഴുകി വൃത്തിയാക്കി എടുക്കുക. ഒന്ന് രണ്ട് തവണ കഴുകിയതിനുശേഷം ചെറുതായിട്ട് ഒന്ന് അരിഞ്ഞെടുക്കുക. ശേഷം ചെറുപയർ പരിപ്പ് വെള്ളത്തിൽ കുതിർത്തതിനു ശേഷം കുക്കറിനുള്ളിലേക്ക് ഇട്ടുകൊടുക്കുക. എന്നിട്ട് പച്ചമുളക്, ഇഞ്ചി, ചെറിയുള്ളി ചെറുതായി അരിഞ്ഞതും ആവശ്യത്തിന് കറിവേപ്പിലയും ഉപ്പും മഞ്ഞൾപ്പൊടിയും ചേർത്ത് നല്ലതുപോലെ ഒന്ന് വേവിച്ചെടുക്കുക. ശേഷം അതിലേയ്ക്ക് ഉലുവ ചീര കൂടി ചേർത്തു കൊടുത്ത് വീണ്ടും നല്ലതുപോലെ ഒന്ന് വേവിച്ചെടുക്കണം. കുക്കറിൽ ആകുമ്പോൾ വളരെ പെട്ടെന്ന് ഉണ്ടാക്കിയെടുക്കാൻ സാധിക്കും. ഇനി ഒരു പാൻ വച്ച് ചൂടാകുമ്പോൾ അതിലേക്ക് ഒരു സ്പൂൺ എണ്ണ ചേര്ക്കാം. ഡയറ്റ് ചെയ്യുന്നവര് ആണെങ്കില് നെയ്യ് ചേർത്ത് കൊടുത്തതിന് ശേഷം അതിലേയ്ക്ക് കടുകും ചുവന്ന മുളകും കറിവേപ്പിലയും ഉള്ളിയും മഞ്ഞള്പൊടിയും ചേര്ത്ത് വറുത്തെടുക്കുക. എന്നിട്ട് ഇതിലേക്ക് വേവിച്ച് വച്ച പരിപ്പും ഉലുവ ചീരയും ചേർത്തു കൊടുക്കാവുന്നതാണ്. എന്നിട്ട് കുറച്ച് വെള്ളം ഒഴിച്ച് നന്നായി ഇളക്കി കൊടുക്കാം. തിളക്കുമ്പോള് ഉപ്പ് നോക്കിയതിന് ശേഷം വേണമെങ്കില് അവ ചേര്ക്കാം.
