തൈര് ഒരു മികച്ച പ്രോബയോട്ടിക് ഭക്ഷണമായതിനാൽ ദിവസവും കഴിക്കുന്നത് ആരോഗ്യത്തിന് വളരെ മികച്ചതാണെന്നാണ് ഗവേഷകർ പറയുന്നത്. തെെരിൽ ധാരാളം കാത്സ്യം അടങ്ങിയിട്ടുള്ളത് കൊണ്ട് തന്നെ എല്ലിനും പല്ലിനും വളരെ നല്ലതാണ്. തെെര് ഏത് കഠിന ആഹാരത്തെയും ദഹിപ്പിക്കുകയും ചെയ്യുന്നു. തെെര് പതിവായി കഴിക്കുന്നത് അൾസർ വരാനുള്ള സാധ്യത കുറയ്ക്കുമെന്ന് പഠനങ്ങൾ പറയുന്നു.
തെെര് കഴിക്കാൻ ഇഷ്ടപ്പെടുന്നവരാണ് മലയാളികൾ.തൈര് ഒരു പ്രോബയോട്ടിക് ഭക്ഷണമാണ്. ഉദരത്തിലെ ബാക്ടീരിയകളെ ഇത് നിയന്ത്രിക്കും. ദശലക്ഷക്കണക്കിനു വരുന്ന ഈ അതിസൂക്ഷ്മ ജീവികളാണ് ഉപാപചയ പ്രവർത്തനങ്ങളുടെയും രോഗപ്രതിരോധ സംവിധാനത്തിന്റെയും പ്രവർത്തനങ്ങൾ നടത്തുന്നത്.
എന്നാൽ ഇതു മാത്രമല്ല, തലച്ചോറിന്റെ പ്രവർത്തനം മെച്ചപ്പെടുത്തി ഉത്കണ്ഠ അകറ്റാനും പ്രോബയോട്ടിക്കുകൾ സഹായിക്കുമെന്ന് പഠനം. ഷാങ്ഘായ് ജിയാവോ ടോങ്ങ് സർവകലാശാല സ്കൂൾ ഓഫ് മെഡിസിനിലെ ഗവേഷകർ നടത്തിയ പഠനത്തിലാണ് ഈ കണ്ടെത്തൽ.
ഉദരത്തിലെ സൂക്ഷ്മജീവികൾക്ക് തലച്ചോറിന്റെ പ്രവർത്തനങ്ങളെ നിയന്ത്രിക്കാനാവുമെന്നും gut-brain-axis ലൂടെയാണ് ഇത് സാധ്യമാകുന്നതെന്നും പഠനത്തിൽ പറയുന്നു. 1503 ആളുകളിൽ പഠനം നടത്തുകയായിരുന്നു. പ്രോബയോട്ടിക് ഭക്ഷണങ്ങളും ഫുട് സപ്ലിമെന്റുകളും വഴി ഉത്കണ്ഠയുടെ ലക്ഷണങ്ങളെ അകറ്റാൻ സാധിക്കുമെന്നും പഠനത്തിൽ പറയുന്നു.
ജനറൽ സൈക്യാട്രി ജേണലിൽ പഠനം പ്രസിദ്ധീകരിച്ചു. തൈര് ഒരു മികച്ച പ്രോബയോട്ടിക് ആയതിനാൽ ദിവസവും കഴിക്കുന്നത് ആരോഗ്യത്തിന് വളരെ മികച്ചതാണെന്ന് ഗവേഷകർ പറയുന്നു. തെെരിൽ ധാരാളം കാത്സ്യം അടങ്ങിയിട്ടുള്ളത് കൊണ്ട് തന്നെ എല്ലിനും പല്ലിനും വളരെ നല്ലതാണ്. തെെര് ഏത് കഠിന ആഹാരത്തെയും ദഹിപ്പിക്കുകയും ചെയ്യുന്നു.
തെെര് പതിവായി കഴിക്കുന്നത് അൾസർ വരാനുള്ള സാധ്യത കുറയ്ക്കുമെന്നാണ് പഠനങ്ങൾ പറയുന്നത്. പ്രതിരോധശേഷി വർധിപ്പിക്കാനും ഹൃദ്രോഗങ്ങൾ അകറ്റാനും തെെര് കഴിക്കുന്നത് ഗുണം ചെയ്യും. വേനൽക്കാലത്ത് ഭക്ഷണത്തിൽ നിർബന്ധമായും ഉൾപ്പെടുത്തേണ്ട ഒന്നാണ് തെെര്.
ശരീരത്തിൽ ജലാംശത്തിന്റെ അളവ് കൂട്ടാൻ ദിവസവും ഒരു ബൗൾ തെെര് കഴിക്കാം. തെെരിൽ വിറ്റാമിൻ ബി, പൊട്ടാസ്യം എന്നിവ ധാരാളം അടങ്ങിയിട്ടുള്ളത് കൊണ്ട് തന്നെ മലബന്ധം അകറ്റാനും മെറ്റബോളിസം കൂട്ടാനും സഹായിക്കുന്നു.
