കാഴ്ചശക്തി വര്ധിപ്പിക്കാനും ബുദ്ധിവളര്ച്ചയ്ക്കും വിശപ്പുണ്ടാകാനും കാടമുട്ട ഉത്തമമാണ്. 13 ശതമാനം പ്രോട്ടീനും 140 ശതമാനം വൈറ്റമിന് ബിയും അടങ്ങിയ കാടമുട്ട ആസ്മ, ചുമ എന്നിവ തടയാന് ഉത്തമമാണ്.
കാടമുട്ടയെ നിസാരമായി കാണേണ്ട. കാട മുട്ടയിൽ ധാരാളം പോഷകഗുണങ്ങൾ അടങ്ങിയിരിക്കുന്നു. അഞ്ച് കോഴിമുട്ടയ്ക്ക് സമമാണ് ഒരു കാടമുട്ട എന്നാണ് പറയാറ്. കോഴിമുട്ടയെക്കാളും പോഷകമൂല്യം കൂടുതൽ കാടമുട്ടയ്ക്കുതന്നെ.
13 ശതമാനം പ്രോട്ടീനും 140 ശതമാനം വൈറ്റമിന് ബിയും അടങ്ങിയ കാടമുട്ട ആസ്മ, ചുമ എന്നിവ തടയാന് ഉത്തമമാണ്. വൈറ്റമിന് എ, ബി 6, ബി 12 എന്നിവ ധാരാളം അടങ്ങിയിരിക്കുന്നു. കാലറി തീരെ കുറവാണ്. അമ്പതുഗ്രാം കാടമുട്ടയില് 80 കാലറി മാത്രമാണുള്ളത്. കാടമുട്ട കഴിച്ചാലുള്ള മറ്റ് ആരോഗ്യഗുണങ്ങളെ കുറിച്ചറിയാം...
ആര്ത്തവപ്രശ്നങ്ങള്ക്ക് പരിഹാരം...
അനീമിയ, ആര്ത്തവപ്രശ്നങ്ങള് എന്നിവയ്ക്കെല്ലാമുള്ള മരുന്നു കൂടിയാണ് കാടമുട്ട. പൊട്ടാസ്യം, അയണ് എന്നിവ ധാരാളം അടങ്ങിയിട്ടുണ്ട്. രക്തകോശങ്ങള് രൂപപ്പെടാനും കാടമുട്ട കഴിക്കുന്നത് സഹായിക്കും. അയണ് ധാരാളം അടങ്ങിയതിനാല് സ്ത്രീകളിലെ ആര്ത്തവപ്രശ്നങ്ങള് പരിഹരിക്കാന് സഹായിക്കും. ഇത് രക്തക്കുഴലുകളുടെ ആരോഗ്യത്തിനും രക്തം വർധിപ്പിക്കാനും ഹീമോഗ്ലോബിന്റെ അളവ് കൂട്ടാനും സഹായിക്കും.
പക്ഷാഘാതം തടയാം...
ശരീരത്തില് പൊട്ടാസ്യത്തിന്റെ അളവു കുറയുന്നത് രോഗങ്ങള് വരാന് കാരണമാകും. ഹൃദ്രോഗം, രക്തസമ്മര്ദം, ആര്ത്രൈറ്റിസ്, പക്ഷാഘാതം, അർബുദം തുടങ്ങിയ രോഗങ്ങള്ക്കുള്ള സാധ്യതയുണ്ട്. ഇതു പരിഹരിക്കാന് കാടമുട്ട സഹായിക്കും.
കാഴ്ചശക്തി വർധിപ്പിക്കും...
കാഴ്ചശക്തി വര്ധിപ്പിക്കാനും ബുദ്ധിവളര്ച്ചയ്ക്കും വിശപ്പുണ്ടാകാനും കാടമുട്ട ഉത്തമമാണ്. എല്ലിന്റെ ആരോഗ്യത്തിന് ഏറ്റവും മികച്ചതാണ് കാടമുട്ട.
ചുമയ്ക്ക് മികച്ചൊരു മരുന്ന്...
കോഴിമുട്ടയില് കാണപ്പെടാത്ത Ovomucoid എന്ന പ്രോട്ടീന് കാടമുട്ടയില് ധാരാളമുണ്ട്. ഇതില് ആന്റി-ഇന്ഫ്ലമേറ്ററിയും അടങ്ങിയിട്ടുണ്ട്. ഇത് സന്ധിവേദന, വിട്ടുമാറാത്ത ചുമ, ശ്വാസനാളരോഗം എന്നിവയെ പ്രതിരോധിക്കും. കോഴിമുട്ട അലര്ജി ഉള്ളവര്ക്ക് പോലും കാടമുട്ട നല്ലതാണ്.
