ആന്റി ഓക്സിഡന്റുകളുടെ കലവറയാണ് ഗ്രാമ്പൂ. കൂടാതെ വിറ്റാമിന് സിയും ഇവയില് അടങ്ങിയിട്ടുണ്ട്. അതിനാല് ഈ മഞ്ഞുകാലത്ത് രോഗ പ്രതിരോധശേഷി കൂട്ടാന് ഗ്രാമ്പൂ ഡയറ്റില് ഉള്പ്പെടുത്തുന്നത് നല്ലതാണ്.
ധാരാളം ഔഷധ ഗുണമുളള ഒന്നാണ് ഗ്രാമ്പൂ. ആന്റി ഓക്സിഡന്റുകളുടെ കലവറയാണ് ഗ്രാമ്പൂ. കൂടാതെ വിറ്റാമിന് സിയും ഇവയില് അടങ്ങിയിട്ടുണ്ട്. അതിനാല് ഈ മഞ്ഞുകാലത്ത് രോഗ പ്രതിരോധശേഷി കൂട്ടാന് ഗ്രാമ്പൂ ഡയറ്റില് ഉള്പ്പെടുത്തുന്നത് നല്ലതാണ്. തണുപ്പുകാലത്തെ ചുമ, ജലദോഷം തുടങ്ങിയവയെ തടയാന് ഗ്രാമ്പൂ ഡയറ്റില് ഉല്പ്പെടുത്തുന്നത് നല്ലതാണ്.
ഗ്രാമ്പൂതൈലം ചേർത്തുള്ള ചെറു ചൂടുവെള്ളം തൊണ്ടയില് കൊണ്ടാൽ തോണ്ടവേദന പൂർണമായും ശമിക്കും. ഗ്രാമ്പൂ തൈലം ചേർത്ത തിളപ്പിച്ച വെള്ളം കൊണ്ട് ആവി പിടിക്കുന്നത് കഫകെട്ട്, ജലദോഷം തുടങ്ങിയവയ്ക്ക് നല്ലതാണ്. എല്ലുകളുടെയും പേശികളുടെയും ആരോഗ്യത്തിനും ഗ്രാമ്പൂ ഡയറ്റില് ഉള്പ്പെടുത്തുന്നത് നല്ലതാണ്. രക്തത്തിലെ പഞ്ചസാരയുടെ അളവിനെ നിയന്ത്രിക്കാനും ദഹനം മെച്ചപ്പെടുത്താനും വയര് വീര്ത്തിരിക്കുന്ന അവസ്ഥയെ തടായനും ഗ്രാമ്പൂ സഹായിക്കും. ഭക്ഷണശേഷം ഒരു ഗ്രാമ്പൂ വായിലിട്ട് ചവയ്ക്കുന്നത് അസിഡിറ്റിയെ ചെറുക്കാന് സഹായിക്കും. കൂടാതെ വയറ്റിലുണ്ടാകുന്ന അസ്വസ്ഥതകള്ക്ക് പരിഹാരമായി ഗ്രാമ്പൂ ഉപയോഗിച്ചാല് മതിയാകും.
പല്ല് വേദനയ്ക്ക് ഏറ്റവും നല്ല ഔഷധമാണ് ഗ്രാമ്പൂ. ഗ്രാമ്പൂവിന്റെ തൈലം പഞ്ഞിയില് ചാലിച്ച് വേദനയുള്ള പല്ലിന്റെ ഭാഗത്ത് മോണയില് തട്ടാതെ വച്ചാല് വേദന കുറയും. അതുപോലെ തന്നെ പലര്ക്കുമുളള ഒരു പ്രധാന പ്രശ്നമാണ് വായ്നാറ്റം. വായ്നാറ്റമുള്ളവര് അല്പം ഗ്രാമ്പൂ തൈലം ചെറു ചൂടു വെള്ളത്തിലൊഴിച്ച് ഭക്ഷണത്തിന് ശേഷം വായില് കൊണ്ടാൽ ദുർഗന്ധം മാറും. ഗ്രാമ്പൂ തൈലം തലമുടിയുടെ ആരോഗ്യത്തിനും ഏറെ നല്ലതാണ്. ഗ്രാമ്പൂ തൈലം തലയോട്ടിയില് പുരട്ടുന്നത് രക്തയോട്ടത്തിന് സഹായിക്കും. അതിലൂടെ തലമുടി കൊഴിച്ചില് കുറയാനും മുടി വളരാനും ഇവ സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: ദഹന പ്രശ്നങ്ങളോട് വിട പറയാം; ഡയറ്റില് ഉള്പ്പെടുത്താം ഈ പാനീയം...
