ബ്രേക്ക്ഫാസ്റ്റിന് 'മുട്ട ദോശ' ഉണ്ടാക്കിയാലോ; തയ്യാറാക്കുന്ന വിധം
ഏറ്റവും ഹെൽത്തിയായ ഒരു വിഭവമാണ് മുട്ട ദോശ. കുട്ടികൾക്ക് വളരെയധികം ഇഷ്ടപ്പെടുന്ന ഈ വിഭവം തയ്യാറാക്കുന്നത് എങ്ങനെയെന്ന് നോക്കാം...
വേണ്ട ചേരുവകൾ...
ദോശ മാവ് ആവശ്യത്തിന്
മുട്ട 2 ദോശക്ക് ഒരു മുട്ട
തക്കാളി 1 എണ്ണം
ചുവന്നുള്ളി 5 എണ്ണം
പച്ച മുളക് 1 എണ്ണം
ഉപ്പ് ആവശ്യത്തിന്
തയ്യാറാക്കുന്ന വിധം...
ആദ്യം മുട്ട പൊട്ടിച്ചു കൊത്തിയരിഞ്ഞ പച്ച മുളകും, ചുവന്നുള്ളിയും, ഉപ്പും ചേർത്ത് ഇളക്കുക.
പാൻ ചൂടാക്കി എണ്ണ ഒഴിച്ച് മാവ് പരത്തുക. മുട്ട 3 ടേബിൾ സ്പൂണ് അതിന്റെ മുകളിലേക്ക് ഒഴിക്കുക.
തക്കാളി അരിഞ്ഞതും ചേർക്കുക. അടച്ചു വച്ച് 2 മിനിറ്റ് വേവിക്കുക. പിന്നെ തിരിച്ചിട്ടു 1 മിനിറ്റ് കൂടി വേവിക്കുക. മുട്ട ദോശ തയ്യാറായി.. ചൂടോടെ കഴിക്കാവുന്നതാണ്...
തയ്യാറാക്കിയത്:
ദേവിക റാണി
തിരുവനന്തപുരം