ചക്ക കൊണ്ട് പലതരത്തിലുള്ള വിഭവങ്ങൾ ഉണ്ടാക്കാറുണ്ട്. വളരെ എളുപ്പം ഉണ്ടാക്കാൻ പറ്റുന്നതും രുചികരവുമായ വിഭവമാണ് ചക്ക അട. കിടിലൻ ചക്ക അട ഉണ്ടാക്കുന്നത് എങ്ങനെയെന്ന് നോക്കാം.
വേണ്ട ചേരുവകൾ...
ചക്കവരട്ടിയത് 3 കപ്പ്
ശർക്കരപ്പാനി 1 1/2 കപ്പ്
അരിപ്പൊടി (വറുക്കാത്തത് ) 3 കപ്പ്
ഏലയ്ക്ക പൊടിച്ചത് 1/2 സ്പൂണ്
ജീരകം പൊടിച്ചത് 1/2 സ്പൂണ്
ചുക്ക് പൊടിച്ചത് 1/4 സ്പൂണ്
ഈ ചേരുവകളെല്ലാം നന്നായി ഇളക്കി യോജിപ്പിക്കുക
മാവ് ഇലയിൽ പൊതിയാൻ പറ്റുന്ന പാകത്തിലായിരിക്കണം
രുചിച്ചു നോക്കി മധുരമോ മറ്റോ ചേർക്കണമെങ്കിൽ വീണ്ടും ചേർക്കാം
ഇനി വാഴ ഇലയിലോ , വട്ടയിലയിലോ പൊതിഞ്ഞെടുത്തു ആവിയിൽ വേവിച്ചെടുക്കുക
-------------------------------------------------------------------------------------------
വാഴയില വെയിലത്തിട്ടോ തിളച്ച വെള്ളത്തിലിട്ടോ വാട്ടിയിട്ടെ പൊതിയാവൂ ഇല്ലെങ്കിൽ പൊട്ടിപ്പോകും
(1 1/2 സ്പൂണ് മാവിൽ കൂടുതൽ ഇലയിൽ വയ്ക്കരുത്. ചിലപ്പോൾ ഉള്ളു വെന്തില്ലെന്നിരിക്കും).
തയ്യാറാക്കിയത് ;
ദിവ്യ ഗോപിനാഥ്
കൊല്ലം
