ഏഷ്യാനെറ്റ് ന്യൂസ് ഓണ്ലൈനില് ഇത്തവണ വ്യത്യസ്ത തരം സ്ട്രീറ്റ് ഫുഡ് റെസിപ്പികൾ. ഇന്ന് ദീപ നായര് തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
തട്ടുകട സ്റ്റൈൽ മുളക് ബജ്ജി വീട്ടില് തയ്യാറാക്കിയാലോ?
വേണ്ട ചേരുവകൾ
ബജി മുളക് - 8 എണ്ണം
ഉരുളക്കിഴങ്ങ് വേവിച്ചുടച്ചത് - ഒരു കപ്പ്
മല്ലിയില പൊടിയായി അരിഞ്ഞത് - ആവശ്യത്തിന്
ഉപ്പ് - പാകത്തിന്
മഞ്ഞൾപ്പൊടി - 1/4 ടീസ്പൂൺ
കടലമാവ് - 1 1/2 കപ്പ്
ഉപ്പ് - പാകത്തിന്
കുക്കിംഗ് സോഡ - ഒരു നുള്ള്
കായപ്പൊടി - 1/4 ടീസ്പൂൺ
മുളകുപൊടി - 1 ടീസ്പൂൺ
വെള്ളം - ആവശ്യത്തിന്
എണ്ണ വറുത്തെടുക്കാൻ - ആവശ്യമായത്
തയ്യാറാക്കുന്ന വിധം
ഉരുളക്കിഴങ്ങ്, മല്ലിയില, ഉപ്പ്, മഞ്ഞൾപൊടി ഇവ ഒന്നിച്ചാക്കി കുഴച്ച് യോജിപ്പിച്ചു വയ്ക്കുക. ഇനി കടലമാവിലേക്ക് ഉപ്പ്, സോഡ, മുളകുപൊടി, കായപ്പൊടി എന്നിവ ചേർത്തിളക്കി ആവശ്യത്തിനുള്ള വെള്ളമൊഴിച്ച് ഇഡ്ഡലി മാവിന്റെ പാകത്തിൽ ബാറ്റർ തയ്യാറാക്കുക. ശേഷം മുളക് കഴുകി വൃത്തിയാക്കി വെള്ളം മുഴുവനും ഒപ്പിയെടുത്ത് അറ്റം മുതൽ ഞെട്ടുവരെ പിളർന്നു വയ്ക്കുക. ഇനി തയ്യാറാക്കിയ ഉരുളക്കിഴങ്ങ് കൂട്ടിൽ നിന്നും കുറച്ചെടുത്ത് മുളകിൽ നിറയ്ക്കുക. മുഴുവൻ മുളകും ഇങ്ങനെ ചെയ്യുക. ശേഷം മുളകു നിറച്ചത് ബാറ്ററിൽ മുക്കി തിളച്ച എണ്ണയിൽ ഇട്ട് വറുത്തെടുക്കുക. ഇതോടെ മുളക് ബജ്ജി റെഡി.