പ്രമേഹം നിയന്ത്രിക്കുന്നതിൽ ഭക്ഷണത്തിനുള്ള പങ്ക് വളരെ പണ്ടു തന്നെ തെളിയിക്കപ്പെട്ടിട്ടുള്ളതാണ്. ഗ്ലൈസെമിക് ഇൻഡക്സ് (ജിഐ ) കുറഞ്ഞ ഭക്ഷണങ്ങളാണ് പ്രമേഹ രോഗികള് കഴിക്കേണ്ടത്.
രക്തത്തില് പഞ്ചസാരയുടെ അളവ് കൂടിയ അവസ്ഥയാണ് പ്രമേഹം. കൃത്യമായി ചികിത്സിച്ച്, രക്തത്തില് ഗ്ലൂക്കോസിന്റെ അളവ് നിയന്ത്രിച്ചാല് ഒരു പരിധിവരെ പ്രമേഹം മൂലം ഉണ്ടായേക്കാവുന്ന ബുദ്ധിമുട്ടുകളെ നിയന്ത്രിക്കാനാവും. പ്രമേഹം നിയന്ത്രിക്കുന്നതിൽ ഭക്ഷണത്തിനുള്ള പങ്ക് വളരെ പണ്ടു തന്നെ തെളിയിക്കപ്പെട്ടിട്ടുള്ളതാണ്. ഗ്ലൈസെമിക് ഇൻഡക്സ് (ജിഐ ) കുറഞ്ഞ ഭക്ഷണങ്ങളാണ് പ്രമേഹ രോഗികള് കഴിക്കേണ്ടത്.
പ്രമേഹത്തെ നിയന്ത്രിക്കാന് ഡയറ്റില് ഉള്പ്പെടുത്തേണ്ട ജിഐ കുറഞ്ഞ ചില ഭക്ഷണങ്ങളെ പരിചയപ്പെടാം...
ഒന്ന്...
ഫൈബര് ധാരാളം അടങ്ങിയ ഇലക്കറികളാണ് ആദ്യമായി പ്രമേഹ രോഗികള് കഴിക്കേണ്ടത്. ചീര, ബ്രൊക്കോളി തുടങ്ങിയ ഇലക്കറികള് ഇതിനായി തെരഞ്ഞെടുക്കാം.
രണ്ട്...
പയര് വര്ഗങ്ങളാണ് രണ്ടാമതായി ഈ പട്ടികയില് ഉള്പ്പെടുന്നത്. കുറഞ്ഞ ഗ്ലൈസെമിക് സൂചികയുളള ഇവയില് ഫൈബറും പ്രോട്ടീനും അടങ്ങിയിട്ടുണ്ട്. അതിനാല് ഇവ പ്രമേഹ രോഗികള്തക്ക് കഴിക്കാവുന്ന ഒന്നാണ്.
മൂന്ന്...
ബദാം, വാള്നട്സ് തുടങ്ങി നട്സുകളാണ് അടുത്തതായി ഈ പട്ടികയില് ഉള്പ്പെടുന്നത്. ഫൈബറും പ്രോട്ടീനും ഒമേഗ 3 ഫാറ്റി ആസിഡുമൊക്കെ അടങ്ങിയ ഇവയും രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
നാല്...
ബാര്ലിയാണ് നാലാമതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ഇവയിലും ജിഐ കുറവാണ്. അതിനാല് പ്രമേഹ രോഗികള്ക്ക് ധൈര്യത്തോടെ കഴിക്കാം.
അഞ്ച്...
ഓട്മീല് ആണ് അടുത്തതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ഇവയും പ്രമേഹ രോഗികള്ക്ക് കഴിക്കാം.
ആറ്...
പാവയ്ക്ക പതിവായി ഡയറ്റില് ഉള്പ്പെടുത്തുന്നതും പ്രമേഹത്തെ നിയന്ത്രിക്കാന് സഹായിക്കുമെന്ന് പല പഠനങ്ങളും പറയുന്നു. പാവയ്ക്കയില് അടങ്ങിയിരിക്കുന്ന ചില ധാതുക്കളാണ് ഇതിന് സഹായിക്കുന്നത്.
ഏഴ്...
ഉലുവയാണ് അവസാനമായി ഈ പട്ടികയില് ഉള്പ്പെടുന്നത്. ഉലുവ ചൂടുവെള്ളത്തിലിട്ട് കുതിർത്തതിന് ശേഷം ആ വെള്ളം കുടിക്കുന്നത് ടൈപ്പ്-2 പ്രമേഹത്തെ നിയന്ത്രിക്കാൻ സഹായിക്കും.
ശ്രദ്ധിക്കുക: ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില് മാറ്റം വരുത്തുക.
