Asianet News Malayalam

കുട്ടികള്‍ക്കായി കുക്കറി ഷോയുമായി മിഷേല്‍ ഒബാമ

വാഫ്‌ളെസ് എന്നും മോച്ചിയെന്നും പേരുള്ള രണ്ട് പാവകള്‍ക്കൊപ്പമാണ് മിഷേലിന്റെ ഈ കുക്കറി ഷോ. നെറ്റ്ഫ്ലിക്സിലൂടെയാണ് ഷോ എത്തുന്നത്. 

Michelle Obama launches new food series for children
Author
Thiruvananthapuram, First Published Feb 14, 2021, 4:39 PM IST
  • Facebook
  • Twitter
  • Whatsapp

സാമൂഹിക വിഷയങ്ങളില്‍ സജീവമായി ഇടപ്പെടുന്ന വ്യക്തിയാണ് മിഷേല്‍ ഒബാമ. ഇപ്പോഴിതാ കുട്ടികളില്‍ നല്ല ഭക്ഷണശീലം വളര്‍ത്താനായി ഒരു കുക്കറി ഷോയുമായി രംഗത്തെത്തിയിരിക്കുകയാണ് മിഷേല്‍. 

തന്‍റെ ഇന്‍സ്റ്റഗ്രാമിലൂടെയാണ് മിഷേല്‍ ഇക്കാര്യം അറിയിച്ചത്. വാഫ്‌ളെസ് പ്ലസ് മോച്ചി (Waffles + Mochi) എന്നാണ് ഷോയുടെ പേര്. നെറ്റ്ഫ്ലിക്സിലൂടെയാണ് ഷോ എത്തുന്നത്.  വാഫ്‌ളെസ് എന്നും മോച്ചിയെന്നും പേരുള്ള രണ്ട് പാവകള്‍ക്കൊപ്പമാണ് മിഷേലിന്റെ ഈ കുക്കറി ഷോ. 

ഈ പുതിയ രണ്ട് സുഹൃത്തുക്കളെ പരിചയപ്പെടുത്തിയാണ് മിഷേല്‍ പരിപാടിയെ കുറിച്ച് പറയുന്നത്. 'ഇത് നല്ല ഭക്ഷണത്തെകുറിച്ചാണ്, അവയെ കണ്ടെത്താന്‍ ,പാകം ചെയ്യാന്‍, കഴിക്കാന്‍. ഇവര്‍ രണ്ടാളും നമ്മളെ ലോകത്തിലെ പലതരം രുചിക്കൂട്ടുകളിലേയ്ക്ക് കൊണ്ടുപോകും'- മിഷേല്‍ പറയുന്നു. 

 

'കുട്ടികള്‍ക്ക് ഈ പരിപാടി ഇഷ്ടമാകും, മുതിര്‍ന്നവര്‍ക്ക് ചിരിക്കാനുള്ള വക ഉണ്ടാകുമെന്ന് ഉറപ്പാണ്, ഒപ്പം ചില അടുക്കളയിലെ കുറുക്കു വഴികളും ലഭിക്കും' - ഷോയെ പറ്റി മിഷേല്‍ പറയുന്നു. കുട്ടികളുടെ ആരോഗ്യത്തെ സംരക്ഷിക്കുന്നതിനുള്ള മാര്‍ഗങ്ങളെ പ്രോത്സാഹിപ്പിക്കാനാണ് ഈ പാചക പരിപാടിയെന്നും മിഷേല്‍ കൂട്ടിച്ചേര്‍ത്തു. 

Also Read: 'ഞാന്‍ എന്തൊരു വിരൂപയാണ്'; വിങ്ങിപ്പൊട്ടിയ നാലുവയസ്സുകാരിയെ സാന്ത്വനിപ്പിച്ച് മിഷേലും സമൂഹമാധ്യമവും...

Follow Us:
Download App:
  • android
  • ios