വിറ്റാമിനുകളും ധാതുക്കളും ഒമേഗ 3 ഫാറ്റി ആസിഡും നാരുകളും ആന്റി ഓക്സിഡന്റുകളും അടങ്ങിയ വിത്തുകള് കഴിക്കുന്നത് ദഹനം മെച്ചപ്പെടുത്താനും കുടലിന്റെ ആരോഗ്യം സംരക്ഷിക്കാനും ശരീരഭാരം നിയന്ത്രിക്കാനും സഹായിക്കും.
നിരവധി ആരോഗ്യ ഗുണങ്ങള് അടങ്ങിയതാണ് സീഡുകള് അഥവാ വിത്തുകള്. വിറ്റാമിനുകളും ധാതുക്കളും ഒമേഗ 3 ഫാറ്റി ആസിഡും നാരുകളും ആന്റി ഓക്സിഡന്റുകളും അടങ്ങിയ വിത്തുകള് കഴിക്കുന്നത് ദഹനം മെച്ചപ്പെടുത്താനും കുടലിന്റെ ആരോഗ്യം സംരക്ഷിക്കാനും ശരീരഭാരം നിയന്ത്രിക്കാനും കൊളസ്ട്രോള് കുറയ്ക്കാനും എല്ലുകളുടെ ആരോഗ്യം സംരക്ഷിക്കാനും സഹായിക്കും. അത്തരം ചില സീഡുകളെ പരിചയപ്പെടാം.
1. ചിയാ സീഡുകള്
ഫൈബറും ഒമേഗ 3 ഫാറ്റി ആസിഡും അടങ്ങിയ ചിയ സീഡ്സ് വിശപ്പ് കുറയ്ക്കാനും വയര് കുറയ്ക്കാനും ശരീരഭാരം കുറയ്ക്കാനും ബ്ലഡ് ഷുഗര് കുറയ്ക്കാനും ദഹനം മെച്ചപ്പെടുത്താനും സഹായിക്കും. ഇവയിലെ ഒമേഗ 3 ഫാറ്റി ആസിഡ് ഹൃദയാരോഗ്യം സംരക്ഷിക്കാനും സഹായിക്കും.
2. ഫ്ളാക്സ് സീഡുകള്
ഫൈബര് ധാരാളം അടങ്ങിയ ഫ്ളാക്സ് സീഡുകള് ദഹനം മെച്ചപ്പെടുത്താനും കുടലിന്റെ ആരോഗ്യം സംരക്ഷിക്കാനും ശരീരത്തില് കൊഴുപ്പ് അടിയുന്നത് തടയാനും വിശപ്പിനെ നിയന്ത്രിക്കാനും സഹായിക്കും.
3. മത്തങ്ങാ വിത്തുകൾ
മത്തങ്ങാ വിത്തുകളില് കലോറി വളരെ കുറവാണ്. കൂടാതെ ഫൈബറും പ്രോട്ടീനും ഇവയില് അടങ്ങിയിട്ടുണ്ട്. അതിനാല് വിശപ്പ് കുറയ്ക്കാനും അമിത വണ്ണത്തെ നിയന്ത്രിക്കാനും ഇവ സഹായിക്കും. കൂടാതെ മഗ്നീഷ്യം അടങ്ങിയ മത്തങ്ങാ വിത്തുകൾ രാത്രി നല്ല ഉറക്കം ലഭിക്കാനും സഹായിക്കും.
4. എള്ള്
എള്ളില് കാത്സ്യം, സിങ്ക് തുടങ്ങിയവ അടങ്ങിയിട്ടുണ്ട്. ഇവ എല്ലുകളുടെ ആരോഗ്യം സംരക്ഷിക്കാന് സഹായിക്കും. കൂടാതെ എള്ളിൽ ഫൈബർ ധാരാളം അടങ്ങിയിട്ടുണ്ട്. അതിനാല് ഇവ ദഹനം മെച്ചപ്പെടുത്താനും വണ്ണം കുറയ്ക്കാനും സഹായിക്കും.
5. സൂര്യകാന്തി വിത്തുകൾ
വിറ്റാമിന് ഇ, ബി12, സെലീനിയം, ആരോഗ്യകരമായ കൊഴുപ്പ്, നാരുകൾ തുടങ്ങിയവ അടങ്ങിയ സൂര്യകാന്തി വിത്തുകള് വയറു കുറയ്ക്കാനും ശരീരഭാരം കുറയ്ക്കാനും കൊളസ്ട്രോളിനെ നിയന്ത്രിക്കാനും ദഹനം മെച്ചപ്പെടുത്താനും സഹായിക്കും.
6. ഉലുവ
നാരുകളാല് സമ്പന്നമായ ഉലുവ ഡയറ്റില് ഉള്പ്പെടുത്തുന്നത് വിശപ്പ് കുറയ്ക്കാനും വണ്ണം കുറയ്ക്കാനും ബ്ലഡ് ഷുഗര് കുറയ്ക്കാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
