Asianet News MalayalamAsianet News Malayalam

ദിവസവും ഒരു ആപ്പിള്‍ കഴിക്കാം; എന്തിനാണെന്നല്ലേ...?

എണ്ണിയാൽ തീരില്ല ആപ്പിളിന്‍റെ ഗുണങ്ങൾ. ദിവസവും ഒരു ആപ്പിൾ കഴിക്കുന്നത് കൊണ്ട് നമുക്ക് എന്ത് മാറ്റങ്ങളാണ് ഉണ്ടാകുന്നത്. ഇതാ ഏഴ് കാരണങ്ങൾ...

seven benefits of having an apple daily
Author
Trivandrum, First Published Apr 6, 2019, 10:08 PM IST

ദിവസവും ഒരു ആപ്പിള്‍ കഴിക്കുന്നയാള്‍ക്ക് പിന്നെ ഡോക്ടറെ കാണേണ്ടിവരില്ലെന്ന് പറയുന്നത് കേട്ടിട്ടില്ലേ? ഇത് വെറുമൊരു പറച്ചിലൊന്നുമല്ല. അത്രമാത്രമാണ് ആപ്പിളിന്റെ ഗുണങ്ങള്‍. ദിവസവും ഒരു ആപ്പിള്‍ കഴിക്കുന്നയാള്‍ക്ക് സംഭവിക്കുന്നതെന്താണ്? പരിശോധിക്കാം...

ഒന്ന്...

ഒരു ആപ്പിളില്‍ 26 ഗ്രാമോളം പ്രോട്ടീനുണ്ട്. 81 ഗ്രാം കാര്‍ബോഹൈഡ്രേറ്റ്, 40 ഗ്രാം ഫൈബര്‍... ഇതിന് പുറമെ ഫാറ്റ് ഫ്രീ, സോഡിയമില്ല. കൂടാതെ കാത്സ്യം, പൊട്ടാസ്യം, നിയാസിന്‍, ഫോളേറ്റ്‌സ്, തയാമിന്‍, വിറ്റാമിന്‍-എ, സി, ഇ, കെ... ഇത്രയും പോരെ ഒരു ദിവസത്തേക്ക്?

രണ്ട്...

ദിവസവും ഒരു ആപ്പിള്‍ കഴിക്കുന്നയാള്‍ക്ക് എനര്‍ജിയെ പറ്റി വേവലാതിപ്പെടേണ്ടി വരില്ല. കാരണം മികച്ച എനര്‍ജി ബൂസ്റ്ററാണ് ആപ്പിള്‍. ഇതിലടങ്ങിയിരിക്കുന്ന ഗ്ലൂക്കോസ്, ഫ്രക്ടോസ്, സുക്രോസ് എന്നിവയാണ് എനര്‍ജി നല്‍കാന്‍ സഹായിക്കുന്നത്. 

മൂന്ന്...

വിളര്‍ച്ച തടയാനും ആപ്പിള്‍ കഴിക്കുന്നത് കൊണ്ടാകും. വളരെ സമ്പന്നമായി അയേണ്‍ അടങ്ങിയ പഴമാണ് ആപ്പിള്‍. ഇത് രക്തത്തിലെ ഹീമോഗ്ലോബിന്റെ അളവ് വര്‍ധിപ്പിക്കുന്നു. അതുകൊണ്ടാണ് വിളര്‍ച്ച വരാതിരിക്കാന്‍ ആപ്പിള്‍ കഴിക്കാമെന്ന് പറയുന്നത്. 

നാല്...

seven benefits of having an apple daily

മികച്ച രോഗപ്രതിരോധ ശേഷി നേടാനും ആപ്പിള്‍ സഹായിക്കുന്നു. വിറ്റാമിന്‍-സി, ആന്റി ഓക്‌സിഡന്റുകള്‍, പ്രോട്ടീന്‍ എന്നിവയാണ് പ്രതിരോധശേഷി വര്‍ധിപ്പിക്കാന്‍ ഉപകരിക്കുന്നത്. ഇതോടെ പല തരത്തിലുള്ള അണുബാധകള്‍ക്കുള്ള സാധ്യതയും ഗണ്യമായി കുറയുന്നു. 

അഞ്ച്...

ആസ്ത്മയ്ക്കുള്ള സാധ്യതകള്‍ കുറയ്ക്കാനും ആപ്പിളിനാകുന്നു. ഇതിലടങ്ങിയിരിക്കുന്ന ഫൈറ്റോകെമിക്കലുകളും പോളിഫിനോളുകളുമാണ് ഇതിനായി സഹായിക്കുന്നത്. ആസ്ത്മയുള്ളവര്‍ക്കാണെങ്കില്‍ ആശ്വാസം പകരാനും ആപ്പിള്‍ ഉപകരിക്കും.

ആറ്...

വയറ് വൃത്തിയായി സൂക്ഷിക്കാന്‍ ഉതകുന്ന ഒരു പഴം കൂടിയാണ് ആപ്പിള്‍. എന്നും ഒരാപ്പിള്‍ കഴിക്കുന്നതിലൂടെ കുടല്‍, ആമാശയം തുടങ്ങിയ അവയവങ്ങളുടെ പ്രവര്‍ത്തനം വൃത്തിയായി നടക്കുന്നു. ഇതിലടങ്ങിയിരിക്കുന്ന ഫൈബര്‍ ദഹനപ്രവര്‍ത്തനത്തെ ത്വരിതപ്പെടുത്തുന്നു. ഒപ്പം വയറ്റിലെത്തുന്ന വിഷാംശങ്ങളെ പുറന്തുള്ളുകയും ചെയ്യുന്നു. 

ഏഴ്...

കാഴ്ചയെ ബാധിക്കുന്ന പ്രശ്‌നങ്ങളില്‍ നിന്ന് നമ്മളെ രക്ഷപ്പെടുത്താന്‍ ആപ്പിളിനാകും. വിറ്റാമിന്‍-എ, ഫ്‌ളേവനോയിഡ്‌സ്, ആന്റി ഓക്‌സിഡ്ന്റുകള്‍ എന്നിവയാണ് ഇതിന് സഹായിക്കുന്നത്. ഗ്ലൂക്കോമ ഉള്‍പ്പെടെയുള്ള നേത്രരോഗങ്ങളെ അകറ്റിനിര്‍ത്താന്‍ ആപ്പിള്‍ നിത്യവും കഴിക്കുന്നത് കൊണ്ടാവും. 

seven benefits of having an apple daily

ശരീരഭാരം കുറയ്ക്കാനും, പ്രമേഹം കുറയ്ക്കാനുമെല്ലാം ആപ്പിള്‍ നല്ലയൊന്നാന്തരം മരുന്നാണെന്ന് വേണം പറയാന്‍. ഡയറ്റും വ്യായാമവും പതിവായി ചെയ്യുന്നവര്‍ തീര്‍ച്ചയായും ദിവസവും ഒരു ആപ്പിള്‍ കഴിക്കുന്നത് നിങ്ങളുടെ പരിശ്രമങ്ങള്‍ക്ക് തിളക്കം നല്‍കും, തീര്‍ച്ച!

Follow Us:
Download App:
  • android
  • ios