ഏഷ്യാനെറ്റ് ന്യൂസ് ഓണ്ലൈനില് ഇത്തവണ വ്യത്യസ്ത തരം സൂപ്പ് റെസിപ്പികള്. ഇന്ന് വിനോദ് രാമകൃഷ്ണന് തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
വീട്ടില് എളുപ്പത്തില് ചിക്കന് സൂപ്പ് തയ്യാറാക്കിയാലോ?
വേണ്ട ചേരുവകൾ
ചിക്കൻ - 2 കപ്പ്
വെണ്ണ -1 സ്പൂൺ
വെള്ളം -3 കപ്പ്
കുരുമുളക് പൊടി -1 സ്പൂൺ
മഞ്ഞൾപ്പൊടി- ആവശ്യത്തിന്
വെളുത്തുള്ളി- ആവശ്യത്തിന്
ജീരകം -1/2 സ്പൂൺ
ഉപ്പ് -1 സ്പൂൺ
ചെറിയ ഉള്ളി -10 എണ്ണം
മല്ലിയില -2 സ്പൂൺ
തയ്യാറാക്കുന്ന വിധം
കുക്കറിലേയ്ക്ക് ആവശ്യത്തിന് വെണ്ണ ചേർത്ത് കൊടുത്തതിന് ശേഷം അതിലേക്ക് ചിക്കന്റെ ചെറിയ പീസുകളും കൂടി ചേർത്തു കൊടുത്തതിനു ശേഷം ഇതിലേക്ക് മഞ്ഞൾപ്പൊടി, കുറച്ചു സവാള, കുറച്ചു കുരുമുളക് പൊടി, കുറച്ച് ചെറിയ ഉള്ളി, വെളുത്തുള്ളി, ജീരകം, ഉപ്പ് എന്നിവ ചേർത്ത് നന്നായി ഇളക്കി യോജിപ്പിക്കുക. ശേഷം ഇതിലേക്ക് ആവശ്യത്തിന് വെള്ളമൊഴിച്ച് കുക്കർ അടച്ചുവച്ച് വേവിച്ചെടുക്കാവുന്നതാണ്. ഇനി ഇതിലേക്ക് മല്ലിയില കൂടി ചേർത്ത് അലങ്കരിച്ചു കൊടുക്കാവുന്നതാണ്.
