യുവേഫ ചാംപ്യന്‍സ് ലീഗ്: ക്വാര്‍ട്ടറില്‍ അവസരം തേടി ബാഴ്‌സയും ബയേണും ഇന്നിറങ്ങും
യുവേഫ ചാന്പ്യന്‍സ് ലീഗ് ഫുട്‌ബോളിന്റെ രണ്ടാംപാദ പ്രീക്വാര്‍ട്ടറില്‍ ഇന്നും വന്പന്‍ പോരാട്ടങ്ങള്‍. രാത്രി ഒന്നരയ്ക്ക് തുടങ്ങുന്ന മത്സരങ്ങള്‍ ലിവര്‍പൂള്‍ മുന്‍ ചാംപ്യന്മാരായ ബയേണ്‍ മ്യൂണിച്ചിനേയും ലിയോണ്‍ ബാഴ്‌സലോണയെയും നേരിടും.
ബാഴ്‌സലോണ: യുവേഫ ചാന്പ്യന്‍സ് ലീഗ് ഫുട്‌ബോളിന്റെ രണ്ടാംപാദ പ്രീക്വാര്‍ട്ടറില്‍ ഇന്നും വന്പന്‍ പോരാട്ടങ്ങള്‍. രാത്രി ഒന്നരയ്ക്ക് തുടങ്ങുന്ന മത്സരങ്ങള്‍ ലിവര്‍പൂള്‍ മുന്‍ ചാംപ്യന്മാരായ ബയേണ്‍ മ്യൂണിച്ചിനേയും ലിയോണ്‍ ബാഴ്‌സലോണയെയും നേരിടും. ബയേണ്‍ ഹോം ഗ്രൗണ്ടിലാണ് ലിവര്‍പൂളിനെ നേരിടുന്നത്. ലിവര്‍പൂളിന്റെ ഗ്രൗണ്ടില്‍ നടന്ന മത്സരത്തില്‍ ഇരുടീമിനും ഗോള്‍ നേടാനായിരുന്നില്ല.
സ്പാനിഷ് ലീഗില്‍ കിരീടത്തോട് അടുക്കുന്ന ബാഴ്‌സലോണയും ആദ്യ പാദത്തില്‍ ലിയോണിനെതിരെ ഗോള്‍ നേടിയിരുന്നില്ല. ചാംപ്യന്‍സ് ലീഗ് സീസണില്‍ തോല്‍വി അറിയാത്ത രണ്ട് ടീമുകളാണ് ബാഴ്‌സയും ലിയോണും. ബാഴ്‌സയുടെ ഹോം ഗ്രൗണ്ടായ നൗകാംപിലാണ് ഇന്നത്തെ മത്സരം. ഇതിന് മുന്‍പ് നൗകാംപില്‍ ലിയോണിനെ നേരിട്ട മൂന്ന് കളിയിലും ബാഴ്‌സ ജയിച്ചിരുന്നു.
