പരാഗ്വെ വീണു; പെനാല്‍റ്റി ഷൂട്ടൗട്ടില്‍ ബ്രസീല്‍ സെമിയില്‍
ബ്രസീലിനായി ഫിര്‍മിനോ അവസരം പാഴാക്കിയപ്പോള്‍ വില്യാനും മാര്‍ക്കീഞ്ഞോസും കുടീഞ്ഞോയും ജീസസും ഗോള്‍ വല ചലിപ്പിച്ചു.
പോര്‍ട്ടോ അലെഗ്രേ: കോപ്പ അമേരിക്കയില്‍ പരാഗ്വെയെ പെനാല്‍റ്റി ഷൂട്ടൗട്ടില്‍ തകര്‍ത്ത്(4-3) ബ്രസീല്‍ സെമിയില്‍. ബ്രസീലിനായി ഫിര്‍മിനോ അവസരം പാഴാക്കിയപ്പോള്‍ വില്യാനും മാര്‍ക്കീഞ്ഞോസും കുടീഞ്ഞോയും ജീസസും ഗോള്‍ വല ചലിപ്പിച്ചു. പരാഗ്വെയുടെ ആദ്യ കിക്ക് ഗോമസും അവസാന കിക്ക് ഗോണ്‍സാലസും പാഴാക്കിയെങ്കിലും അല്‍മിറോണ്‍, വാല്‍ഡസ്, റോജാസ് എന്നിവര്‍ ലക്ഷ്യം കണ്ടു.
PÊNALTIS / PENALES
— Copa América (@CopaAmerica) June 28, 2019
5 - GABRIEL JESUS ⚽
🇧🇷 ⚽ ⚽ ⚽ ❌ ⚽
🇵🇾 ❌ ⚽ ⚽ ⚽ ❌#CopaAmerica
QUE VENHA A SEMIFINAL!
— CBF Futebol (@CBF_Futebol) June 28, 2019
🇧🇷 (4) 0 x 0 (3) 🇵🇾 | #JogaBola #BRAxPAR #CopaAmérica pic.twitter.com/gdH3vwE3qn
തൊണ്ണൂറ് മിനുറ്റും എട്ട് മിനുറ്റ് അധിക സമയവും ലഭിച്ചെങ്കിലും ഇരു ടീമിനും വല കുലുക്കാനായില്ല. ചുവപ്പ് കാര്‍ഡ് കണ്ട് ഫാബിയന്‍ 58-ാം മിനുറ്റില്‍ പുറത്തായത് പരാഗ്വെയ്‌ക്ക് തിരിച്ചടിയായി. എന്നാല്‍ ആക്രമണത്തില്‍ മുന്നിട്ടുനിന്ന ബ്രസീലിന് 10 പേരുമായി ചുരുങ്ങിയ പരാഗ്വെയോട് ഗോള്‍ നേടാനായില്ല. ഇതോടെ പെനാല്‍റ്റി ഷൂട്ടൗട്ടിലേക്ക് മത്സരം നീങ്ങുകയായിരുന്നു.
