EPL : ഇഞ്ചുറിടൈം ഗോളില്‍ ആഴ്‌സനലിനെ വീഴ്ത്തി എവേര്‍ട്ടണ്‍
നിലവിൽ ആഴ്‌സണൽ ഏഴാം സ്ഥാനത്തും എവേർട്ടൺ 12-ാം സ്ഥാനത്തുമാണ് ഉള്ളത്
ഗുഡിസണ്‍ പാര്‍ക്ക്: ഇംഗ്ലീഷ് പ്രീമിയർ ലീഗിൽ (EPL) എവേര്‍ട്ടണെതിരെ (Everton Fc) ആഴ്‌സനലിന് (Arsenal Fc) തോൽവി. ഒന്നിനെതിരെ രണ്ട് ഗോളുകൾക്കാണ് എവേര്‍ട്ടണിന്‍റെ ജയം. ഇഞ്ചുറിടൈമിൽ ഡെമറായ് ഗ്രേ (Demarai Gray) നേടിയ ഗോളാണ് എവേർട്ടണ് ജയം സമ്മാനിച്ചത്. ആദ്യ പകുതിയിൽ മാർട്ടിൻ ഒഡേഗാർഡിന്‍റെ(45+2) ഗോളിന് മുന്നിട്ട് നിന്ന ശേഷമായിരുന്നു ആഴ്‌സനലിന്‍റെ തോൽവി.
79-ാം മിനിറ്റിൽ റിച്ചാർലിസനാണ് എവേർട്ടണിന്‍റെ ആദ്യ ഗോൾ നേടിയത്. നിലവിൽ ആഴ്‌സണൽ ഏഴാം സ്ഥാനത്തും എവേർട്ടൺ 12-ാം സ്ഥാനത്തുമാണ് ഉള്ളത്.
15-ാം റൗണ്ടില്‍ 35 പോയിന്‍റുമായി മാഞ്ചസ്റ്റര്‍ സിറ്റിയാണ് പട്ടികയില്‍ ഒന്നാമത്. 34 പോയിന്‍റുമായി ലിവര്‍പൂള്‍ രണ്ടാമതും 33 പോയിന്‍റുമായി ചെല്‍സി മൂന്നാമതും നില്‍ക്കുന്നു. നാലാമതുള്ള വെസ്റ്റ് ഹാമിന് 27 പോയിന്‍റാണുള്ളത്.
ISL : അപരാജിത റെക്കോര്‍ഡ് കാത്ത് ജംഷഡ്പൂര്‍, രണ്ടാം തോല്‍വി വഴങ്ങി എടികെ
