യൂറോ കപ്പിലെ സൂപ്പർ ഫേവറൈറ്റുകളെ പ്രവചിച്ച് ആഴ്സൻ വെംഗർ
റഷ്യയിൽ ലോകകിരീടം നേടിയ സംഘം അതുപോലെ കളത്തിൽ തുടരുന്നുവെന്നത് ആദ്യത്തേത്. കാന്റെ, പോഗ്ബ, ബെൻസെമ, ഗ്രീസ്മാൻ, ജിറൂദ് എന്നിവരൊക്കെ യൂറോ കപ്പിനുമെത്തുന്നു. മറ്റൊരു ടീമായി കളിക്കാവുന്ന ഒന്നാംനിര സംഘം ഫ്രാൻസിന്റെ സൈഡ് ബെഞ്ചിലിരിപ്പുണ്ടെന്ന് വെംഗർ
ലണ്ടൻ: യൂറോ കപ്പിലെ സൂപ്പർ ഫേവറിറ്റുകളാണ് ഫ്രാൻസെന്ന് വിഖ്യാത പരിശീലകൻ ആഴ്സൻ വെങ്ങർ. ഇംഗ്ലണ്ടായിരിക്കും ഫ്രാൻസിന് വെല്ലുവിളിയാവുകയെന്നും മുൻ ആഴ്സണൽ പരിശീലകൻ പറയുന്നു. ലോകചാമ്പ്യൻമാർ യൂറോ കപ്പിലെ വെറും ഫേവറിറ്റുകളല്ല, സൂപ്പർ ഫേവറിറ്റുകളാണെന്ന് പറയാൻ ആഴ്സൻ വെങ്ങർക്ക് കാരണങ്ങളേറെയുണ്ട്.
റഷ്യയിൽ ലോകകിരീടം നേടിയ സംഘം അതുപോലെ കളത്തിൽ തുടരുന്നുവെന്നത് ആദ്യത്തേത്. കാന്റെ ,
പോഗ്ബ, ബെൻസെമ, ഗ്രീസ്മാൻ, ജിറൂദ് എന്നിവരൊക്കെ യൂറോ കപ്പിനുമെത്തുന്നു. മറ്റൊരു ടീമായി കളിക്കാവുന്ന ഒന്നാംനിര സംഘം ഫ്രാൻസിന്റെ സൈഡ് ബെഞ്ചിലിരിപ്പുണ്ടെന്ന് വെംഗർ പറയുന്നു. ഫോമിന്റെ പാരമ്യത്തിൽ എത്താത്ത, ഇപ്പോഴും മുന്നോട്ടുകുതിക്കുന്ന സംഘമാണ് ഫ്രാൻസ്. രണ്ടോ മൂന്നോ പേരൊഴികെ ടീമിലുളളവരെല്ലാം ചെറുപ്പമാണ്. ഇതെല്ലാം ഫ്രാൻസിന് അനുകൂലമാകുമെന്നാണ് വെംഗറുടെ നിരീക്ഷണം.
ജർമനിക്കും പോർച്ചുഗലിനും ഹംഗറിക്കുമൊപ്പം മരണഗ്രൂപ്പിലാണ് ഇക്കുറി ഫ്രാൻസ്. ഇംഗ്ലണ്ടാകും ഫ്രാൻസിന് വലിയ വെല്ലുവിളിയാവുകയെന്നാണ് വെംഗറുടെ നിരീകഷണം. യുവതാരങ്ങൾക്കൊപ്പം പരിചയസമ്പത്തും ചേരുന്ന മികച്ച കളിക്കാരുടെ സംഘമാണ് ഇംഗ്ലണ്ടിേന്റേത് എന്ന് വെംഗർ പറയുന്നു. ജൂൺ പതിമൂന്നിന് ക്രൊയേഷ്യക്കെതിരെയാണ് ഇംഗ്ലണ്ടിന്റെ ആദ്യ മത്സരം.
