ഓള്‍ഡ് ട്രാഫോര്‍ഡ്: എഫ് എ കപ്പിലെ ക്ലാസിക് പോരാട്ടത്തില്‍ ലിവർപൂളിനെ തോൽപ്പിച്ച് മാഞ്ചസ്റ്റർ യുണൈറ്റഡ് അ‍ഞ്ചാം റൗണ്ടിൽ കടന്നു. 3-2നായിരുന്നു യുണൈറ്റഡിന്‍റെ ജയം. ഒരു ഗോളിന് പിന്നിൽ നിന്ന ശേഷമാണ് യുണൈറ്റഡ് ജയം പിടിച്ചെടുത്തത്.

18-ാം മിനിറ്റില്‍ മുഹമ്മദ് സലാ ലിവര്‍പൂളിനായി ആദ്യ ഗോള്‍ നേടി. ലിവര്‍പൂള്‍ ആരാധകര്‍ സന്തോഷത്തിന് അറുതിവരുത്തി എട്ട് മിനിറ്റിനപ്പുറം 26-ാം മിനിറ്റില്‍ യുണൈറ്റ‍ഡ് തിരിച്ചടിച്ചു. ഗ്രീൻവുഡിനിലൂടെയായിരുന്നു ഗോള്‍. 48-ാം മിനിറ്റില്‍ റാഷ്‌ഫോർഡ് ലീഡ് ഉയര്‍ത്തി. വീണ്ടും മുഹമ്മദ് സലാ ലിവര്‍പൂളിന്‍റെ രക്ഷകനായതോടെ 58-ാം മിനിറ്റില്‍ ഇരു ടീമുകളും ഒപ്പത്തിനൊപ്പമെത്തി. എന്നാല്‍ 78-ാം മിനിറ്റില്‍ ബ്രൂണോ ഫെര്‍ണാണ്ടസിലൂടെ മാഞ്ചസ്റ്റര്‍ യുണൈറ്റഡ് വിജയഗോള്‍ നേടുകയായിരുന്നു. 

ടാമിക്ക് ഹാട്രിക്ക്, ചെല്‍സിക്ക് സൂപ്പര്‍ ജയം

എഫ് എ കപ്പ് ഫുട്ബോളിൽ ചെൽസി അഞ്ചാം റൗണ്ടിൽ കടന്നു. നാലാം റൗണ്ടിൽ ഒന്നിനെതിരെ മുന്ന് ഗോളിന് ലൂട്ടനെ തോൽപിച്ചു. ടാമി അബ്രഹാമിന്റെ ഹാട്രിക് കരുത്തിലാണ് ചെൽസിയുടെ ജയം. 11, 17, 74 മിനിറ്റുകളിലായിരുന്നു ഗോളുകള്‍. ഫ്രാങ്ക് ലാംപാർഡിന് ശേഷം എഫ് എ കപ്പിൽ ഹാട്രിക് നേടുന്ന ആദ്യ ഇംഗ്ലണ്ട് താരമെന്ന നേട്ടവും ടാമി അബ്രഹാം സ്വന്തമാക്കി. സീസണിൽ ടാമിക്ക് ഇപ്പോൾ ആകെ പതിനൊന്ന് ഗോളായി. 2007 ജനുവരിയിലായിരുന്നു ലാംപാർഡിന്റെ ഹാട്രിക്.

ഒഡീഷക്കെതിരെ സമനില ആശ്വാസത്തില്‍ ബെംഗലൂരു