ജിംഗാന് പിന്‍ഗാമിയായി സഹല്‍; ഭാവി താരത്തിനുള്ള പുരസ്‌കാരം
ഈ സീസണില്‍ 17 മത്സരങ്ങള്‍ കളിച്ച മധ്യനിര താരം ഒരു ഗോള്‍ നേടിയിരുന്നു.
മുംബൈ: ഐഎസ്എല്‍ അഞ്ചാം സീസണില്‍ എമേര്‍ജിംഗ് താരത്തിനുള്ള പുരസ്‌കാരം കേരള ബ്ലാസ്റ്റേഴ്സിന്റെ മലയാളി താരം സഹല്‍ അബ്‌ദുല്‍ സമദിന്. ഈ സീസണില്‍ 17 മത്സരങ്ങള്‍ കളിച്ച 21കാരന്‍ ഒരു ഗോള്‍ നേടിയിരുന്നു. ഐഎസ്എല്‍ ചരിത്രത്തില്‍ ആദ്യമായി ഈ പുരസ്‌കാരം നേടിയത് കേരള ബ്ലാസ്റ്റേഴ്സിന്റെ തന്നെ സന്ദേശ് ജിംഗാനായിരുന്നു.
#HeroISL 2018-19 | Season Awards:@KeralaBlasters' Sahal Abdul Samad is adjudged the 'ISL Emerging Player of the League'. What a find for @IndianFootball!#HeroISLFinal #LetsFootball #FanBannaPadega #NewChampion
— Indian Super League (@IndSuperLeague) March 17, 2019
വീറും വാശിയും എക്‌സ്‌ട്രാ ടൈമിലേക്ക് നീണ്ട കലാശപ്പോരില്‍ എഫ്‌സി ഗോവയെ 1-0ന് വീഴ്ത്തി ബെംഗളൂരു എഫ്‌സി കിരീടമുയര്‍ത്തി. ഐഎസ്എല്‍ ചരിത്രത്തില്‍ ബെംഗളൂരു എഫ്‌സിയുടെ ആദ്യ കിരീടമാണിത്. 117-ാം മിനുറ്റില്‍ കോര്‍ണറില്‍ നിന്ന് രാഹുല്‍ ഭേക്കേ നേടിയ ബുള്ളറ്റ് ഹെഡറിലാണ് ബെംഗളൂരുവിന്‍റെ ജയം.
