എല് ക്ലാസിക്കോ: ബാഴ്സയെ വീഴ്ത്തി റയല് മാഡ്രിഡ്
കരീം ബെന്സേമ(13), ടോണി ക്രൂസ്(28) എന്നിവരാണ് റയലിന് വേണ്ടി ഗോളുകൾ നേടിയത്. അറുപതാം മിനിറ്റിൽ ഓസ്കർ മിംഗ്വേസ ബാഴ്സയുടെ ആശ്വാസഗോൾ നേടി.
മാഡ്രിഡ്: എല് ക്ലാസിക്കോ പോരാട്ടത്തില് ബാഴ്സലോണയെ തോല്പ്പിച്ച് റയല് മാഡ്രിഡ്. ശനിയാഴ്ച നടന്ന മത്സരത്തിൽ എതിരില്ലാത്ത ഒന്നിനെതിരെ രണ്ടു ഗോളുകൾക്കായിരുന്നു മാഡ്രിഡിന്റെ വിജയം. ഇത് തുടർച്ചയായ മൂന്നാം മത്സരത്തിലാണ് റയൽ മാഡ്രിഡ് ബാഴ്സലോണയെ തോൽപ്പിക്കുന്നത്.
കരീം ബെന്സേമ(13), ടോണി ക്രൂസ്(28) എന്നിവരാണ് റയലിന് വേണ്ടി ഗോളുകൾ നേടിയത്. അറുപതാം മിനിറ്റിൽ ഓസ്കർ മിംഗ്വേസ ബാഴ്സയുടെ ആശ്വാസഗോൾ നേടി. 89-ാം മിനിറ്റിൽ റയലിന്റെ കസമീറോ ചുവപ്പ് കാർഡ് കണ്ട് പുറത്തായെങ്കിലും മുതലാക്കാൻ ബാഴ്സയ്ക്കായില്ല.
എല് ക്ലാസിക്കോയില് നേടിയ ജയം റയലിന്റെ കീരിടത്തിനായുള്ള പ്രയാണത്തില് നിര്ണ്ണായകമാണ്. ജയത്തോടെ റയൽ മാഡ്രിഡ് 66 പോയിന്റുമായി അത്ലറ്റിക്കോ മാഡ്രിഡിന് ഒപ്പം ഒന്നാമത് നിൽക്കുകയാണ്. 65 പോയിന്റുമായി ബാഴ്സലോണ മൂന്നാമതുണ്ട്.