സല സൈക്കിളില്‍! ആന്‍ഫീല്‍ഡില്‍ നിന്ന് സൂപ്പര്‍ താരം മടങ്ങുന്ന വീഡിയോ വൈറല്‍
ആന്‍ഫീല്‍ഡില്‍ നിന്ന് താമസസ്ഥലത്തേക്ക് സൈക്കിള്‍ പോകുന്ന മുഹമ്മദ് സലയുടെ ദൃശ്യങ്ങള്‍ ഏറ്റെടുത്ത് ആരാധകര്‍. വീഡിയോ വൈറല്‍.
ലിവര്‍പൂള്‍: സാധാരണക്കാരനെ പോലെ സൈക്കിളുമായി രാത്രി താമസസ്ഥലത്തേക്ക് പോകുന്ന ലിവര്‍പൂള്‍ സൂപ്പര്‍ താരം മുഹമ്മദ് സലായുടെ ദൃശ്യങ്ങള്‍ വൈറലാകുന്നു. സഹതാരമായ ലോവ്‍‍റെന്‍ ആണ് സലായുടെ ദൃശ്യങ്ങള്‍ പുറത്തുവിട്ടത്.
കാറില്‍ യാത്ര ചെയ്യുകയായിരുന്ന ഒരു ആരാധകനാണ് ദൃശ്യം പകര്‍ത്തിയത്. 'മൊ സലാ മൊ സലാ' എന്ന ഗാനത്തോടെയാണ് ആരാധകന്‍ സൈക്കിള്‍ യാത്ര പകര്‍ത്തിയത്. പിന്നാലെ നിരവധി ആരാധകരും സമൂഹമാധ്യമങ്ങളില്‍ വീഡിയോ ഷെയര്‍ ചെയ്ത് രംഗത്തെത്തി.
Mo Salah spotted making his way home from Anfield on his bicycle. So humble. 👏 pic.twitter.com/UQLQ0osmUh
— Footy Humour (@FootyHumour) April 15, 2019
ചെല്‍സിക്കെതിരായ സൂപ്പര്‍ പോരാട്ടത്തില്‍ മുഹമ്മദ് സല വണ്ടര്‍ ഗോള്‍ നേടിയിരുന്നു. മത്സരത്തില്‍ എതിരില്ലാത്ത രണ്ട് ഗോളിന് വിജയിച്ച് ലിവര്‍പുള്‍ പോയിന്‍റ് പട്ടികയില്‍ മുന്നിലെത്തി. സാദിയോ മാനെയുടെ വകയായിരുന്നു രണ്ടാം ഗോള്‍.
