Asianet News MalayalamAsianet News Malayalam

ജീവന്‍രക്ഷാ ഫീച്ചറുമായി ആപ്പിള്‍, നിങ്ങള്‍ വാഹനാപകടത്തില്‍ പെട്ടിട്ടുണ്ടോ എന്ന് ഇത് കണ്ടെത്തും

പുതിയ ലൈഫ്‌സേവിങ് ഫീച്ചറുമായി ആപ്പിള്‍ പ്രവര്‍ത്തിക്കുന്നതായി റിപ്പോര്‍ട്ട്. ആപ്പിളിന് ഇതിനകം തന്നെ ആപ്പിള്‍ വാച്ചില്‍ ഒരു ഫാള്‍ ഡിറ്റക്ഷന്‍ ഫീച്ചര്‍ ഉണ്ട്, അത് ഉപയോക്താവ് താഴെ വീഴുമ്പോള്‍ കോണ്‍ടാക്റ്റുകളെ അറിയിക്കുന്നു.

Apple working on new iPhone Apple Watch feature that detects if you are in a car accident
Author
India, First Published Nov 3, 2021, 4:44 PM IST
  • Facebook
  • Twitter
  • Whatsapp

പുതിയ ലൈഫ്‌സേവിങ് ഫീച്ചറുമായി ആപ്പിള്‍ (Apple) പ്രവര്‍ത്തിക്കുന്നതായി റിപ്പോര്‍ട്ട്. ആപ്പിളിന് ഇതിനകം തന്നെ ആപ്പിള്‍ വാച്ചില്‍ ( Apple Watch) ഒരു ഫാള്‍ ഡിറ്റക്ഷന്‍ ഫീച്ചര്‍ ഉണ്ട്, അത് ഉപയോക്താവ് താഴെ വീഴുമ്പോള്‍ കോണ്‍ടാക്റ്റുകളെ അറിയിക്കുന്നു. ക്രാഷ് ഡിറ്റക്ഷന്‍ ഫീച്ചറാണ് ആപ്പിള്‍ പ്രവര്‍ത്തിക്കുന്ന മറ്റൊരു ജീവന്‍ രക്ഷാ ഫീച്ചര്‍. ഇതിനര്‍ത്ഥം നിങ്ങള്‍ ഒരു വാഹന അപകടത്തില്‍ പെടുമ്പോള്‍ നിങ്ങളുടെ ഐഫോണിനും (iPhone)  ആപ്പിള്‍ വാച്ചിനും തിരിച്ചറിയാനും എമര്‍ജന്‍സി നമ്പറുകള്‍ സ്വയമേവ ഡയല്‍ ചെയ്യാനും കഴിയുമെന്നാണ്. വാള്‍സ്ട്രീറ്റ് ജേണല്‍ പറയുന്നതനുസരിച്ച്, ഈ സവിശേഷത അടുത്ത വര്‍ഷം ഐഫോണുകളിലും ആപ്പിള്‍ വാച്ചുകളിലും അവതരിപ്പിക്കും.

ഐഫോണുകളിലും ആപ്പിള്‍ വാച്ചുകളിലും ക്രാഷ് ഡിറ്റക്ഷന്‍ ഫീച്ചര്‍ അവതരിപ്പിക്കുമെന്ന് അവകാശപ്പെടുന്ന രേഖകള്‍ ഇതിനോടകം വൈറലായിട്ടുണ്ട്. ക്രാഷ് ഡിറ്റക്ഷന്‍ ഫീച്ചര്‍ ആപ്പിള്‍ ഉപകരണങ്ങളില്‍ നിര്‍മ്മിച്ച ആക്‌സിലറോമീറ്റര്‍ ഉള്‍പ്പെടെയുള്ള സെന്‍സറുകളില്‍ നിന്നുള്ള ഡാറ്റ ഉപയോഗിക്കും. ഐഫോണോ ആപ്പിള്‍ വാച്ചോ ഉപയോഗിക്കുന്ന വ്യക്തി ഒരു കാര്‍ അപകടത്തില്‍ പെട്ടിട്ടുണ്ടോ അല്ലെങ്കില്‍ ഏതെങ്കിലും തരത്തിലുള്ള അപകടത്തില്‍ പെട്ടിട്ടുണ്ടോ എന്ന് കണ്ടെത്താന്‍ ആപ്പിള്‍ ഒരു മോഷന്‍ സെന്‍സര്‍ ഉപയോഗിക്കും.

ആപ്പിളിനെ തറപറ്റിച്ച് മൈക്രോസോഫ്റ്റ് മുന്നില്‍; ആപ്പിളിന് അടി തെറ്റിയത് ഇങ്ങനെ.!

കൗതുകകരമെന്നു പറയട്ടെ, പിക്‌സല്‍ ഫോണുകള്‍ക്ക് ഒരു കാര്‍ ക്രാഷ് സംഭവിക്കുമ്പോള്‍ സഹായത്തിനായി വിളിക്കുന്ന ഒരു സവിശേഷതയുണ്ട്. ഗൂഗിളിന്റെ പേഴ്സണല്‍ സേഫ്റ്റി ആപ്പില്‍ ഈ ഫീച്ചര്‍ ലഭ്യമാണ്. ആക്സിലറോമീറ്ററും മൈക്രോഫോണും പോലുള്ള സെന്‍സറുകള്‍ അപകടം കണ്ടെത്താന്‍ ഈ ഫീച്ചര്‍ ഉപയോഗിക്കുന്നു. ആപ്പ് ഒരു കാര്‍ ക്രാഷ് കണ്ടെത്തുമ്പോഴെല്ലാം, ഫോണ്‍ ഒരു അലാറം ഉയര്‍ത്തും, അതിന് ഉത്തരം ലഭിച്ചില്ലെങ്കില്‍, ആപ്പ് സ്വയമേവ 911 എന്ന നമ്പറില്‍ വിളിച്ച് യുഎസിലെ അടിയന്തര സേവനങ്ങള്‍ക്ക് അപകടത്തില്‍പ്പെട്ട വ്യക്തിയുടെ സ്ഥാനം നല്‍കും. ജിഎം-ന്റെ ഓണ്‍സ്റ്റാര്‍, ഫിയറ്റിന്റെ യു കണക്ട് എന്നിവയുള്‍പ്പെടെ നിരവധി കാര്‍ കമ്പനികള്‍ ഇതിനകം തന്നെ ഇന്‍-ബില്‍റ്റ് കാര്‍ ക്രാഷ് ഡിറ്റക്ഷന്‍ ഫീച്ചര്‍ അവതരിപ്പിക്കുന്നുണ്ട്. എങ്കിലും, മിക്ക കാറുകളിലും ആ സവിശേഷത ഇല്ല. ഇത്തരക്കാര്‍ക്ക് ഐഫോണിന്റെ ഈ സവിശേഷത വളരെ ഉപയോഗപ്രദമാകും.

ഐഒഎസ് 15, വിന്‍ഡോസ് 10, ക്രോം എന്നിവ മിനിറ്റുകള്‍ക്കകം ചൈനീസ് ഹാക്കര്‍മാര്‍ ഹാക്ക് ചെയ്തു.!

വര്‍ഷങ്ങള്‍ക്ക് മുമ്പ് പുറത്തിറക്കിയ ആപ്പിള്‍ വാച്ചിലെ ജീവന്‍ രക്ഷ ഫീച്ചര്‍ ഫീച്ചര്‍ നിരവധി ജീവന്‍ രക്ഷിച്ചിരുന്നു. ഉപയോക്താക്കള്‍ കടുത്ത അപകടത്തില്‍ പെട്ടപ്പോള്‍ വാച്ച് കണ്ടെത്തുകയും സിസ്റ്റം അയച്ച അറിയിപ്പിനോട് ഉപയോക്താവ് പ്രതികരിച്ചില്ലെങ്കില്‍ 911 ഡയല്‍ ചെയ്യുകയും ചെയ്തിരുന്നു.
 

Follow Us:
Download App:
  • android
  • ios