എ57 ന് ചൈനയില് ഏകദേശം 17,900 രൂപയാണ് പ്രാരംഭ വില. ഇത് 8 ജിബി റാമും 128 ജിബി സ്റ്റോറേജ് മോഡലുമാണ്
പുതിയൊരു മിഡ് റേഞ്ച് ഫോണുമായി വീണ്ടും ഓപ്പോ. ഏകദേശം 17,900 രൂപയ്ക്ക് ഈ ഫോണ് ലഭ്യമാവും. പുതിയ എ57 ഒരു ഡ്യുവല് റിയര് ക്യാമറ സജ്ജീകരണവും എച്ച്ഡി പ്ലസ് ഡിസ്പ്ലേയുമായി വരുന്നു, ഇത് ഈ വില ശ്രേണിയില് അല്പ്പം അത്ഭുതം തന്നെയാണ്. ഹാന്ഡ്സെറ്റിന് ബജറ്റ് ഫോണിന്റെ സവിശേഷതകള് ഉണ്ടെന്ന് തോന്നുന്നു, പക്ഷേ വില വളരെ കൂടുതലാണ്. ഇതേ സ്മാര്ട്ട്ഫോണ് ഇന്ത്യയിലും അവതരിപ്പിക്കാന് കമ്പനി പദ്ധതിയിടുന്നുണ്ടോ എന്ന് നിലവില് അറിവായിട്ടില്ല.
എ57 ന് ചൈനയില് ഏകദേശം 17,900 രൂപയാണ് പ്രാരംഭ വില. ഇത് 8 ജിബി റാമും 128 ജിബി സ്റ്റോറേജ് മോഡലുമാണ്. 6 ജിബി റാം + 128 ജിബി സ്റ്റോറേജ് വേരിയന്റും ഉണ്ട്, എന്നാല് കമ്പനി ഇതുവരെ അതിന്റെ വില വെളിപ്പെടുത്തിയിട്ടില്ല. കറുപ്പ്, നീല, ലിലാക്ക് എന്നിങ്ങനെ മൂന്ന് നിറങ്ങളില് ഫോണ് വില്പ്പനയ്ക്കെത്തും. താല്പ്പര്യമുള്ള ഉപഭോക്താക്കള്ക്ക് ഏപ്രില് 15 മുതല് ഹാന്ഡ്സെറ്റ് വാങ്ങാനാകും.
ഏറ്റവും പുതിയ ആന്ഡ്രോയിഡ് 12 ഓപ്പറേറ്റിംഗ് സിസ്റ്റത്തിലാണ് ഇത് പ്രവര്ത്തിക്കുന്നത്. എ57 ന് ഒരു സാധാരണ 6.56 ഇഞ്ച് ഡിസ്പ്ലേ ഉണ്ട്, അത് എച്ച് ഡി പ്ലസ് റെസല്യൂഷന് മാത്രം പിന്തുണയ്ക്കുന്നു. പാനലിന് 90 ഹേര്ട്സ് റിഫ്രഷ് റേറ്റിനുള്ള പിന്തുണയും ഉണ്ട്. ഓപ്പോ എഫ് 21 പ്രോയ്ക്ക് സമാനമായ ഒരു ബോക്സി ഡിസൈന് ഉള്ളതായി തോന്നുന്നു. പുറകില്, ചതുരാകൃതിയിലുള്ള മൊഡ്യൂളില് രണ്ട് വലിയ ക്യാമറകളും മുന്വശത്ത് വാട്ടര്ഡ്രോപ്പ്-സ്റ്റൈല് നോച്ചും കാണാം. ഇത് മീഡിയടെക് ഡൈമെന്സിറ്റി 810 ചിപ്സെറ്റാണ് നല്കുന്നത്, ഇത് മാലി G57 MC2 GPU പിന്തുണയ്ക്കുന്നു. 8 ജിബി റാമും 128 ജിബി സ്റ്റോറേജ് ഓപ്ഷനുമായാണ് വാഗ്ദാനം ചെയ്യുന്നത്. ഒരു പ്രത്യേക മൈക്രോ എസ്ഡി കാര്ഡ് സ്ലോട്ട് ഉപയോഗിച്ച് ഇന്റേണല് സ്റ്റോറേജ് വികസിപ്പിക്കാനുള്ള ഓപ്ഷന് കമ്പനി നല്കിയിട്ടുണ്ട്.
ഒപ്റ്റിക്സിന്റെ കാര്യത്തില്, പിന്നില് രണ്ട് ക്യാമറകള് മാത്രമേയുള്ളൂ, സജ്ജീകരണത്തില് അള്ട്രാ വൈഡ് ആംഗിള് ക്യാമറ ഉള്പ്പെടുന്നില്ല. എഫ്/2.2 അപ്പേര്ച്ചറുള്ള 13 മെഗാപിക്സല് പ്രധാന ക്യാമറയും 2 മെഗാപിക്സല് പോര്ട്രെയ്റ്റ് സെന്സറും ഉണ്ട്. സെല്ഫികള്ക്കായി, ഓപ്പോ മുന്വശത്ത് f/2.0 അപ്പര്ച്ചര് ഉള്ള 8 മെഗാപിക്സല് ക്യാമറ ചേര്ത്തിട്ടുണ്ട്.
കണക്റ്റിവിറ്റി ഓപ്ഷനുകളില് 5G, 4G LTE, Wi-Fi 802.11ac, Bluetooth v5.2, GPS എന്നിവയും മറ്റും ഉള്പ്പെടുന്നു. മിഡ് റേഞ്ച് ഉപകരണത്തിന് 3.5 എംഎം ഹെഡ്ഫോണ് ജാക്ക് ഉണ്ട്. ഒപ്പം, സൈഡ് മൗണ്ടഡ് ഫിംഗര്പ്രിന്റ് സെന്സറും കമ്പനി ചേര്ത്തിട്ടുണ്ട്.
ബോറിസ് ജോൺസണ് നാണക്കേട്; നിയമ ലംഘനത്തിന് പിഴ അടപ്പിച്ച് യു കെ പൊലീസ്, ആദ്യ പ്രധാനമന്ത്രി
