ഓപ്പോ എഫ്31 സ്മാർട്ട്ഫോൺ സീരീസ് ഇന്ത്യയിൽ പുറത്തിറങ്ങി, ഓപ്പോ എഫ്31, എഫ്31 പ്രോ, എഫ്31 പ്രോ പ്ലസ് എന്നിവ ഉൾപ്പെടുന്ന പുതിയ ഫോൺ ശ്രേണിയാണ് കമ്പനി ഇന്ത്യയിൽ ഔദ്യോഗികമായി അവതരിപ്പിച്ചത്.
ദില്ലി: ഓപ്പോ പുതിയ എഫ്31 5ജി സ്മാർട്ട്ഫോൺ സീരീസ് ഇന്ത്യയിൽ അവതരിപ്പിച്ചു. ഓപ്പോ എഫ്31, എഫ്31 പ്രോ, എഫ്31 പ്രോ പ്ലസ് എന്നിവ ഉൾപ്പെടുന്ന പുതിയ ഫോൺ ശ്രേണിയാണ് കമ്പനി ഇന്ത്യയിൽ ഔദ്യോഗികമായി അവതരിപ്പിച്ചത്. പുതിയ എഫ്31 സീരീസിൽ സുഗമമായ പ്രകടനം, ദീർഘകാല പവർ, മെച്ചപ്പെട്ട ഈട് എന്നിവ വാഗ്ദാനം ചെയ്യുന്നു. എഫ്31 മോഡലുകളിൽ മീഡിയടെക് ഡൈമെൻസിറ്റി 6300/7300 എനർജി ചിപ്സെറ്റുകളാണ് നൽകുന്നത്. അതേസമയം ഫ്ലാഗ്ഷിപ്പ് മോഡലായ എഫ്31 പ്രോ പ്ലസ് സ്നാപ്ഡ്രാഗൺ 7 ജെൻ 3ലാണ് പ്രവർത്തിക്കുന്നത്. 80 വാട്സ് ഫാസ്റ്റ് ചാർജിംഗും ഐപി66/IPഐപി/ഐപി69 വാട്ടർ റെസിസ്റ്റൻസും, MIL-STD-810H-സർട്ടിഫൈഡ് 360 ഡിഗ്രി ആർമർ ബോഡിയും ഉള്ള 7,000 എംഎഎച്ച് ബാറ്ററികളാണ് ഇതിൽ വരുന്നത്. ഓപ്പോ എ31 സീരീസ് വില, സവിശേഷതകൾ, മറ്റ് വിശദാംശങ്ങൾ തുടങ്ങിയ കാര്യങ്ങൾ അറിയാം.
ഒപ്പോ എഫ്31 സ്പെസിഫിക്കേഷനുകൾ
120Hz റിഫ്രഷ് റേറ്റുള്ള 6.5 അമോലെഡ് പാനലാണ് ഒപ്പോ എഫ്31-ൽ വരുന്നത്. മീഡിയടെക് ഡൈമെൻസിറ്റി 6300 എനർജി പ്രോസസറിന്റെ പിന്തുണ ഈ ഡിവൈസിന് ലഭിക്കുന്നു. കൂടാതെ ഒരു വേപ്പർ കൂളിംഗ് ചേമ്പറും ഇതിൽ ഉൾപ്പെടുത്തിയിട്ടുണ്ട്. 8 ജിബി വരെ റാമും 256 ജിബി വരെ LPDDR4x റാമും ഈ ഉപകരണത്തിൽ ഉൾപ്പെടുത്തിയിട്ടുണ്ട്. 7,000 എംഎഎച്ച് ബാറ്ററിയും 80 വാട്സ് ഫാസ്റ്റ് ചാർജിംഗും ഈ ഉപകരണത്തിൽ ഉൾപ്പെടുത്തിയിട്ടുണ്ട്. ഇത് കളർ ഓഎസ് 15-ൽ പ്രവർത്തിക്കുന്നു. കൂടാതെ രണ്ട് വർഷത്തെ ഓഎസും മൂന്ന് വർഷത്തെ സുരക്ഷാ അപ്ഡേറ്റുകളും ലഭിക്കും. ക്യാമറയുടെ കാര്യം പറയുകയാണെങ്കിൽ, ഈ ഡിവൈസിൽ 50MP ഓഐഎസ് ക്യാമറയും 2 എംപി സെക്കൻഡറി ക്യാമറയും ഉണ്ട്. മുൻവശത്ത്, 16 എംപി സെൽഫി ക്യാമറയുണ്ട്. ഇത് അണ്ടർവാട്ടർ ഫോട്ടോഗ്രാഫിയും വീഡിയോഗ്രാഫി മോഡുകളും വാഗ്ദാനം ചെയ്യുന്നു.
ഓപ്പോ എഫ്31 പ്രോ സ്പെസിഫിക്കേഷനുകൾ
Related Articles
120Hz റിഫ്രഷ് റേറ്റ് ഉള്ള 6.5 ഇഞ്ച് അമേലെഡ് പാനലാണ് ഈ ഉപകരണത്തിലുള്ളത്. മീഡിയടെക് ഡൈമെൻസിറ്റി 7300 എനർജി ചിപ്സെറ്റും അഡ്വാൻസ്ഡ് തെർമൽ മാനേജ്മെന്റിനായി 5219 mm² സൂപ്പർകൂൾ VC സിസ്റ്റവും ഈ ഉപകരണത്തിലുണ്ട്. 12 ജിബി വരെ LPDDR4X റാമും 256 ജിബി യുഎഫ്എസ് 3.1 ഉം ഈ ഉപകരണത്തിൽ ഉണ്ട്. 7,000 എംഎഎച്ച് ബാറ്ററിയും 80 വാട്സ് ചാർജിംഗും ഈ ഉപകരണത്തിൽ ഉണ്ട്. 50 എംപി പ്രധാന ക്യാമറയും 2 എംപി സെക്കൻഡറി സെൻസറും ഈ ഉപകരണത്തിലുണ്ട്. സെൽഫികൾക്കും വീഡിയോ കോളുകൾക്കുമായി, ഈ ഉപകരണത്തിൽ 32 എംപി സെൽഫിയും ഉണ്ട്. പിൻ ക്യാമറകളിൽ 4കെ വീഡിയോ റെക്കോർഡിംഗ് സൗകര്യവുമുണ്ട്.
ഓപ്പോ എഫ്31 പ്രോ+ സ്പെസിഫിക്കേഷൻസ്
ഓപ്പോ എഫ്31 പ്രോ+ ൽ6.8 ഇഞ്ച് അമോലെഡ് പാനൽ ലഭിക്കുന്നു. ഇത് 120Hz റിഫ്രഷ് റേറ്റ് നൽകുന്നു. സ്നാപ്ഡ്രാഗൺ 7 ജെൻ 3 ചിപ്സെറ്റും സൂപ്പർകൂൾ VC സിസ്റ്റവും ഇതിൽ ഉൾപ്പെടുന്നു. 256 ജിബി വരെ യുഎഫ്എസ് 3.1 സ്റ്റോറേജും 12 ജിബി LPDDR4X റാമും ഈ ഉപകരണത്തിൽ ഉൾപ്പെടുന്നു. 7,000 എംഎഎച്ച് ബാറ്ററിയും 80 വാട്സ് ചാർജിംഗും ഇതിനുണ്ട്. ഫോട്ടോകൾക്കായി, ഈ ഉപകരണം 50 എംപി പ്രധാന ക്യാമറയും 2 എംപി സെക്കൻഡറി സെൻസറും ഉൾക്കൊള്ളുന്നു. 32 എംപി സെൽഫി ഷൂട്ടറും ഈ ഉപകരണത്തിൽ ഉണ്ട്.
എഫ്31 5ജി സീരീസിന്റെ ഇന്ത്യൻ വില, ഓഫറുകൾ
ഓപ്പോ എഫ്31 5ജിയുടെ വില 22,999 രൂപയും ഓപ്പോ എഫ്31 പ്രേ 5ജിയുടെ വില 26,999 രൂപയുമാണ്. ടോപ്പ് എൻഡ് ഓപ്പോ എഫ്31 പ്രോ+ ന്റെ വില 32,999 രൂപയുമാണ്. സെപ്റ്റംബർ 19 മുതൽ ഫ്ലിപ്കാർട്ട്, ആമസോൺ, ഓപ്പോ ഇ-സ്റ്റോർ എന്നിവയിൽ ഈ ഉപകരണം വിൽപ്പനയ്ക്ക് ലഭ്യമാകും.
