ഐഫോൺ 15 ന് പിന്നാലെ പിക്സൽ 8 ; ആര് ആരെ വെല്ലുമെന്ന് കാത്തിരുന്ന് കാണാം
എങ്കിലും ഐഫോൺ 15 ന് പിന്നാലെയെത്തുന്ന പിക്സൽ 8 എന്തൊക്കെയാകും കരുതി വച്ചിരിക്കുക എന്നറിയാൻ എല്ലാവർക്കും ആകാംക്ഷയുണ്ട്.
ആപ്പിൾ ഐഫോൺ 15 ന്റെ ലോഞ്ചിന് പിന്നാലെ ഗൂഗിൾ പിക്സൽ 8 എത്തുമെന്ന് സൂചന. ഗൂഗിൾ പിക്സൽ 8 സീരിസിന്റെ വരവിനായി ലോകമെമ്പാടുമുള്ള നിരവധി പേരാണ് ആകാംക്ഷയോടെ കാത്തിരിക്കുന്നത്. ഗൂഗിളും ആപ്പിളും തമ്മിലുള്ള മത്സരം ടെക് ലോകത്തിന് പുതുമയുള്ള കാഴ്ചയല്ല.
എങ്കിലും ഐഫോൺ 15 ന് പിന്നാലെയെത്തുന്ന പിക്സൽ 8 എന്തൊക്കെയാകും കരുതി വച്ചിരിക്കുക എന്നറിയാൻ എല്ലാവർക്കും ആകാംക്ഷയുണ്ട്. പിക്സൽ 8ന്റെ വരവിനായി കാത്തിരിക്കുന്ന സ്മാർട്ട്ഫോൺ പ്രേമികളുടെ പ്രതീക്ഷകളും സ്വപ്നങ്ങളും വളരെ മുകളിലാണ്. പുറത്തുവരുന്ന റിപ്പോർട്ടുകൾ ശരിയാണെങ്കിൽ പിക്സലിന്റെ 8 ന്റെ അപ്ഗ്രേഡ് ഉപഭോക്താക്കൾക്ക് ആവേശം പകരുന്നതാണ്.
ക്യാമറയാണ് പിക്സലിന്റെതായി എടുത്തു പറയേണ്ടത്. ക്യാമറയുടെ കാര്യത്തിൽ പേര് കേട്ട ഫോണുകളാണ് ഗൂഗിൾ പിക്സൽ 8. മൊബൈൽ ഫോട്ടോഗ്രാഫിക്ക് മുതൽക്കൂട്ടാകുന്ന അപ്ഡേഷൻസാണ് ഫോണിലുണ്ടാകുക എന്നാണ് പ്രതീക്ഷ. മെച്ചപ്പെട്ട ലോ-ലൈറ്റ് പ്രകടനവും മെച്ചപ്പെടുത്തിയ ഒപ്റ്റിക്കൽ സൂമും പോലുള്ള സവിശേഷതകൾ എടുത്തു പറയേണ്ടതാണ്. കൂടാതെ, നൂതന കമ്പ്യൂട്ടേഷണൽ ഫോട്ടോഗ്രാഫി ടെക്നിക്കുകൾക്ക് പുതിയ മാനദണ്ഡങ്ങൾ സജ്ജമാക്കാൻ കഴിയും. ഏത് സാഹചര്യത്തിലും പിക്സൽ 8 വഴി ഉപയോക്താക്കൾക്ക് അതിശയകരമായ ചിത്രങ്ങൾ പകർത്താനാകും.
സ്മാർട്ട്ഫോണുകള്‌ ദിനം പ്രതി മെച്ചപ്പെടുന്നുണ്ടെങ്കിലും ബാറ്ററി ലൈഫ് ഇപ്പോഴും ഉപയോക്താക്കളിൽ ആശങ്കയുളവാക്കുന്ന ഒന്നാണ്. ഉപകരണങ്ങളിൽ മൾട്ടിടാസ്‌ക് ചെയ്യുന്ന കാലഘട്ടത്തിൽ ബാറ്ററി ലൈഫുള്ള ഫോൺ ഒരു പ്രധാന ഘടകമാണ്. പവർ മാനേജ്മെന്റ്, ഫാസ്റ്റ് ചാർജിങ് എന്നിവയാണ് ഫോണിന്റെ മറ്റ് പ്രത്യേകതകൾ.
ആർട്ടിഫിഷ്യൽ ഇന്റലിജൻസ് (AI), ഓഗ്‌മെന്റഡ് റിയാലിറ്റി (AR) എന്നിവ ഈ സ്‌മാർട്ട്‌ഫോണിന്റെ അവിഭാജ്യ ഘടകമായി മാറിക്കൊണ്ടിരിക്കുകയാണ്. ഈ മേഖലകളിൽ ഗൂഗിൾ എത്രത്തോളം മികച്ചതാണ് എന്നതിന്റെ തെളിവാണ് പിക്സൽ 7 ഫോണുകൾ.എഐ,എആർ എന്നിവയുടെ കാര്യത്തിൽ പിക്സൽ 8 സീരീസിൽ നിന്നും മികച്ച അപ്ഡേഷൻസാണ് ഉപയോക്താക്കൾ പ്രതീക്ഷിക്കുന്നത്.
സ്മാർട്ട്ഫോൺ ഡിസ്‌പ്ലേകൾ കേവലം ടച്ച്‌സ്‌ക്രീനുകളിൽ നിന്ന് ഉപകരണങ്ങളുമായുള്ള നമ്മുടെ ഇടപെടലിനെ രൂപപ്പെടുത്തുന്ന സ്‌ക്രീനുകളായി പരിണമിച്ചു. സാധാരണ പിക്സൽ 8 മോഡലിൽപ്പോലും കൃത്യതയും തെളിച്ചവും ഉള്ള 120Hz ഉയർന്ന റിഫ്രഷിങ് നിരക്കുള്ള സ്ക്രീനുകൾ പോലെയുള്ള കൂടുതൽ നൂതനമായ ഡിസ്പ്ലേ ടെക്നോളജി അവതരിപ്പിച്ചുകൊണ്ട് ഗൂഗിളിന് പിക്സൽ 8-നൊപ്പം എൻവലപ്പ് മുന്നോട്ട് കൊണ്ടുപോകാൻ കഴിയും.
