ദില്ലി: സാംസങ് ഗാലക്‌സി നോട്ട് 10 ലൈറ്റിന് ഇന്ത്യയില്‍ വന്‍ വിലക്കുറവ്. എസ് പെന്‍ ഉള്ള സ്മാര്‍ട്ട്‌ഫോണ്‍ ആണിത്. 6 ജിബി വേരിയന്റ് 37,999 രൂപയ്ക്കും 8 ജിബി വേരിയന്റ് 39,999 രൂപയ്ക്കും വിറ്റിരുന്നതാണ്. എന്നാല്‍ ഇതിനു രണ്ടിനും ഇപ്പോള്‍ ഏകദേശം 4000 രൂപയാണ് വിലക്കുറവ് കമ്പനി നല്‍കുന്നത്. ഇതിനുപുറമേ നിരവധി ആകര്‍ഷകമായ ഡിസ്‌ക്കൗണ്ടുകളും പ്രഖ്യാപിച്ചിട്ടുണ്ട്.

പ്രീമിയം സവിശേഷതകളുള്ള ഒരു ഫോണിനായി തിരയുന്നവര്‍ക്ക് ഏറ്റവും പ്രധാനമായി ഇത് തിരഞ്ഞെടുക്കാനാകും. സിറ്റിബാങ്ക് ഡെബിറ്റ്, ക്രെഡിറ്റ് കാര്‍ഡ് ഉടമകള്‍ക്ക് 5000 രൂപ അധിക കിഴിവ് ലഭിക്കും എന്നതാണ് ശ്രദ്ധേയം. അതിനാല്‍ ഇത് 6 ജിബി വേരിയന്റിന് 32,999 രൂപയായും 8 ജിബി വേരിയന്റിന് 34,999 രൂപയായും വില കുറയ്ക്കും. സിറ്റിബാങ്ക് ക്യാഷ്ബാക്ക് നേടാന്‍ തയ്യാറായില്ലെങ്കില്‍ വാങ്ങുന്നവര്‍ക്ക് 2000 രൂപ തല്‍ക്ഷണ ക്യാഷ്ബാക്ക് നേടാനും കഴിയും. പുറമേ, വാങ്ങുന്നവര്‍ക്ക് 9 മാസം വരെ ചെലവില്ലാത്ത ഇഎംഐ ഓഫര്‍ നേടാനും കഴിയും, വാങ്ങുന്നവര്‍ക്ക് 2 മാസത്തെ യുട്യൂബ് പ്രീമിയം സബ്‌സ്‌ക്രിപ്ഷനും ലഭിക്കും. ഓഫറുകള്‍ 2020 ജൂണ്‍ 30 വരെ മാത്രമേ വാലിഡിറ്റിയുള്ളൂ.

സാംസങ് ഗാലക്‌സി നോട്ട് 10 ന്റെ മികച്ച പതിപ്പാണ് ഗാലക്‌സി നോട്ട് 10 ലൈറ്റ്. ഈ വില വിഭാഗത്തില്‍ എസ് പെന്‍ പിന്തുണയുമായി വരുന്ന ഒരേയൊരു സ്മാര്‍ട്ട്‌ഫോണ്‍ ഇതാണ്. അതിനാല്‍ ഉപകരണം വാങ്ങുന്നതിനുമുമ്പ് അറിഞ്ഞിരിക്കേണ്ട ചില പ്രധാന സവിശേഷതകള്‍ ഇതാണ്.

സാംസങ് ഗ്യാലക്‌സി നോട്ട് 10 ലൈറ്റിന് കരുത്ത് പകരുന്നത് സാംസങ്ങിന്റെ സ്വന്തം എക്‌സിനോസ് 9810 ചിപ്‌സെറ്റാണ്, ഇത് 6/8 ജിബി + 128 ജിബി റാമും സ്‌റ്റോറേജ് കോണ്‍ഫിഗറേഷനും ഉള്‍ക്കൊള്ളുന്നു. വേഗതയേറിയ ചാര്‍ജിംഗിനുള്ള പിന്തുണയുള്ള 4500 എംഎഎച്ച് ബാറ്ററിയാണ് സാംസങ് ഗാലക്‌സി നോട്ട് 10 ലൈറ്റില്‍ ഉള്ളത്. ഗ്യാലക്‌സി നോട്ട് 10 ലൈറ്റില്‍ എഡ്ജ് ടു എഡ്ജ് 6.7 ഇഞ്ച് ഇന്‍ഫിനിറ്റിഒ ഡിസ്‌പ്ലേ, പൂര്‍ണ്ണ എച്ച്ഡി + റെസല്യൂഷനുകളും 394 പിപിഐ പിക്‌സല്‍ സാന്ദ്രതയും ഉള്‍ക്കൊള്ളുന്നു.

ഗ്യാലക്‌സി നോട്ട് 10 ലൈറ്റില്‍ ഡ്യുവല്‍ പിക്‌സല്‍ ഒഐഎസ് (ഒപ്റ്റിക്കല്‍ ഇമേജ് സ്‌പെഷ്യലൈസേഷന്‍) 12 മെഗാപിക്‌സല്‍ വീതിയുള്ള ക്യാമറയും അള്‍ട്രാ വൈഡ് (123 ഡിഗ്രി വ്യൂ ഫീല്‍ഡ്) 12 മെഗാപിക്‌സലും മികച്ച ഫോട്ടോഗ്രാഫിക്കായി 12 മെഗാപിക്‌സല്‍ ടെലി ലെന്‍സും ഉള്‍ക്കൊള്ളുന്നു. 32 എംപി ഫ്രണ്ട് ക്യാമറയും പോര്‍ട്രെയിറ്റ് മോഡ് സവിശേഷതയുമുണ്ട്.

ബ്ലൂടൂത്ത് പ്രവര്‍ത്തനക്ഷമമാക്കിയ എസ് പെന്‍ ആണ് ഇതിന്റെ വലിയ സവിശേഷത. എസ് പെന്നിന്റെ എയര്‍ കമാന്‍ഡ് സവിശേഷത ഉപയോക്താക്കളെ ചിത്രങ്ങളില്‍ ക്ലിക്കുചെയ്യാനും അവതരണങ്ങളിലൂടെ നാവിഗേറ്റ് ചെയ്യാനും പ്രോ പോലുള്ള വീഡിയോകള്‍ എഡിറ്റ് ചെയ്യാനും അനുവദിക്കുന്നു. എല്ലാം ലളിതമായ ക്ലിക്കിലൂടെ.

Read more: ട്രംപിന് തിരിച്ചടി; പ്രചാരണപരസ്യങ്ങള്‍ നീക്കി ഫേസ്‌ബുക്ക്