മുട്ടയും നാരങ്ങയുമുണ്ടോ വീട്ടിൽ? വഴുതന പൂകൊഴിച്ചിൽ തടയാനും വിളവ് വർദ്ധിപ്പിക്കാനും പരീക്ഷിക്കാം

വഴുതന കൃഷിയിലെ പൂകൊഴിച്ചിൽ തടയാനും വിളവ് വർദ്ധിപ്പിക്കാനും എന്തൊക്കെയാണ് ചെയ്യാൻ കഴിയുക? ചെറുതായി ശ്രദ്ധിച്ചാല്‍ തന്നെ ഈ പ്രശ്നങ്ങളെല്ലാം പരിഹരിച്ച് നല്ല വിളവുണ്ടാക്കാം. 

Image Credit : Getty

വഴുതന കൃഷിയിലെ പൂകൊഴിച്ചിൽ തടയാനും വിളവ് വർദ്ധിപ്പിക്കാനും എന്തൊക്കെയാണ് ചെയ്യാൻ കഴിയുക? അതിനായി കുറച്ച് പൊടിക്കൈകൾ പ്രയോ​ഗിച്ച് നോക്കാം. സൂക്ഷ്മ മൂലകങ്ങളുടെ കുറവ് പരിഹരിക്കുകയാണ് ആദ്യം വേണ്ടത്. വഴുതന പൂക്കൾ കൊഴിയുന്നതിന് പ്രധാന കാരണം ബോറോൺ പോലുള്ള മൈക്രോ ന്യൂട്രിയന്റുകളുടെ കുറവാണ്. ഇത് പരിഹരിക്കാൻ മിശ്രിതങ്ങൾ തളിച്ചു കൊടുക്കാം.

Image Credit : Getty

അതുപോലെ തന്നെയാണ് ബോറാക്സ് പ്രയോഗവും. 1 ലിറ്റർ വെള്ളത്തിൽ 1 ഗ്രാം ബോറാക്സ് കലക്കി തളിക്കുന്നത് പൂക്കൾ കൊഴിയുന്നത് തടയാൻ സഹായിക്കും. മുട്ട-നാരങ്ങാനീര് പ്രയോഗവും സഹായകമാണ്. ജൈവരീതിയിൽ പൂകൊഴിച്ചിൽ തടയാൻ മുട്ടയും നാരങ്ങാനീരും ചേർത്ത മിശ്രിതം പ്രയോഗിക്കുന്നത് ഫലപ്രദമാണ്.

Image Credit : Getty

മണ്ണിലെ ഈർപ്പം പെട്ടെന്ന് കൂടുന്നതും കുറയുന്നതും പൂ കൊഴിച്ചിലിന് കാരണമാകും. അതിനാൽ കൃത്യമായ ഇടവേളകളിൽ നനയ്ക്കാനും ശ്രദ്ധിക്കണം. സൂര്യപ്രകാശം ഉറപ്പാക്കുകയാണ് അടുത്തതായി ചെയ്യേണ്ടത്. ഒരു ദിവസം കുറഞ്ഞത് 6 മുതൽ 8 മണിക്കൂർ വരെ നേരിട്ടുള്ള വെയിൽ ലഭിക്കുന്ന സ്ഥലത്ത് മാത്രം വഴുതന വളർത്തുക.

Image Credit : Getty

കായം വെള്ളത്തിൽ കലക്കി തളിക്കുന്നത് വഴുതനയിലെ പൂകൊഴിച്ചിൽ മാറ്റാൻ സഹായിക്കുന്ന ഒരു നാടൻ വിദ്യയാണ്. കീടനിയന്ത്രണത്തിന് ഒട്ടും അമാന്തിക്കരുത്. കായതുരപ്പൻ പുഴുക്കളെ അകറ്റാൻ വേപ്പെണ്ണ-വെളുത്തുള്ളി മിശ്രിതം ആഴ്ചയിലൊരിക്കൽ ചെടിയിൽ തളിക്കുക.

Image Credit : Getty

അതുപോലെ, അമിതമായ നൈട്രജൻ ഒഴിവാക്കുക. നൈട്രജൻ വളങ്ങൾ (യൂറിയ പോലുള്ളവ) അമിതമായാൽ ചെടി തഴച്ചു വളരുമെങ്കിലും പൂക്കൾ ഉണ്ടാകില്ല. വളപ്രയോഗത്തിനും സമയമുണ്ട്. ചെടി പൂവിടുന്നതിന് തൊട്ടുമുൻപും പൂവിട്ടു കഴിഞ്ഞാലുടനും സൂക്ഷ്മ മൂലകങ്ങൾ നൽകുന്നത് കൂടുതൽ കായ്കൾ പിടിക്കാൻ സഹായിക്കും.