- Home
- Automobile
- Auto Blog
- സുരക്ഷയും ഡ്രൈവിംഗ് സുഖവും ഉറപ്പ്! ഇതാ ഏറ്റവും വില കുറഞ്ഞ അഞ്ച് കാറുകൾ, ഒപ്പം അഡ്വാൻസ്ഡ് ഡ്രൈവിംഗ് ഫീച്ചറുകളും
സുരക്ഷയും ഡ്രൈവിംഗ് സുഖവും ഉറപ്പ്! ഇതാ ഏറ്റവും വില കുറഞ്ഞ അഞ്ച് കാറുകൾ, ഒപ്പം അഡ്വാൻസ്ഡ് ഡ്രൈവിംഗ് ഫീച്ചറുകളും
ഇന്ത്യയിലെ പല ജനപ്രിയ കാറുകളിലും ഇപ്പോൾ അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റംസ് (ADAS) ലഭ്യമാണ്. ഇത് സുരക്ഷയും ഡ്രൈവിംഗ് എളുപ്പവും വർദ്ധിപ്പിക്കുന്നു. ഇതാ ഈ ഫീച്ചർ ഉള്ള ഏറ്റവും താങ്ങാനാവുന്ന അഞ്ച് കാറുകളെക്കുറിച്ച് അറിയാം.
അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റംസ്
ഇന്ന് ഇന്ത്യൻ വാഹന വിപണിയിൽ, അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റംസ് അഥവാ എഡിഎഎസ് ടെക്നോളജി വിലകൂടിയ ആഡംബര കാറുകളിൽ മാത്രമായി ഒതുങ്ങുന്നില്ല
മിക്ക കാറുകളിലും ലഭ്യം
ഇപ്പോൾ പല മാസ്-മാർക്കറ്റ് കാറുകളും ഈ ഫീച്ചർ വാഗ്ദാനം ചെയ്യുന്നുണ്ട്. ഇത് ഡ്രൈവിംഗ് കൂടുതൽ സുരക്ഷിതവും എളുപ്പവുമാക്കുന്നു.
രണ്ടുവിധത്തിൽ ലഭ്യം
ലെവൽ-1, ലെവൽ-2 വരെ എഡിഎഎസ് സാങ്കേതികവിദ്യ നിലവിൽ ഇന്ത്യയിൽ ലഭ്യമാണ്.
കാർ വാങ്ങാൻ പ്ലാനുണ്ടോ?
കുറഞ്ഞ ബജറ്റിൽ എഡിഎഎസ് സുരക്ഷാ സവിശേഷതകൾ ഉൾക്കൊള്ളുന്ന ഒരു കാർ വാങ്ങാനും നിങ്ങൾ ആഗ്രഹിക്കുന്നോ
അഞ്ച് കാറുകൾ
എങ്കിൽ ഇതാ ഇന്ത്യയിലെ ഏറ്റവും വിലകുറഞ്ഞ അഞ്ച് എഡിഎഎസ് സുരക്ഷാ ഫീച്ചർ കാറുകളെക്കുറിച്ച് അറിയാം.
ഹോണ്ട സിറ്റി വില:- 12.84 ലക്ഷം - 16.69 ലക്ഷം
മിഡ്-സൈസ് സെഡാൻ വിഭാഗത്തിലെ വിശ്വസനീയമായ ഒരു കാറാണിത്. എഡിഎഎസ് (ഹോണ്ട സെൻസിംഗ്) സവിശേഷത V, VX, ZX വേരിയന്റുകളിൽ മാത്രമേ ലഭ്യമാകൂ. ഇതിന്റെ എഞ്ചിൻ ഓപ്ഷനെക്കുറിച്ച് പറയുകയാണെങ്കിൽ,ഹോണ്ട സിറ്റിക്ക് 1.5 ലിറ്റർ പെട്രോൾ (121hp) എഞ്ചിനാണ് ഉള്ളത്. മാനുവൽ, CVT ഗിയർബോക്സുകൾ ഇതിൽ നൽകിയിട്ടുണ്ട്.
ഹ്യുണ്ടായി വെന്യു വില:- 12.53 ലക്ഷം - 13.62 ലക്ഷം
കോംപാക്റ്റ് എസ്യുവി വിഭാഗത്തിലെ ഒരു ഹിറ്റ് കാറാണ് ഹ്യുണ്ടായി വെന്യു. ഇതിന് ADAS ലെവൽ-1 (ഫോർവേഡ് കൊളിഷൻ വാണിംഗ്, ലെയ്ൻ അസിസ്റ്റ് മുതലായവ) സുരക്ഷാ സവിശേഷതകളുണ്ട്. അതിന്റെ SX(O) ടോപ്പ് വേരിയന്റിൽ മാത്രമേ ADAS ഉള്ളൂ. അതിന്റെ എഞ്ചിൻ ഓപ്ഷനെക്കുറിച്ച് പറയുകയാണെങ്കിൽ, ഇതിന് 1.0-ലിറ്റർ ടർബോ പെട്രോൾ (120hp) - MT/DCT, 1.5-ലിറ്റർ ഡീസൽ (116hp) - MT ഓപ്ഷനുമുണ്ട്.
ഹോണ്ട അമേസ് വില:- 10.04 ലക്ഷം - 11.24 ലക്ഷം
ഇന്ത്യയിലെ ഏറ്റവും വിലകുറഞ്ഞ എഡിഎഎസ് കാറാണ് ഹോണ്ട അമേസ് . 4 മീറ്ററിൽ താഴെ നീളമുള്ള സെഡാൻ സെഗ്മെന്റിൽ എഡിഎഎസ് സവിശേഷത ലഭിക്കുന്ന ആദ്യ കാറാണിത്. ടോപ്പ് മോഡൽ ZX വേരിയന്റിൽ മാത്രമേ ഈ ഫീച്ചർ ലഭ്യമാകൂ. 90hp പവർ ഉത്പാദിപ്പിക്കാൻ കഴിവുള്ള 1.2 ലിറ്റർ പെട്രോൾ എഞ്ചിനാണ് ഇതിനുള്ളത്. മാനുവൽ, CVT ഗിയർബോക്സുകൾ ഇതിൽ ഉൾപ്പെടുന്നു.
മഹീന്ദ്ര XUV 3XO വില:- 12.62 ലക്ഷം - 15.80 ലക്ഷം
ഇതിൽ നിങ്ങൾക്ക് ലെവൽ 2 ADAS സുരക്ഷാ സവിശേഷതകൾ ലഭിക്കും. ഈ എസ്യുവിയുടെ AX5 L, AX7 L വേരിയന്റുകളിൽ മാത്രമേ ലെവൽ-2 ADAS സുരക്ഷാ സവിശേഷതകൾ ഉള്ളൂ. ഇതിന്റെ എഞ്ചിനെക്കുറിച്ച് പറയുകയാണെങ്കിൽ, ഇതിന് 1.2 ലിറ്റർ ടർബോ പെട്രോൾ (131hp) - MT/TC, 1.5 ലിറ്റർ ഡീസൽ-MT എഞ്ചിൻ എന്നിവ ലഭിക്കുന്നു.
കിയ സോനെറ്റ് വില: 14.84 ലക്ഷം - 15.74 ലക്ഷം
ഒരു സ്റ്റൈലിഷ് എസ്യുവിയാണ് കിയസോണറ്റ്. ടെക് പ്രേമികളുടെ പ്രിയങ്കരനുമാണ് ഈ കാർ. ഇതിന് GTX+, X-Line വേരിയന്റുകളിൽ ലെവൽ-1 ADAS ഉണ്ട്. കിയ സോണെറ്റ് എഞ്ചിൻ ഓപ്ഷനെക്കുറിച്ച് പറയുകയാണെങ്കിൽ, ഇതിന് 1.0 ലിറ്റർ ടർബോ പെട്രോൾ (120hp) - DCT എഞ്ചിൻ ഉണ്ട്. 1.5 ലിറ്റർ ഡീസൽ (116hp) - TC ഓപ്ഷനും ഇതിനുണ്ട്.