ഏറ്റവും വിലകുറഞ്ഞ ഫൈവ് സ്റ്റാർ സുരക്ഷാ കാറുകൾ, 6.26 ലക്ഷം മുതൽ!
ഇന്ത്യൻ കാർ വിപണിയിൽ സുരക്ഷയ്ക്ക് പ്രാധാന്യം ഏറുകയാണ്, ഭാരത് NCAP (BNCAP) ഇതിന് ആക്കം കൂട്ടി. 10 ലക്ഷം രൂപയിൽ താഴെ വിലയിൽ 5-സ്റ്റാർ സുരക്ഷാ റേറ്റിംഗ് നേടിയ മികച്ച കാറുകളെ അറിയാം.
കാർ വാങ്ങൽ രീതി മാറി
ഇന്ത്യൻ കാർ വാങ്ങുന്നവർ ഇപ്പോൾ പഴയതുപോലെയല്ല. മുമ്പ്, കാർ വാങ്ങുമ്പോൾ ആളുകൾ മൈലേജും ലുക്കും നോക്കിയിരുന്നു.
സുരക്ഷയ്ക്ക് മുൻതൂക്കം നൽകി പുതിയ തലമുറ
എന്നാൽ ഇന്നത്തെ പുതിയ തലമുറ സുരക്ഷയ്ക്ക് മുൻതൂക്കം നൽകുന്നു. ഈ മാറിയ ചിന്താഗതി കാർ കമ്പനികളെ ഓരോ പുതിയ കാറിലും പരമാവധി സുരക്ഷാ സവിശേഷതകൾ ഉൾപ്പെടുത്താൻ നിർബന്ധിതരാക്കി.
ഭാരത് എൻസിഎപി
കർശനമായ ക്രാഷ് ടെസ്റ്റുകളിലൂടെ കാറുകൾക്ക് റേറ്റിംഗ് നൽകുന്ന ഭാരത് NCAP (BNCAP) ആരംഭിച്ചുകൊണ്ട് സർക്കാർ ഈ പ്രവണത മുന്നോട്ട് കൊണ്ടുപോയി.
5-സ്റ്റാർ സുരക്ഷാ സ്കോർ
ഈ റേറ്റിംഗ് അവതരിപ്പിച്ചതിനുശേഷം, 10 ലക്ഷം രൂപയിൽ താഴെ വിലയുള്ള നിരവധി കാറുകൾ 5-സ്റ്റാർ സുരക്ഷാ സ്കോർ നേടിയിട്ടുണ്ട്. അത്തരം 5 കാറുകളെക്കുറിച്ച് വിശദമായി അറിയാം.
മാരുതി സുസുക്കി ഡിസയർ
സുരക്ഷയിലും മൈലേജിലും മാരുതി സുസുക്കി ഡിസയർ വലിയ കുതിച്ചുചാട്ടം നടത്തിയിട്ടുണ്ട്. ഭാരത് NCAP-യിൽ പൂർണ്ണ 5-സ്റ്റാർ റേറ്റിംഗ് നേടി പുതുതലമുറ ഡിസയർ എല്ലാവരെയും അത്ഭുതപ്പെടുത്തി. 6.26 ലക്ഷം രൂപ പ്രാരംഭ വിലയിൽ പുറത്തിറങ്ങിയ ഡിസയർ മുതിർന്നവരുടെ സുരക്ഷയ്ക്ക് 29.46/32 ഉം കുട്ടികളുടെ സുരക്ഷയ്ക്ക് 41.57/49 ഉം സ്കോർ ചെയ്തു. സുരക്ഷയ്ക്കായി ആറ് എയർബാഗുകൾ, ABS-EBD, ഐസോഫിക്സ്, എല്ലാ സീറ്റുകൾക്കും റിമൈൻഡറുകൾ, ഹിൽ-ഹോൾഡ് അസിസ്റ്റ് എന്നിവയുമായാണ് കാർ വരുന്നത്.
ടാറ്റാ അൾട്രോസ്
ഭാരത് NCAP-യിൽ ടാറ്റ ആൾട്രോസിന് പൂർണ്ണ 5-സ്റ്റാർ റേറ്റിംഗ് ലഭിച്ചു. മുതിർന്നവരുടെ സുരക്ഷയിൽ ആൾട്രോസ് 29.65/32 ഉം കുട്ടികളുടെ സുരക്ഷയിൽ 44.90/49 ഉം നേടി. ഈ കാറിന്റെ പ്രാരംഭ എക്സ്-ഷോറൂം വില 6.30 ലക്ഷമാണ്. സുരക്ഷയ്ക്കായി, ആറ് എയർബാഗുകൾ, ഇഎസ്സി, എല്ലാ സീറ്റുകൾക്കും 3-പോയിന്റ് സീറ്റ് ബെൽറ്റുകൾ എന്നിവയുമായാണ് കാർ വരുന്നത്.
മഹീന്ദ്ര XUV 3XO
മഹീന്ദ്രയുടെ ഏറ്റവും താങ്ങാനാവുന്ന എസ്യുവിയായ XUV 3XO, ബജറ്റിൽ പോലും ഉയർന്ന തലത്തിലുള്ള സുരക്ഷ സാധ്യമാണെന്ന് തെളിയിച്ചിട്ടുണ്ട്. 10 ലക്ഷത്തിൽ താഴെയാണഅ വില. 5-സ്റ്റാർ ഭാരത് NCAP റേറ്റിംഗ് നേടി. മുതിർന്നവരുടെ സുരക്ഷയ്ക്ക് 29.36/32 ഉം കുട്ടികളുടെ സുരക്ഷയ്ക്ക് 43.00/49 ഉം നേടി. ആറ് എയർബാഗുകൾ, ESC, ഹിൽ-സ്റ്റാർട്ട് അസിസ്റ്റ്, ഉയർന്ന വേരിയന്റുകളിൽ 360 ഡിഗ്രി ക്യാമറ എന്നിവ സുരക്ഷാ സവിശേഷതകളിൽ ഉൾപ്പെടുന്നു.
ഹോണ്ട അമേസ്
സുരക്ഷയുടെ കാര്യത്തിൽ ഹോണ്ട അമേസ് ഇപ്പോൾ അതിന്റെ സെഗ്മെന്റിലെ മുൻനിര കാറുകളിൽ ഒന്നായി മാറിയിരിക്കുന്നു. ഡിസയറുമായുള്ള നേരിട്ടുള്ള മത്സരത്തിൽ, ഈ കാർ ഭാരത് NCAP-യിൽ 5-സ്റ്റാർ റേറ്റിംഗും നേടി. മുതിർന്നവരുടെ സുരക്ഷയിൽ 28.33/32 ഉം കുട്ടികളുടെ സുരക്ഷയിൽ 40.81/49 ഉം സ്കോർ ചെയ്തു. ആറ് എയർബാഗുകൾ, ഇഎസ്സി, ഐസോഫിക്സ്, എല്ലാ സീറ്റുകൾക്കുമുള്ള റിമൈൻഡറുകൾ എന്നിവ സുരക്ഷാ സവിശേഷതകളിൽ ഉൾപ്പെടുന്നു.
സ്കോഡ കൈലാക്ക്
യൂറോപ്യൻ ബ്രാൻഡായ സ്കോഡ അതിന്റെ മികച്ച നിർമ്മാണ നിലവാരത്തിന് പേരുകേട്ടതാണ്. ഭാരത് NCAP പരിശോധനകളിൽ സ്കോഡയുടെ കൈലാക്ക് 5-സ്റ്റാർ റേറ്റിംഗ് നേടി. മുതിർന്നവരുടെ സുരക്ഷയിൽ 30.88/32 ഉം കുട്ടികളുടെ സുരക്ഷയിൽ 45/49 ഉം സ്കോർ ചെയ്ത കോംപാക്റ്റ് എസ്യുവിയാണിത്. ആറ് എയർബാഗുകൾ, ട്രാക്ഷൻ കൺട്രോൾ, ഹിൽ-ഹോൾഡ്, ടിപിഎംഎസ് എന്നിവയാണ് സുരക്ഷാ സവിശേഷതകളിൽ ഉൾപ്പെടുന്നത്.
