70,000ത്തിൽ താഴെ വില, ഞെട്ടിക്കുന്ന മൈലേജ്! ഇടത്തരക്കാരുടെ ഫേവറിറ്റ് ബഡ്ജറ്റ് ബൈക്കുകൾ ഇവയാണ്

പെട്രോൾ വില വർധിച്ചുവരുന്ന സാഹചര്യത്തിൽ, ദൈനംദിന യാത്രകൾക്ക് കുറഞ്ഞ ചെലവിൽ കൂടുതൽ മൈലേജ് നൽകുന്ന ബൈക്കുകൾ തിരഞ്ഞെടുക്കേണ്ടത് അത്യാവശ്യമാണ്. 70,000 രൂപയിൽ താഴെ വിലയിൽ ലഭിക്കുന്ന മികച്ച മൈലേജുള്ള ബൈക്കുകളെക്കുറിച്ച് അറിയാം.

Image Credit : Google

കുറഞ്ഞ വിലയും കൂടുതൽ മൈലേജും

ഇന്ത്യയിൽ ദിവസവും ഓഫീസിലും കോളേജിലും ജോലിക്കും പോകുന്നവർ കുറഞ്ഞ വിലയും കൂടുതൽ മൈലേജുമുള്ള ബൈക്കുകളാണ് തിരഞ്ഞെടുക്കുന്നത്. 70,000 രൂപയിൽ താഴെയുള്ള ഈ ബൈക്കുകൾ ഇടത്തരക്കാർക്ക് വലിയ ആശ്വാസമാണ്.

Image Credit : Google

ഹീറോ എച്ച്എഫ് ഡീലക്സ്

വർഷങ്ങളായി വിശ്വാസ്യത നേടിയ കമ്മ്യൂട്ടർ ബൈക്കാണ് ഹീറോ എച്ച്എഫ് ഡീലക്സ്. 66,000-69,000 രൂപയാണ് വില. 100 സിസി എഞ്ചിനുള്ള ഈ ബൈക്ക് 70-75 കി.മീ മൈലേജ് നൽകും. കുറഞ്ഞ പരിപാലനച്ചെലവാണ്  വാഹനത്തിന്റെ പ്രത്യേകത.

Image Credit : stockPhoto

ബജാജ് പ്ലാറ്റിന

കൂടുതൽ മൈലേജ് നൽകുന്ന ബൈക്കുകളുടെ പട്ടികയിൽ മുന്നിലാണ് ബജാജ് പ്ലാറ്റിന 100. ഏകദേശം 60,000 രൂപയാണ് വില. നീളമുള്ള സീറ്റും മികച്ച ബാലൻസും കാരണം ദൈനംദിന യാത്രകൾക്ക് ഇത് അനുയോജ്യമാണ്. 70-75 കി.മീ വരെ മൈലേജ് ലഭിക്കും.

Image Credit : stockPhoto

ടിവിഎസ് സ്പോർട്ട്

വിശ്വസനീയമായ എഞ്ചിനും മികച്ച നിർമ്മാണ നിലവാരവുമുള്ള ബൈക്കാണ് ടിവിഎസ് സ്പോർട്ട്. 65,000-68,000 രൂപയാണ് വില. നഗരങ്ങളിലും ഗ്രാമങ്ങളിലും മികച്ച യാത്രാസുഖം നൽകുന്ന ഈ ബൈക്ക് 65-70 കി.മീ മൈലേജ് നൽകും.

Image Credit : Google

ഹീറോ സ്പ്ലെൻഡർ ഐസ്മാർട്ട്

സ്പ്ലെൻഡർ ശ്രേണിയിലെ പുതിയ മോഡലാണ് ഹീറോ സ്പ്ലെൻഡർ ഐസ്മാർട്ട്. 67,000-69,000 രൂപയാണ് ഈ വാഹനത്തിന്റെ വില. ഇതിലെ സ്മാർട്ട് ഇഗ്നിഷൻ സാങ്കേതികവിദ്യ ഇന്ധനം ലാഭിക്കാൻ സഹായിക്കുന്നു. 65-70 കി.മീ മൈലേജും ലഭിക്കും.

Image Credit : our own

ടിവിഎസ് എക്സ്എൽ 100

ടിവിഎസ് എക്സ്എൽ 100 ഒരു ഗിയർലെസ് മോപ്പഡാണ്. ഏകദേശം 55,000 രൂപയാണ് വില. കൂടുതൽ ഭാരം വഹിക്കാനുള്ള ശേഷിയും 75-80 കി.മീ മൈലേജും കുറഞ്ഞ പരിപാലനച്ചെലവും ഇതിനെ ജനപ്രിയമാക്കുന്നു.