ടെസ്റ്റ് അരങ്ങേറ്റത്തില് സിക്സ് പറത്തി ആദ്യ റണ്ണെടുത്ത 5 ബാറ്റ്സ്മാന്മാര്
കൊച്ചി: രാജ്യാന്തര ക്രിക്കറ്റിലെ അരങ്ങേറ്റ മത്സരത്തില് ആദ്യ റണ്ണെടുക്കുക എന്നത് ഏതൊരു ബാറ്റ്സ്മാനെ സംബന്ധിച്ചിടത്തോളവും പ്രധാനമാണ്. പ്രത്യേകിച്ച് ടെസ്റ്റ് ക്രിക്കറ്റില്. ആദ്യ റണ്ണെടുത്തുകഴിഞ്ഞാല് ബാറ്റ്സ്മാന്റെ പകുതി സമ്മര്ദ്ദമൊഴിയും. എന്നാല് ടെസ്റ്റ് അരങ്ങേറ്റത്തില് ആദ്യ റണ് തന്നെ സിക്സിലൂടെ നേടാന് ചങ്കുറപ്പ് കാട്ടിയ ചിലരുണ്ട്. അവരില് ചിലരിതാ.
ഡെയ്ല് റിച്ചാര്ഡ്സ്: വെസ്റ്റ് ഇന്ഡീസ് താരം ഡെയ്ല് റിച്ചാര്ഡ്സ് ആണ് ആദ്യ റണ്ഡ സിക്സിലൂടെ നേടി മറ്റൊരു താരം. 2010ല് ബംഗ്ലാദേശിനെതിരായ പരമ്പരയില് ക്രിക്കറ്റ് ബോര്ഡുമായുള്ള തര്ക്കത്തെ തുടര്ന്ന് പ്രമുഖ താരങ്ങള് ടീമില് നിന്ന് വിട്ടുനിന്നപ്പോഴാണ് ഡെയ്ല് റിച്ചാര്ഡ്സിന് ടീമില് അവസരം ലഭിച്ചത്. മഷ്റ്ഫി മൊര്ത്താസക്കെതിരെ സിക്സര് പറത്തിയാണ് റിച്ചാര്ഡ്സ് ടെസ്റ്റിലെ ആദ്യ റണ്സ് നേടിയത്.
സുനില് ആംബ്രിസ്: വെസ്റ്റ് ഇന്ഡീസ് താരം സുനില് ആംബ്രിസാണ് ആദ്യ ടെസ്റ്റ് റണ് തന്നെ സിക്സിലൂടെ സ്വന്തമാക്കിയ മറ്റൊരു താരം. 2017ല് ന്യൂസിലന്ഡിനെതിരായ ടെസ്റ്റിലായിരുന്നു ആംബ്രിസിന്റെ സിക്സര് അരങ്ങേറ്റം.
ഋഷഭ് പന്ത്: 2018ലെ ഇംഗ്ലണ്ട് പര്യടനത്തില് ഇന്ത്യക്കായി അരങ്ങേറിയ ഋഷഭ് പന്ത് ആദില് റഷീദിനെ സിക്സിന് പറത്തിയാണ് ടെസ്റ്റിലെ ആദ്യ റണ്ണെടുത്തത്.
ധനഞ്ജയ ഡിസില്വ: ശ്രീലങ്കയുടെ ധനഞ്ജയ ഡിസില്വയാണ് സിക്സറിലൂടെ ടെസ്റ്റില് അരങ്ങേറിയ മറ്റൊരു താരം. 2016ല് ഓസ്ട്രേലിയക്കെതിരായ ടെസ്റ്റിലായിരുന്നു ധനഞ്ജയയുടെ ടെസ്റ്റ് അരങ്ങേറ്റം.
ഡാനിയെല് ക്രെയ്ഗ്: ഓഫ് സ്പിന്നറാണെങ്കിലും ഡാനിയേല് ക്രെയ്ഗിന് ടെസ്റ്റ് ചരിത്രത്തില് മറ്റൊരു സവിശേഷ റെക്കോര്ഡുണ്ട്. ടെസ്റ്റിലെ ആദ്യ റണ് സിക്സിലൂടെ നേടി എന്നത് മാത്രമല്ല, ടെസ്റ്റില് നേരിട്ട ആദ്യ പന്ത് തന്നെ സിക്സറിന് പറത്തിയ ഒരേയൊരു താരവുമാണ് ക്രെയ്ഗ്. 2014ല് വെസ്റ്റ് ഇന്ഡീസിനെതിരെ ആയിരുന്നു ക്രെയ്ഗിന്റെ അരങ്ങേറ്റം.