ഇന്ത്യ-ഇംഗ്ലണ്ട് ആദ്യ ടെസ്റ്റ് നാളെ, ഓപ്പണര്‍ സ്ഥാനത്ത് ആശയക്കുഴപ്പം, സാധ്യതാ ഇലവന്‍

രോഹിത് ശര്‍മ: ഓപ്പണര്‍ സ്ഥാനത്ത് രോഹിത് ശര്‍മയല്ലാതെ ഇന്ത്യക്ക് മറ്റൊരു ചോയ്സില്ല. പന്ത് സ്വിംഗ് ചെയ്യുന്ന ഇംഗ്ലണ്ടിലെ സാഹചര്യങ്ങളെ രോഹിത് എങ്ങനെ നേരിടുമെന്നത് ഇന്ത്യയെ സംബന്ധിച്ചിടത്ത് നിര്‍ണായകമാണ്.

കെ എല്‍ രാഹുല്‍: ശുഭ്മാന്‍ ഗില്ലും മായങ്ക് അഗര്‍വാളും പരിക്കിന്‍റെ പിടിയിലായതോടെ കെ എല്‍ രാഹുലിന് വീണ്ടും ഓപ്പണര്‍ സ്ഥാനത്ത് തിരിച്ചെത്താനുള്ള അവസരമാണിത്. ആദ്യ ടെസറ്റില്‍ മികവ് കാട്ടിയാല്‍ രാഹുലിന് സ്ഥാനം നിലനിര്‍ത്താനാവും.

ചേതേശ്വര്‍ പൂജാര: മെല്ലെപ്പോക്കിന് വിമര്‍ശനങ്ങള്‍ കേള്‍ക്കുന്നുണ്ടെങ്കിലും മൂന്നാം നമ്പറില്‍ ചേതേശ്വര്‍ പൂജാരക്ക് പകരക്കാരനില്ല.

വിരാട് കോലി: രാജ്യാന്തര സെഞ്ചുറി നേടിയിട്ട് രണ്ട് വര്‍ഷം പൂര്‍ത്തിയാക്കുന്ന ക്യാപ്റ്റന്‍ വിരാട് കോലി സെഞ്ചുറിയോടെ തുടങ്ങുമോ എന്ന് ആകാംക്ഷയിലാണ് ആരാധകര്‍.

അജിങ്ക്യാ രഹാനെ: പൂജാരയെപ്പോലെ സമീപകാലത്ത് വിമര്‍ശനങ്ങളേറ്റുവാങ്ങുന്ന അജിങ്ക്യാ രഹാനെക്കും ഇംഗ്ലണ്ടിനെതിരായ പരമ്പര നിര്‍ണായകമാണ്.

റിഷഭ് പന്ത്: വിക്കറ്റ് കീപ്പറായും ബാറ്റിംഗ് ഓര്‍ഡറില്‍ ആറാം നമ്പറിലും റിഷഭ് പന്ത് അല്ലാതെ മറ്റൊരു താരത്തെ പരിഗണിക്കാനില്ല.

ആര്‍ അശ്വിന്‍: സ്പിന്നറായി കൗണ്ടി മത്സരത്തില്‍ മികവ് കാട്ടിയ അശ്വിന്‍ തന്നെ ടീമിലെത്തും.

ഷര്‍ദ്ദുല്‍ ഠാക്കൂര്‍: പേസ് ഓള്‍ റൗണ്ടറെന്ന നിലയില്‍ ഷര്‍ദ്ദുല്‍ ഠാക്കൂറിന് അന്തിമ ഇലവനില്‍ ഇടം ലഭിച്ചേക്കും.

ഇഷാന്ത് ശര്‍മ: ഇംഗ്ലണ്ടിലെ പരിചയസമ്പത്ത് കണക്കിലെടുത്ത് ഇഷാന്ത് അന്തിമ ഇലവനില്‍ കളിച്ചേക്കും.

മുഹമ്മദ് ഷമി: ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ സ്വിംഗ് കൊണ്ട് ന്യൂസിലന്‍ഡിനെ വെള്ളംകുടിപ്പിച്ച മുഹമ്മദ് ഷമി തന്നെയാകും ഇന്ത്യയുടെ രണ്ടാം പേസര്‍.

ജസ്പ്രീത് ബൂമ്ര: ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ നിറം മങ്ങിയെങ്കിലും ജസ്പ്രീത് ബുമ്ര തന്നെയാകും ടീമിലെ നാലാമത്തെ പേസര്‍.