രോഹിത് തിരിച്ചെത്തുമോ ?; ഇംഗ്ലണ്ടിനെതിരായ മൂന്നാം ടി20ക്കുള്ള ഇന്ത്യയുടെ സാധ്യതാ ടീം
അഹമ്മദാബാദ്: ഇംഗ്ലണ്ടിനെതിരായ ടി20 പരമ്പരയിലെ മൂന്നാം മത്സരത്തിന് ഇന്ത്യ നാളെ ഇറങ്ങുമ്പോള്‍ ഓപ്പണര്‍ സ്ഥാനത്ത് രോഹിത് ശര്‍മ തിരിച്ചെത്തുമോ എന്നാണ് ആരാധകര്‍ ഉറ്റുനോക്കുന്നത്. രോഹിത് തിരിച്ചെത്തിയാല്‍ ആരാകും പുറത്തുപോവുക എന്നതും ആകാംക്ഷ കൂട്ടുന്നു. ആദ്യ രണ്ട് മത്സരങ്ങളിലും നിരാശപ്പെടുത്തി രാഹുല്‍ പോകുമോ റിഷഭ് പന്തിന് വിശ്രമം അനുവദിച്ച് രോഹിത്തിനെ കളിപ്പിക്കുമോ എന്നതും കാത്തിരുന്ന് കാണണം. ഇംഗ്ലണ്ടിനെതിരായ മൂന്നാം ടി20ക്കുള്ള ഇന്ത്യയുടെ സാധ്യതാ ടീം.
)
Followരോഹിത് ശര്‍മ: നിര്‍ണായക പോരാട്ടത്തില്‍ ഓപ്പണര്‍ സ്ഥാനത്ത് രോഹിത് ശര്‍മ തിരിച്ചെത്തും.
)
ഇഷാന്‍ കിഷന്‍: അരങ്ങേറ്റത്തില്‍ തിളങ്ങിയ ഇഷാന്‍ കിഷന്‍ രോഹിത്തിനൊപ്പം ഓപ്പണറായി ഇറങ്ങും.
വിരാട് കോലി: ഫോമിലേക്ക് മടങ്ങിയെത്തിയ ക്യാപ്റ്റന്‍ വിരാട് കോലി തന്നെയാവും മൂന്നാം നമ്പറില്‍.
കെ എല്‍ രാഹുല്‍: ഓപ്പണര്‍ സ്ഥാനത്ത് നിരാശപ്പെടുത്തിയ കെ എല്‍ രാഹുലിനെ നാലാം നമ്പറില്‍ ഇറക്കിയുള്ള പരീക്ഷണത്തിന് ഇന്ത്യ മുതിര്‍ന്നേക്കും.
ശ്രേയസ് അയ്യര്‍: ആദ്യ മത്സരത്തില്‍ ഇന്ത്യക്കായി തിളങ്ങിയ ശ്രേയസ് അയ്യരാവും അഞ്ചാം നമ്പറില്‍.
സൂര്യകുമാര്‍ യാദവ്: റിഷഭ് പന്തിന് വിശ്രമം കൊടുക്കുന്ന സാഹചര്യത്തില്‍ സൂര്യകുമാര്‍ യാദവ് ആറാം നമ്പറിലെത്തും.
ഹര്‍ദ്ദിക് പാണ്ഡ്യ: ആദ്യ രണ്ട് മത്സരങ്ങളിലും കാര്യമായി തിളങ്ങിയിട്ടില്ലെങ്കിലും പേസ് ഓള്‍ റൗണ്ടറായി ഹര്‍ദ്ദിക് പാണ്ഡ്യ എത്തും.
വാഷിംഗ്ടണ്‍ സുന്ദര്‍: സ്പിന്‍ ഓള്‍ റൗണ്ടറായി വാഷിംഗ്ടണ്‍ സുന്ദര്‍ എത്തും.
ഷര്‍ദ്ദുല്‍ ഠാക്കൂര്‍: രണ്ടാം പേസറായി ഷര്‍ദ്ദുല്‍ ഠാക്കൂര്‍ ഇറങ്ങും.
ഭുവനേശ്വര്‍ കുമാര്‍: ഒന്നാം പേസറായി ഭുവനേശ്വര്‍ കുമാര്‍ തന്നെയെത്തും.
യുസ്‌വേന്ദ്ര ചാഹല്‍: സ്പെഷലിസ്റ്റ് സ്പിന്നറായി യുസ്‌വേന്ദ്ര ചാഹല്‍ തന്നെ അന്തിമ ഇലവനില്‍ എത്തും.
