- Home
- Sports
- Cricket
- പ്ലേയിംഗ് ഇലവനിലെത്താന് സഞ്ജു സാംസണ് വഴി തെളിയുന്നു, പൂര്ണമായും തഴയില്ല; അവസരം നല്കാന് ടീം മാനേജ്മെന്റ്
പ്ലേയിംഗ് ഇലവനിലെത്താന് സഞ്ജു സാംസണ് വഴി തെളിയുന്നു, പൂര്ണമായും തഴയില്ല; അവസരം നല്കാന് ടീം മാനേജ്മെന്റ്
ടി20 ലോകകപ്പില് കിരീടം നിലനിര്ത്താന് ഇന്ത്യ ഇന്ന് യുഎസിനെതിരെ ഇറങ്ങാനിരിക്കുയാണ്. സഞ്ജു കളിക്കില്ലെന്ന് ഉറപ്പായി. എന്നാല് സഞ്ജുവിനെ ലോകകപ്പില് നിന്ന് ഒന്നാകെ മാറ്റിനിര്ത്തിയേക്കില്ല. ഗ്രൂപ്പ് സ്റ്റേജിലെ അവസാന മത്സരത്തില് അവസരം ലഭിച്ചേക്കും…
ആദ്യ മത്സരം അമേരിക്കയോട്
സന്നാഹ മത്സരത്തിലൂടെ ഇന്ത്യ തങ്ങളുടെ പ്ലേയിംഗ് ഇലവന് കണ്ടെത്തി കഴിഞ്ഞിരുന്നു. ഫോം കണ്ടെത്താന് വിഷമിക്കുന്ന മലയാളി താരം സഞ്ജു സാസംണ് പുറത്തിരിക്കും. ഇഷാന് കിഷന് വിക്കറ്റ് കീപ്പറാകും. ഓപ്പണറും അദ്ദേഹം തന്നെ.
കാരണമായത് സഞ്ജുവിന്റെ മോശം
സഞ്ജുവിന് പുറത്തേക്കുള്ള വഴിയൊരുക്കിയത് അദ്ദേഹത്തിന്റെ മോശം പ്രകടനം തന്നെയാണ്. ന്യൂസിലന്ഡിനെതിരെ അഞ്ച് മത്സരങ്ങളുടെ ടി20 പരമ്പരയില് ഓപ്പണറായി കളിച്ച സഞ്ജുവിന് ആകെ നേടാനായത് 46 റണ്സ് മാത്രമാണ്.
ഇഷാന് കിഷന്റെ വരവ്
സഞ്ജു മോശം ഫോമിലായപ്പോള് മൂന്നാം സ്ഥാനത്ത് കളിച്ച ഇഷാന് കിഷന് അവസരം ശരിക്കും മുതലെടുത്തു. പരമ്പരയില് നാല് മത്സരം കളിച്ച കിഷന് 215 റണ്സാണ് അടിച്ചെടുത്തത്. തിരുവനന്തപുരത്ത് നടന്ന അവസാന മത്സരത്തില് സെഞ്ചുറി.
സഞ്ജുവിനെ കീപ്പര് സ്ഥാനത്ത് നിന്ന് മാറ്റുന്നു
ന്യൂസിലന്ഡിനെതിരെ പരമ്പര അവസാനിച്ചതോടെ ഇഷാനെ ഓപ്പണറായി നിയോഗിച്ച് കഴിഞ്ഞിരുന്നു. അവസാന മത്സരത്തില് സഞ്ജുവിനെ വിക്കറ്റ് കീപ്പര് സ്ഥാനത്ത് നിന്ന് മാറ്റുകയും ചെയ്തു. അത് പ്ലേയിംഗ് ഇലവനെ കുറിച്ചുള്ള വ്യക്തമായ സൂചനയായിരുന്നു.
സന്നാഹത്തിലും കിഷന്
ശേഷം ദക്ഷിണാഫ്രിക്കയ്ക്കെതിരെ നടന്ന സന്നാഹ മത്സരത്തില് സഞ്ജുവിനെ കളിപ്പിച്ചതേയില്ല. പകരം കിഷന് ഓപ്പണറാവുകയും വിക്കറ്റ് കീപ്പറുടെ ഗ്ലൗ അണിയുകയും ചെയ്തു. അതോടെ ചിത്രം വ്യക്തം, സഞ്ജു പുറത്ത്.
പരിശീലനത്തിനും സഞ്ജു ഇല്ല
യുഎസിനെതിരായ ആദ്യ മത്സരത്തിന് മുമ്പുള്ള പരിശീലനത്തിനും സഞ്ജു ഉണ്ടായിരുന്നില്ല. ബാക്കിയുള്ള താരങ്ങളെല്ലാം ബാറ്റിംഗ് പരിശീലനം നടത്തിയപ്പോള് സഞ്ജുവിനെ ബാറ്റിംഗിന് അയച്ചത് പോലുമില്ല.
യുഎസിനെ ശക്തമായ നിര
സഞ്ജു ആയിരുന്നു ലോകകപ്പ് ടീമിനെ ദുര്ബല കണ്ണി. യുഎസിനെതിരെ എന്തായാലും സഞ്ജു കളിക്കില്ല. ഇഷാന് - അഭിഷേക് ശര്മ സഖ്യം ഓപ്പണ് ചെയ്യുമെന്ന് ക്യാപ്റ്റന് സൂര്യകുമാര് വ്യക്തമാക്കുകയും ചെയ്തിരുന്നു.
രണ്ടാം മത്സരം നമീബിയക്കെതിരെ
ലോകകപ്പില് രണ്ടാം മത്സരം ദുര്ബലരായ നമീബിയക്കെതിരെയാണ്. ദുര്ബലരായ ആദ്യ രണ്ട് എതിരാളികള്ക്കെതിരെ ജയിക്കുമ്പോള് തന്നെ ഇന്ത്യക്ക് നാല് പോയിന്റ് ലഭിക്കും. സൂപ്പര് എട്ടിലേക്കുള്ള യാത്ര സുഖകരമായി തുടങ്ങാം.
പാകിസ്ഥാന്റെ പിന്മാറ്റം
ലോകകപ്പില് ഇന്ത്യക്കെതിരെ കളിക്കേണ്ടെന്ന ഉറച്ച നിലപാടിലാണ് പാകിസ്ഥാന്. പാകിസ്ഥാന് പിന്മാറുക കൂടി ചെയ്താല് ഇന്ത്യക്ക് വാക്ക് ഓവര് ലഭിക്കും. അതിലൂടെ രണ്ട് പോയിന്റ് കൂടി ലഭിക്കും. ഇതോടെ സൂപ്പര് എട്ട് ഉറപ്പിക്കുകയും ചെയ്യും.
അവസാന മത്സരം നെതര്ലന്ഡ്സിനെതിരെ
ആറ് പോയിന്റ് ലഭിക്കുന്നതോടെ ഇന്ത്യയുടെ അവസാന മത്സരം അപ്രധാനമാകും. ആ മത്സരത്തില് സഞ്ജുവിന് അവസരം ലഭിച്ചേക്കും. കിഷന് വിശ്രമം നല്കും. അങ്ങനെ സഞ്ജുവിന് ലോകകപ്പില് ആദ്യ അവസരം ലഭിചേക്കും. രണ്ട് ലോകകപ്പിനുള്ള ടീമിലുണ്ടായിട്ടും ഒരു മത്സരം പോലും കളിച്ചില്ലെന്ന ദുഷ്പേര് മാറ്റാന് സഞ്ജുവിന് സാധിച്ചേക്കും.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!